Yeremiya 9:16 - Xitsonga (Bibele)

¹⁶ Kutani ndzi ta va hangalasa ematikweni lama nga tiviwiki hi vona, ni loko va ri vatata wa vona; kutani ndzi ta rhuma fumu endzhaku ka vona, ndzi ko ndzi va heta.”

BIBELE Mahungu Lamanene

¹⁶ Ndzi ta va hangalasa exikarhi ka vanhu lava va nga va tiviki, lava ni vatata wa vona va nga va tivangiki. Ndzi ta va heta hi tlhari va ku bì!”

Yeremiya 9:16 Referans Kwoze

Ezekiele 5:12

Ku avanyisa ka vunharhu ka vaaki va n'wina ku ta lova hi ntungu ni ndlala; ni ku avanyisa kun'wana ka vunharhu ku ta lova hi tlhari ekusuhi na wena, kutani ku avanyisa ka vunharhu kun'wana, ndzi ta ku hangalasa hi matlhelo hinkwawo, ndzi va hlongorisa hi tlhari.

Ezekiele 5:2

U ta hisa ku avanyisa ka vunharhu hi ndzilo exikarhi ka muti, loko masiku ya ku hlaseriwa ka muti ma ta va ma herile; u vuya u teka ku avanyisa ka vunharhu kun'wana, u ku tsemelela hi rikari ematlhelweni ya muti, kutani ku avanyisa ka vunharhu loku seleke, u ta ku cukumeta ku hahisiwa hi moya; kutani ndzi ta swi hlongorisa hi tlhari.

Duteronoma 28:64

Yehovha u ta ku hangalasa ematikweni hinkwawo, ku suka emakun'wini ya misava, ku yisa emakun'weni man'wana ya misava, kutani u ta tirhela kona swikwembu swin'wanyana leswi wena ni vatata wa wena mi nga swi tivangiki, wu ri ntsandze ni ribye.

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Yeremiya 44:27

Waswivo, ndzi va langutela ku va endla leswo biha, ku nga ri swo saseka; kutani vanhu hinkwavo va Yuda lava nga etikweni ra Egipta va ta herisiwa hi tlhari ni ndlala, va ko va hela.

Yeremiya 13:24

Kambe ndzi ta va hangalasa kukotisa mungu lowu hahisiwaka hi moya wa mananga.

Yakobo 1:1

Mina Yakobo, nandza wa Xikwembu ni wa Hosi Yesu Kriste; Eka tinxaka leta khume na timbirhi leti hangalakeke, ndzi ri: Xewani!

Zakariya 7:14

“Ndzi va hangalasile hi mheho exikarhi ka matiko hinkwawo lawa va nga ma tivangiki, tiko ri sala ri onhakile endzhaku ka vona, ku pfumaleka la hundzaka kona ni la tlhelelaka kona, va hundzurile tiko lerinene rhumbi.”

Ezekiele 20:23

Na swona, ndzi yimisa voko ra mina eka vona le mananga, leswaku ndzi ta va hangalasa exikarhi ka matiko ni ku va khapela ematikweni hinkwawo,

Ezekiele 14:17

“Ni loko ngi ndzi tisa fumu ehenhla ka tiko, ndzi ku: Fumu ri ta tsemakanya etikweni ku lovisa vanhu swin'we ni swifuwo,

Ezekiele 12:15

Loko ndzi va hangalasile exikarhi ka matiko, va ta tiva leswaku hi mina Yehovha.

Ezekiele 11:17

Hikwalaho u ta ku: ‘Ku vula Hosi Yehovha: Ndzi ta mi vuyisa hi le matikweni, ndzi ta mi tlherisa ematikweni laha ndzi mi hangalaseke kona, ndzi mi nyika kambe tiko ra Israele.’

Yeremiya 29:17

ku vula Yehovha wa mavandla, a ku: ‘Vonani ndzi rhumela matlhari, ni ndlala, ni ntungu exikarhi ka vona; ndzi ta va humesa kukota makuwa lama pfundzeke, lama nga riki na ku dyiwa hikuva ma bihile,

Yeremiya 25:27

“U ta va byela, u ku: ‘Ku vula Yehovha wa mavandla, Xikwembu xa Israele: Nwanani, mi pyopyiwa, mi hlanta, mi wa, mi nga ha pfuki emahlweni ka fumu leri ndzi ri rhumelaka exikarhi ka n'wina.’

Yeremiya 24:10

Ndzi ta rhuma matlhari exikarhi ka vona, ni ndlala, ni ntungu; va ta hela etikweni leri ndzi tshamaka ndzi ri nyika vona, ni vatata wa vona.”

Pisalema 106:27

Xi cukumeta rixaka ra vona exikarhi ka vamatiko, Xi va hangalasela ematikweni hinkwawo.

Nehemiya 1:8

Wa nga anakanya rito leri u tshamaka u ri byela nandza wa wena, Muxe, u te: ‘Kutakuloko mi tiarisa, ndzi ta mi hangalasa exikarhi ka matiko;

Duteronoma 32:26

Ingi ndzi ta ku: “Ndzi ta va kukula; Ndzi ta hlangula xitsundzuxo xa vona exikarhi ka vanhu,”

Duteronoma 28:36

“Yehovha u ta ku fambisa, wena ni hosi ya wena leyi u nga ta yi veka ehenhla ka wena, eka tiko leri u nga ri tivangiki, hambi va ri vatata wa wena, mi ta tirhela kona swikwembu swin'wana swa mitsandze ni swa maribye.

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

Duteronoma 4:27

Yehovha u ta mi hangalasa ematikweni, kutani mi ta sala mi nga ri vangani exikarhi ka matiko lawa Yehovha a nga ta mi yisa eka wona;

Yeremiya 8:19

Mbilu ya mina yi hela exifuveni xa mina. Yingisani rito ra swirilo ra n'wana wa tiko ra mina leri humaka etilweni leri nga ekule; ri ku: “Xana Yehovha a nga ha ri kona eSiyoni xana? Xana hosi ya yena a ya ha ri kona-ke?” “Va ndzi karihisela yini hi swifaniso swa vona leswi vatliweke, byi nga vuhava bya matiko?”

Eklesiasta 12:5

siku vanhu va nga ta chava ku ya eswivandleni leswi tlakukeke, ku nga ta chaviwa etindleleni; siku murhi wa alimondi wu nga ta baleka, ni mherha yi nga ta tika, ni munhu a nga ta phirwa hi swakudya; siku munhu a nga ta tiyela endlwini ya yena ya makumu, ni varili va nga ta rhendzeleka emitsendzeleni.

Yeremiya 7:29

“ ‘Byewula misisi, u yi cukumeta, kutani u endla nkosi eswitsungeni leswi tlakukeke, hikuva Yehovha u cukumetile rixaka rero a ri kariheleke, u ri sandzile.’

Ezekiele 27:2

“Oho n'wana wa munhu! Tlakusa swirilo ehenhla ka Tiri, u ku eka Tiri:

Amosi 5:16

Hikwalaho, ku vula Yehovha Xikwembu xa tinyimpi, yena Hosi: “Swirilo swi ta va kona eswivandleni hinkwaswo, kutani va ta huwelela emitsendzeleni hinkwayo, va ku: ‘Yoo! Yoo!’ Murimi u ta vitaneriwa ku rila, ni lava tivaka tinsimu ta mahlomulo va vitaneriwa mikosi.

Mikiya 2:4

Enkarhini wolowo, ku ta va ni risimu ra xisandzu ehenhla ka n'wina, ku yimbeleriwa ni risimu ra nhlomulo leri nge: Swi herile! Hi lovile kunene;