Yohane 10:21 - Xitsonga (Bibele)

²¹ Van'wana va ku: “Marito lawa, a hi ya munhu la nga ni demona. Xana demona ri nga hanyanyisa munhu lowo fa mahlo xana?”

BIBELE Mahungu Lamanene

²¹ Kambe van'wana a va ku: “Marito lawa a hi ya munhu la nga ni demona. Xana demona ri nga pfula mahlo ya lavo-fe-mahlo xana?”

Testamente Leyimpsha Xichangana

²¹ Kambe van'wana avaku: “Marito lawa ahi ya munhu lweyi anga ni dimoni. Xana dimoni ringapfula mahlo ya lavo vangafa mahlo, ke?”

Yohane 10:21 Referans Kwoze

Eksoda 4:11

Kutani Yehovha a ku eka yena: “I mani la endleke nomu wa munhu? Kumbe i mani la endlaka munhu mbheveve, kumbe lowo fa tindleve, kumbe la vonaka, kumbe lowo fa mahlo? Xana a hi mina Yehovha?

Matewu 11:5

Vo fa mahlo va tlhela va vona, lavo khwita va famba, va nhlokonho va basisiwa, vo fa tindleve va yingisa, va ku fa va pfuka, swisiwana swi byeriwa Evhangeli;

Pisalema 94:9

La nga mirisa ndleve, a nga ka a nga twi xana? La nga vumba tihlo, a nga ka a nga voni xana?

Yohane 9:6

Kuteloko a vulavurile sweswo, a tshwutela marhi ehansi, a pfuva ndzhope hi marhi, kutani a tota mahlo ya lowo fa mahlo hi ndzhope wolowo,

Matewu 4:24

Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

Swivuriso 20:12

Ndleve ya twa, ni tihlo ra vona, Yehovha u endlile vumbirhi bya swona.

Pisalema 146:8

Yehovha u kutsula lava khomiweke; Yehovha u hanyanyisa mahlo ya lavo fa mahlo, U olola lava korhamisiweke. Yehovha u rhandza lavo lulama.

Eksoda 8:19

Kavaloko tin'anga ti ku eka Faro: “I ritiho ra Xikwembu!” Hambiswiritano, mbilu ya Faro yi nonon'hwa, a nga yingisanga hilaha Yehovha a nga vula hakona.

Yohane 10:22

Nkhuvo wa ku khangula tempele a wu ri kona eYerusalema, kambe a byi ri vuxika.