Yeremiya 9:19 - Xitsonga (Bibele)

¹⁹ Hikuva rito ra ku rila ri twakala eSiyoni, ri ku: ‘Yowee! Hakunene hi onhiwile, hi ku khomiwa hi tingana, hikuva hi sukela tiko, hikuva va mbundzumuxile tindlu ta hina.’ ”

BIBELE Mahungu Lamanene

¹⁹ Ku twala huwa ya nkosi eSiyoni leyi nge: “Hi dlawile! Hakunene hi khomiwe hi tingana; hi fanele ku sukela tiko ra hina, hikuva valala va wisile tindlu ta hina.”

Yeremiya 9:19 Referans Kwoze

Yeremiya 4:13

Langutani muonhi u tlhandluka kukotisa mapapa; tigolonyi ta yena ti kotisa xidzedze; tihanci ta yena ti tlula makoti hi ku tsutsuma; khombo ri le ka hina, hikuva ha borisiwa!

Duteronoma 28:29

u ta ambamba ninhlekanhi kukotisa lowo fa mahlo a ambambaka emunyameni, kutani u nga ka u nga tsaki etindleleni ta wena. U ta xanisiwa ni ku yiveriwa ntsena hi masiku hinkwawo, kutani ku nga ka ku nga vi na muponisi!

Mikiya 2:10

Pfukani, fambani! Hikuva laha, mi nga ka mi nga wisi kona, hikwalaho ka thyaka le ri humesaka ku onhaka, ku onhaka loku chavisaka.

Mikiya 2:4

Enkarhini wolowo, ku ta va ni risimu ra xisandzu ehenhla ka n'wina, ku yimbeleriwa ni risimu ra nhlomulo leri nge: Swi herile! Hi lovile kunene;

Swirilo 5:2

Ndzhaka ya hina yi yile eka vamatiko, Ni tindlu ta hina eka lava nga ehandle.

Swirilo 4:15

“Sukani, n'wina mi tinyamiseke!” Ku huweleriwe sweswo eka vona; “Sukani, sukani! Mi nga tshuki mi khumba!” Kuteloko va balekile, a ku ri ku tsendzeleka; A va ku exikarhi ka matiko: “A vanga vuyeli va aka kona.”

Yeremiya 4:20

Ku onhaka ku vita ku onhaka kun'wana, hikuva ku ta onhiwa tiko hinkwaro; matende ya mina ma onhiwa kan'we, na yona mitsonga ya mina.

Yeremiya 2:14

“Xana Israele i khumbi leri xaviweke, kumbe la velekiweke endlwini xana? U byisiwile hikwalaho ka yini?

Levhitika 20:22

“Mi ta hlayisa milawu hinkwayo ya mina, ni ku lerisa hinkwako ka mina, mi endla hakona, kutani tiko leri ndzi mi nghenisaka eka rona ku aka kona, ri nga ka ri nga mi hlanti.

Levhitika 18:28

Tilanguteleni leswaku misava yi nga tshuki yi mi hlanta loko mi yi nyamisile, kukotisa leswi yi hlanteke tiko leri ngi ri ri kona emahlweni ka n'wina.

Levhitika 18:25

Tiko ri nyamisiwile hi swona; ndzi avanyisile ku dyoha ka rona, kutani misava yi hlantile vaaki va yona.

Yeremiya 7:15

Ndzi ta mi tshika leswaku mi susiwa emahlweni ka mina, kukotisa leswi ndzi tshamaka ndzi swi endla eka vamakwenu hinkwavo, ri nga rixaka ra Efrayimi hinkwaro.’

Yeremiya 7:19

Xana hakunene va ndzi karihisa xana, ku vula Yehovha? A ndzi ri va tikarihisa va ri vona; va ta khomiwa hi tingana emimombyeni ya vona.

Yeremiya 7:29

“ ‘Byewula misisi, u yi cukumeta, kutani u endla nkosi eswitsungeni leswi tlakukeke, hikuva Yehovha u cukumetile rixaka rero a ri kariheleke, u ri sandzile.’

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

Esaya 32:9

Pfukani, n'wina vavasati vo nona, yingisani rito ra mina; n'wina va nhwana lava lolohaka, yingiselani marito ya mina!

Ezekiele 27:2

“Oho n'wana wa munhu! Tlakusa swirilo ehenhla ka Tiri, u ku eka Tiri: