Yohane 1:51 - Xitsonga (Bibele)

⁵¹ A engeta a ku eka yena: “Kunenenene ndzi ri eka n'wina: Ku sungula sweswi, mi ta vona tilo ri pfuriwile, ni tintsumi ta Xikwembu ti ri karhi ti tlhandluka, ti va ti xikela ehenhla ka N'wana wa munhu.”

BIBELE Mahungu Lamanene

⁵¹ A engeta a ku ka yena: “Ndzi tiyisisile ndzi ri ka n'wina: Mi ta vona tilo ri pfulekile, ni tintsumi ta Xikwembu ti ri karhi ti tlhandlukela ehenhla ni ku xikela eka N'wana-wa-Munhu.”

Testamente Leyimpsha Xichangana

⁵¹ Yesu atlhela aku ka yena: “Nitiyisile nili ka wena: Mitavona tilo ripfulekile ni tintsumi ta Xikwembu na tili karhi titlhantukela ni kuxikela henhla ka N'wana-wa-Munhu.”

Yohane 1:51 Referans Kwoze

Genesa 28:12

Kutani a lorha norho; a vona phandze ri yimile, ri ya fika etilweni; a vona ni tintsumi ta Xikwembu, ti ri karhi ti tlhandluka, ti tlhela ti xika ha rona.

Timhaka 7:56

Kutani a ku: “Maswivo, ndzi vona tilo ri pfulekile; ni N'wana wa Munhu u yimile evokweni ra xinene ra Xikwembu.”

Luka 22:43

Kutani ntsumi yi humelela, yi huma etilweni, yi ta n'wi tiyisa.

Luka 2:13

Kutani hi nomu lowu, vunyingi bya mavandla ya le henhla byi va ni ntsumi, byi vonga Xikwembu, byi ku:

Marka 14:62

Yesu a ku: “Hi mina; kambe mi ta vona N'wana wa Munhu a tshamile evokweni ra xinene ra matimba ra Xikwembu, a ta hi mapapa ya le tilweni.”

Marka 1:10

Kakuloko a huma ematini, a vona tilo ri pfuriwa, Moya wu xikela henhla ka Yesu, wu fana ni tuva;

Matewu 3:16

Kuteloko Yesu u khuvuriwile, a hatlisa a huma ematini; kutani hi nomu lowu, matilo ma pfuleka, a vona Moya wa Xikwembu wu xika, wo ngi i tuva, wu ta ehenhla ka yena.

Ezekiele 1:1

Hi lembe ra makume manharhu, hi siku ra vuntlhanu ra n'hweti ya vumune, loko a ndzi ri exikarhi ka lava yisiweke evukhumbini, enambyeni wa Kebara, matilo ma pfuleka, kutani ndzi vona mahlori ya Xikwembu.

Timhaka 10:11

A vona tilo ri handzuriwile, ni xilo lexi fanaka ni nguvu leyikulu, xi xikela eka yena xi bohiwile etinhleni ta mune, xi nembeletiwa emisaveni;

Luka 3:21

Kakuloko vanhu va khuvuriwa, na yena Yesu, a khuvuriwa; kambe loko a a ri karhi a khongela, matilo ma pfuleka,

Matewu 4:11

Kwalaho Diyavulosi a n'wi tshika; kutani vonani, tintsumi ti n'wi tshinelela, ti n'wi tirhela.

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

Nhlavutelo 4:1

Endzhaku ka sweswo ndzi languta, kutani ndzi vona nyangwa yi pfuriwile etilweni kutani rito lero rhanga leri ndzi ri tweke, ri vulavula na mina, ri fana ni nanga, ri ku: “Tlhandlukela halenu, ndzi ta ku kombisa leswi nga ta humelela endzhaku ka leswi.”

2 Vatesalonika 1:7

siku Hosi Yesu a vonakalaka, a huma etilweni ni tintsumi ta yena leta matimba,

Luka 2:9

Kutani, hi nomu lowu, ntsumi ya Hosi yi humelela eka vona, ku vonakala ka Hosi ku va rhendzela, kutani va chava hi ku chava lokukulu.

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Yohane 10:1

“Ndzi vurisile ndzi ri eka n'wina: La nga ngheniki hi nyangwa etshangeni ra tinyimpfu, kambe a tlulela hi kun'wana, i muyivi ni khamba.

Luka 22:69

Ku sungula sweswi, N'wana wa Munhu u ta tshama evokweni ra xinene ra matimba ya Xikwembu.”

Matewu 25:31

“Siku N'wana wa Munhu a nga ta ta eku kwetsimeni ka yena, ni tintsumi ta yena leto kwetsima ti ri na yena hinkwato, hilaha a nga ta tshamisa exiluvelweni xo kwetsima xa yena.

Yuda 1:14

Hi vona valavo Enoko, wanuna lowa vuntlhanu na vambirhi ku sukela eka Adamu, a nga va bvumbha loko a te:

2 Vatesalonika 1:9

Valavo va ta biwa hi ku onhaka loku nga heriki, hi ku humelela eka Hosi, ni matimba layo kwetsima ya yona;

Yohane 14:12

“Ndzi vurisile ndzi ri eka n'wina: La pfumelaka ka mina, mitirho leyi ndzi yi endlaka u ta yi endla na yena, u ta endla ni leyi tlulaka leyi, hikuva ndzi ya ka Tatana.

