Yeremiya 9:7 - Xitsonga (Bibele)

⁷ Hikwalaho, Yehovha wa tinyimpi u vula, a ku: “Ndzi ta va n'okisa, ndzi va ringa, hikuva ndzi nga endlisa ku yini eka n'wana wa tiko ranga xana?

BIBELE Mahungu Lamanene

⁷ Hikokwalaho HOSI ya matimba hinkwawo yi vurisa sweswo yi ri: “Ndzi ta kambela vanhu va mina ndzi va basisa hi ndzilo, hikuva ku hava swin'wana leswi ndzi nga va endlaka swona.

Yeremiya 9:7 Referans Kwoze

Esaya 1:25

Ndzi ta veka voko ra mina ehenhla ka wena, ndzi nyukisa mavivi ya wena tanihi leswi endliwaka hi munyu wa potaxi; ndzi susa swipimbi hinkwaswo swa ntsopfu.

Malakiya 3:3

“U ta tshama, a ri karhi a n'okisa, a basisa silivhere u ta basisa vana va Valevhi a va tengisa ku fana ni nsuku ni kukotisa silivhere, leswaku va va eka Yehovha, va humesa magandzelo hi ku lulama.

Yeremiya 6:27

“Ndzi ku vekile ku va mukambi wa tiko ra mina, ni ku va khokholo leri tiyeke, leswaku u tiva ni ku ringa ku famba ka vona.

Esaya 48:10

Vona, ndzi ku n'okisile, kambe a ndzi kumanga silivhere, ndzi ku ringile exirhengeleni xa khombo.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

1 Petro 4:12

Varhandziwa, mi nga hlamaleni loko ku ri ni ndzilo exikarhi ka n'wina ku ta mi ringa; kukota loko ngi mi humeleriwe hi timhaka leto hlamarisa;

1 Petro 1:7

leswaku ku ringiwa ka ku pfumela ka n'wina loku hundzisaka nsuku lowu lovaka, (kasi na wona wu ringetiwa hi ndzilo) ku ta mi hundzukela ku dzunisiwa, ni xichavo, ni ku kwetsima, siku ku nga ta humelela Yesu Kriste;

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

2 TIKRONIKA 36:15

Yehovha, Xikwembu xa vatata wa vona, a va layile emikarhini leyo tala hi tintsumi ta yena, hikuva a a rhandza ku ponisa tiko ra yena ni vuako bya yena.

2 SAMIELE 13:26

Abixalomu a ku: “Kambe makwerhu Aminoni ntsena a a te na hina.” Hosi yi ku eka yena: “U ta fambela yini na wena xana?”

Pisalema 55:22

Nyiketa Yehovha timhaka ta wena, u ta ku seketela; A nga ka a nga pfumeli ni siku ni rin'we leswaku la lulameke a tsekatsekisiwa.

Pisalema 62:5

Hakunene, moya wanga wu wisa hi ku tshemba Xikwembu, Hikuva ku tshemba ka mina ku pfa eka xona.

Pisalema 120:4

[U ta ku nyika] miseve leyi karihaka ya nhenha, Swin'we ni makala ya xivavula.

Esaya 59:3

Hikuva mavoko ya n'wina ma nyamisiwile hi ngati, ni tintiho ta n'wina hi vudyoho; milomu ya n'wina yi vula mavunwa, tindzimi ta n'wina ti vulavula swa lunya.

Yeremiya 5:1

“Fambani hi switarata swa Yerusalema, mi languta, mi vutisa mi lava emitsendzeleni ya kona loko mi nga kuma munhu, hambi a ri un'we, la phikelelaka ku famba hi ku lulama, la lavaka leswo saseka, leswaku ndzi ta tsetselela muti.

Hosiya 4:1

Twanani rito ra Yehovha, n'wina vana va Israele! Hikuva Yehovha u tengisa vaaki va tiko, hikuva a ku na vunene, ni ku tsetselela, ni ku tiva Xikwembu etikweni.