Yohane 1:1 - Xitsonga (Bibele)

¹ Eku sunguleni Rito a ri ri kona, Rito a ri ri ni Xikwembu, kutani Rito a xi ri Xikwembu.

BIBELE Mahungu Lamanene

¹ Eku sunguleni ka swilo hinkwaswo, Rito a ri ri kona, Rito a ri ri na Xikwembu, kutani rito a ri ri Xikwembu.

Testamente Leyimpsha Xichangana

¹ Kusunguleni ka svilo hinkwasvu, Rito arili kona, Rito arili ni Xikwembu, kutani Rito arili Xikwembu.

Yohane 1:1 Referans Kwoze

Genesa 1:1

Eku sunguleni Xikwembu xi tumbuluxile tilo ni misava.

Yohane 17:5

Sweswi, wena Tatana, ndzi dzunise eka wena hi ku dzunisiwa loku ngi ndzi ri na kona eka wena, misava yi nga si va kona.

Nhlavutelo 19:13

A ambele nguvu leyi totiweke hi ngati, kutani vito ra yona, i Rito ra Xikwembu.

Vakolosa 1:17

Hi yena la nga emahlweni ka swilo hinkwaswo, kutani hinkwaswo swi yimisiwe hi yena.

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Nhlavutelo 22:13

Hi mina Alfa na Omega, lowo rhanga ni lowo hetelela, wa ku sungula ni wa makumu.

Yohane 1:2

Rito lero a ri ri eka Xikwembu eku sunguleni.

Nhlavutelo 1:8

“Hi mina Alfa na Omega” (ku sungula ni ku hela), ku vula Hosi Xikwembu, Loyi a nga kona, Loyi a a ri kona, Loyi a taka, La nga ni matimba hinkwawo.

Vafilipiya 2:6

loyi hambi a ri ni xivumbeko xa Xikwembu, a nga anakanyanga ku tiyisa ku fana ka yena na Xikwembu;

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Nhlavutelo 21:6

A engeta a ku eka mina: “Swi herile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika ntsena mati ya xihlovo xa vutomi.

Vaheveru 13:8

Yesu Kriste i un'we, hambi tolo, hambi namuntlha, ni hilaha ku nga heriki.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Yohane 16:28

Ndzi humile eka Tatana, kutani ndzi tile emisaveni; sweswi, ndzi tlhela ndzi suka emisaveni ndzi ya eka Tatana.”

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

Yohane 20:28

Tomasi a hlamula, a ku eka yena: “Hosi yanga ni Xikwembu xanga!”

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

Vaheveru 7:3

la nga riki na tatana, hambi a ri manana, hambi ri ri rixaka, a nga riki na ku sungula ka masiku, hambi ma ri makumu ya ku hanya ka yena kambe a ri la fanaka ni N'wana wa Xikwembu, a tshama a ri muprista hilaha ku nga heriki.

Nhlavutelo 3:14

“Tsalela ni ntsumi ya kereke ya Lawodikiya, u ku: “ ‘Hi leti ti vuriwaka hi loyi a nga Amen, mbhoni leyi tshembekeke, ya ntiyiso, nhloko ya swivumbiwa swa Xikwembu:

Vaefesa 3:9

ni ku vonakarisa emahlweni ka hinkwavo, ku averiwa ka xihundla lexi ngi xi fihliwile, ka hari mpfhuka wo sungula, eka Xikwembu lexi nga endla hinkwaswo,

Nhlavutelo 1:2

la nga tiyisa Rito ra Xikwembu ni vumbhoni bya Yesu Kriste, swi nga hinkwaswo leswi a swi voneke.

1 Yohane 5:7

Hikuva timbhoni ti kona, ti nga tinharhu:

Varhoma 9:5

hi vona lava humaka eka vatatana, lava Kriste a humeke eka vona hitlhelo ra nyama, yena la nga ehenhla ka swilo hinkwaswo, Xikwembu lexi vongiwaka hilaha ku nga heriki. Amen!

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

Pisalema 45:6

Oho Xikwembu! Xiluvelo xa wena xi tiyile hi mikarhi ni mikarhi; Nhonga ya vuhosi bya wena i nhonga ya ku lulama.

Nhlavutelo 2:8

“Tsalela ni ntsumi ya kereke ya Smirna, u ku: “ ‘Lowo rhanga ni wa le ndzhaku, loyi a nga fa a tlhela a hanya, u vulavula sweswo, u ri:

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Nhlavutelo 1:11

ri ku: “Leswi u swi vonaka, swi tsale ebukwini, u swi rhumela tikereke ta ntlhanu na timbirhi leti nga eAsiya, le Efesa, ni le Smirna, ni le Pergamo, ni le Tiyatira, ni le Sarda, ni le Filadelfiya, ni le Lawodikiya.”

Luka 24:53

Kutani a va tiyisela etempeleni hi masiku, va ri karhi va dzunisa ni ku tlangela Xikwembu.

Yohane 8:58

Yesu a ku eka vona: “Ndzi vurisile ndzi ri eka n'wina: Loko Abrahama a nga si va kona, mina a ndzi ri kona.”

Vakolosa 1:15

Hi yena a nga xifaniso xa Xikwembu lexi nga voniwiki, mativula ya hinkwaswo leswi nga endliwa.