Yohane 6:47

“Ndzi vurisile ndzi ri eka n'wina: La pfumelaka eka mina, u ni vutomi lebyi nga heriki.

Luka 24:4

Va ku va ha hlamala ha swona, vonani, vavanuna vambirhi va humelela eka vona, va ri ni tinguvu leti hatimaka.

Matewu 26:24

Loko a ri N'wana wa Munhu, u tifambela hilaha ku tsariweke ehenhla ka yena hakona, kambe u ni khombo munhu yeloyi N'wana wa Munhu a xengiwaka hi yena; ingi swi sasekile loko munhu loyi a nga velekiwanga.”

Yohane 21:18

Ndzi vurisile ndzi ri eka wena: Loko wa ha ri lontshwa, a wu tiboha u ri swaku, u tifambela laha u rhandzeke ku ya kona; kambe kutakuloko u dyuharile, u ta tshambuluta mavoko ya wena, kutani un'wana u ta ku boha, a ku yisa laha u nga ku rhandziki.”

Yohane 8:51

Ndzi vurisile ndzi ri eka n'wina: Kungakuloko munhu a hlayisa rito ra mina, a nga ka a nga voni rifu, ni siku ni rin'we.”

Yohane 6:32

Kutani Yesu a ku eka vona: “Ndzi vurisile ndzi ri eka n'wina: Muxe a nga mi nyikanga vuswa lebyi humaka etilweni, kambe Tatana a mi nyika vuswa lebyinene lebyi humaka etilweni.

Yohane 3:5

Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

Yohane 16:20

Ndzi vurisile ndzi ri eka n'wina: Mi ta rila, mi va mi kolola, kutani yona misava yi ta tsaka; mi ta va ni ku vaviseka, Kambe ku vaviseka ka n'wina ku ta hundzuka ku tsaka.

Yohane 13:16

“Ndzi vurisile ndzi ri eka n'wina: Nandza a hi nkulu eka hosi ya yena ni murhumiwa a hi nkulu eka la n'wi rhumeke.

Yohane 10:7

Yesu a engeta a ku eka vona: “Ndzi vurisile ndzi ri eka n'wina: Hi mina nyangwa ya tinyimpfu.

Yohane 6:53

Yesu a ku eka vona: “Ndzi vurisile ndzi ri eka n'wina: Loko mi nga dyi nyama ya N'wana wa Munhu, ni loko mi nga nwi ngati ya yena, a ku na vutomi eka n'wina.

Yohane 5:27

U n'wi nyikile ni matimba ya ku avanyisa, hikuva i N'wana wa Munhu.

Yohane 5:19

Yesu a hlamula, a ku eka vona: “Ndzi vurisile ndzi ri eka n'wina: N'wana a nga swi koti ku tisungulela a tirha nchumu loko a nga swi vonanga swi tirhiwa hi Tata wa yena; hikuva hinkwaswo leswi endliwaka hi Tatana, N'wana u swi endlisa sweswo na yena.

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Matewu 9:6

Kutani sweswi, hileswaku mi tiva leswaku N'wana wa Munhu u ni matimba laha emisaveni ya ku rivalela vanhu swidyoho,” a ku eka lowa ku oma swirho: “Pfuka, u teka masangu ya wena, u ya endlwini ya wena.”

Matewu 8:20

Kutani Yesu a ku eka yena: “Timhungubye ti ni micele, ni tinyanyana ta le tilweni ti ni swisaka, kambe N'wana wa Munhu a nga na laha a nga seketelaka nhloko ya yena kona.”

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Yohane 16:23

“Hi siku rero, a mi nga ndzi vutisi nchumu. Ndzi vurisile ndzi ri eka n'wina: Swilo hinkwaswo leswi mi nga ta swi kombela eka Tatana hi vito ra mina, u ta mi nyika swona.

Yohane 13:38

Yesu a n'wi hlamula, a ku: “U ri u nga tshika vutomi bya wena hikwalaho ka mina xana? Ndzi vurisile ndzi ri eka wena: Nkuku loko wu nga si ringa, u ta va u ndzi landzurile kanharhu.

Yohane 8:58

Yesu a ku eka vona: “Ndzi vurisile ndzi ri eka n'wina: Loko Abrahama a nga si va kona, mina a ndzi ri kona.”

Yohane 8:34

Yesu a va hlamula, a ku: “Ndzi vurisile ndzi ri eka n'wina: Un'wana ni un'wana la dyohaka hi xidyoho, i khumbi ra xidyoho.

Yohane 6:26

Yesu a va hlamula, a ku: “Ndzi vurisile ndzi ri eka n'wina: Ma ndzi lava ku nga ri hi leswi mi nga vona masingita, kambe hi leswi mi nga dya xinkwa, mi va mi xurha.

Yohane 1:50

Yesu a hlamula, a ku eka yena: “U pfumela hi leswi ndzi nga te eka wena: Ndzi ku vonile ehansi ka nkuwa; u ta vona leswikulu ku tlula leswi.”