Yeremiya 9:22 - Xitsonga (Bibele)

²² Vulavula, u ku: “Yehovha u vurisile, a ku: ‘Mitsumbu ya vanhu yi ta wa yi kotisa vulongo emasin'wini, ni kukotisa tinyandza endzhaku ka mutshoveri, ku nga ri na loyi a ti rholelaka.’ ”

BIBELE Mahungu Lamanene

²² HOSI Xikwembu xi ndzi lerisile ku vula rito ra xona leri nge: “Mintsumbu yi to n'wálálálá ehansi, yi fana ni vulongo lebyi cheriweke emasin'wini, kumbe mavele lama nga tshikiwa hi vatshoveri, ma nga hlengeletiwi hi munhu.”

Yeremiya 9:22 Referans Kwoze

Yeremiya 8:2

ma ta hangalasiwa eku vonakaleni ka dyambu, ni ka n'weti, ni ka mavandla hinkwawo ya tilo, swi nga hinkwaswo leswi va nga swi rhandza, ni hinkwaswo leswi va nga swi tirhela, ni leswi va nga famba eka swona, ni leswi va tshamaka va ya vutisa eka swona, leswi va tshamaka va swi khinsamela; kambe ma nga ka ma nga hlengeletiwi ni loko ku ri ku yimberiwa; byi ta va vulongo etikweni leri.

Yeremiya 25:33

Esikwini rolero, lava tlhaviweke hi Yehovha va ta va kona, ku suka emakun'wini man'wana ya misava ku ya fika emakun'wini man'wana ya misava, a va nga rileriwi, va nga hlengeletiwi, va nga lahliwi; va ta va vulongo ehenhla ka misava.

Sofoniya 1:17

Ndzi ta veka vanhu ekhombyeni, kutani va ta famba ku fana ni lava vo fa mahlo, hikuva va dyohele Yehovha; ngati ya vona yi ta chuluriwa ku fana ni ntshuri, ni nyama ya vona kukotisa vulongo.

Yeremiya 16:4

“Va ta fa hi rifu lero biha, va nga ka va nga rileriwi, ni ku yimberiwa va nga ka va nga yimberiwi; kutani va ta va vulongo ehenhla ka misava. Va ta dlawa hi fumu ni ndlala, kambe mitsumbu ya vona yi ta dyiwa hi tinyanyana ta le henhla, ni swivandzana swa misava.”

Esaya 5:25

Hikwalaho vukari bya Yehovha byi pfurhele tiko ra yena, kutani u tshambulutile voko ra yena, a ri ba; tintshava ti tsekatseka, mitsumbu ya vona yi tata mitsendzele tanihi vulongo. Hambiswiritano, a nga tlhelanga evukarini bya yena, ni voko ra yena ra ha tshama ri tshambulutiwile.

Pisalema 83:10

Va herisiwele Eni-Dori, Va endliwe vulongo bya misava.

Yeremiya 7:33

Mitsumbu ya tiko leri, yi ta va swakudya swa makoti ya tilo ni ya swiharhi swa misava, kambe ku nga ka ku nga vi na munhu la swi chavisaka.

2 TIHOSI 9:37

Ntsumbu wa Yezabele wu ta fana ni vulongo emasin'wini, etikweni ra Yizriele, leswaku va nga ka va nga vuli: Hi yena Yezabele!’ ”

Yeremiya 6:21

Hikwalaho, Yehovha u vula a ku: “Langutani ndzi ta vekela tiko leri e xikhunguvanyiso, kutani vatatana ni vana va ta khunguvanyeka hinkwavo; loyi a nga warikwavo ni loyi a nga nakulobye va ta lova swin'we.”

Duteronoma 8:17

Chava ku vula embilwini ya wena, u ku: ‘Matimba ya mina, ni voko ra mina ra matimba swi ndzi fuwisile sweswo.’

2 TIHOSI 20:13

Hezekiya a yingisa tintsumi leti, kutani a va kombisa yindlu hinkwayo ya xuma xa yena, wu ri nsuku ni silivhere, ni maakha, ni mafurha ya risima, ni matlhari ya yena hinkwawo, ni hinkwaswo leswi ngi swi ri exumeni xa yena. A ku salanga nchumu endlwini ya yena ni le ku fumeni hinkwako ka yena lowu Hezekiya a nga va kombisanga wona.

2 TIHOSI 20:15

Kutani a ku: “Va vonile yini endlwini ya wena-ke?” Hezekiya a ku: “Va vonile hinkwaswo leswi nga endlwini ya mina; a ku na nchumu exumeni xa mina lowu ndzi nga va kombisangiki wona.”

Ntirho 5:13

U phasa tinthari hi mano ya tona, Makungu ya valunya wa ma hangalasa;

Pisalema 49:7

Munhu a nga swi koti ku kutsula makwavo, Hambi ku ri ku humesela Xikwembu ntsengo wa yena.

Swivuriso 18:11

Rifuwo ra mufuwi i khokholo ra yena, Eku anakanyeni ka yena, i rirhangu ra xichavelo.

Swivuriso 23:4

U nga tikarhati ku hlengeleta rifuwo, Tshika ku anakanya rona.

Habakuku 1:11

Kutani ri va ri hundza kukotisa moya, ri ya emahlweni, ri va ni nandzu, hikuva matimba walawo ya rona i xikwembu xa rona.