Yeremiya 9:10 - Xitsonga (Bibele)

¹⁰ Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

BIBELE Mahungu Lamanene

¹⁰ Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Yeremiya 9:10 Referans Kwoze

Yeremiya 12:4

Misava yi ta rila ku ri kungani xana, ni byanyi bya masimu hinkwawo byi ta oma ku yisa kwihi xana? Hikwalaho ka ku biha ka vaaki va rona, swiharhi ni tinyanyana swi herile, hikuva va ri: “A nga ka a nga voni ku hela ka hina.”

Hosiya 4:3

Hikwalaho tiko ri ni swirilo, ni vanhu lava akeke eka rona va tsanile, kun'we ni swiharhi swa tiko ni tinyanyana ta matilo, swi tsandza ni tinhlampfi ta lwandle, ta lova.

Ezekiele 33:28

Ndzi ta endla tiko emananga ni rhumbi, ku tikukumuxa ka matimba ya rona ku ta hela, tintshava ta Israele ti ta onhaka, a ku nga vi na un'we la nga hundzaka eka tona.

Ezekiele 29:11

A ku nga ha kandziyi nenge wa munhu kona, a ku nga ha kandziyi nenge wa xifuwo kona, a ku nga akiwi kona hi malembe ya mune wa makume.

Ezekiele 14:15

“Loko ngi ndzi tsemakanyisa exikarhi ka tiko leri swivandzana ku heta vanhu, leswaku ri hundzuka mananga, laha vanhu va chavaka ku famba hikwalaho ka swivandzana,

Yeremiya 12:10

Varisi lavo tala va onhile nsimu ya mina ya vhinya, va kandziyerile masimu ya mina; nsimu ya mina leyi rhandzekaka, va yi endlile mananga layo biha.

Yeremiya 7:29

“ ‘Byewula misisi, u yi cukumeta, kutani u endla nkosi eswitsungeni leswi tlakukeke, hikuva Yehovha u cukumetile rixaka rero a ri kariheleke, u ri sandzile.’

Swirilo 2:11

Mahlo ya mina ma vava hi ku rila, marhumbu ya mina ma pfuma, Xivindzi xa mina xi halakela ehansi Hikwalaho ka mbanga ya nhwanyana wa tiko ra mina, Loko vana ni lava an'wisaka va titivala erivaleni ra muti.

Swirilo 1:16

“Hi swona leswi ndzi ririsaka, tihlo ra mina ri halaka mihloti; Hikuva muchaveleri la pfuxaka moya wa mina u le kule na mina. Ndzi ta hanyisiwa hi mani? Vana va xinuna va mina va khunarhile, hikuva nala u hlurile.

Yeremiya 23:10

Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.

Yeremiya 14:6

Ni timangwa ti yimile eswitsungeni, ti nun'hwetela moya kukotisa timhungubye, mahlo ya tona ma herile, hikuva a ka ha ri na byanyi lebya rilambyana.

Yeremiya 8:18

Ku chaveleriwa ka mina eku vavisekeni ka mina ku kwihi?

Yeremiya 2:6

A va vulangi, va ku: ‘U kwihi Yehovha, la hi humeseke etikweni ra Egipta, la hi fambiseke emananga, etikweni lero kwalala, ra mikova, tiko leri omeke ra ndzhuti wa rifu, tiko leri nga riki na muhundzi, ni muaki?’

Esaya 49:19

Hikuva marhumbi ya wena, ni mananga ya wena, ni tiko leri onhakeke ra wena, swilo hinkwaswo sweswo swi nga ka swi nga ringani vaaki va wena. Lava nga ku vutla va fambile.

Esaya 41:15

“Vonani, ndzi endla ha wena xileyi lexi tlhavaka, lexintshwa. U ta faya, u va u sila tintshava, u endla switsunga leswi kotisaka mungu,

Yeremiya 50:3

Hikuva tiko leri humaka en'walungwini, ri humele eka rona ku endla tiko ra kona emananga, leswaku ku nga vi na muaki eka rona; hambi va ri vanhu ni tihomu, va chavile va sukile.

Ezekiele 27:2

“Oho n'wana wa munhu! Tlakusa swirilo ehenhla ka Tiri, u ku eka Tiri:

Yuwele 1:13

N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!

Yuwele 1:19

Ndzi huwelela eka wena, Yehovha! Hikuva ndzilo wu dyile madyelo ya mananga, malangavi ma hisile mirhi hinkwayo ya nhova.

Amosi 5:1

Yingisani rito leri ndzi mi yimbelelaka ha rona mahlomulo, n'wina va yindlu ya Israele:

Amosi 5:16

Hikwalaho, ku vula Yehovha Xikwembu xa tinyimpi, yena Hosi: “Swirilo swi ta va kona eswivandleni hinkwaswo, kutani va ta huwelela emitsendzeleni hinkwayo, va ku: ‘Yoo! Yoo!’ Murimi u ta vitaneriwa ku rila, ni lava tivaka tinsimu ta mahlomulo va vitaneriwa mikosi.

Mikiya 2:4

Enkarhini wolowo, ku ta va ni risimu ra xisandzu ehenhla ka n'wina, ku yimbeleriwa ni risimu ra nhlomulo leri nge: Swi herile! Hi lovile kunene;

Yeremiya 2:15

Tinghala ta n'wi mpfandzela, ti pfumisa marito ya tona, kutani ti handzula tiko ra yena, ku va ku onhaka ntsena; miti ya yena yi hisiwile, yi pfumarile vaaki.

Yeremiya 12:11

Va yi onhile; yi rila emahlweni ka mina hikwalaho ka ku onha; tiko hinkwaro ri onhakile, hikuva a ku na munhu la ri anakanyaka embilwini ya yena.

Swirilo 5:18

Hikuva ntshava ya Siyoni yi onhakile, Kutani timhungubye ti tifambela ehenhla ka yona.

Ezekiele 6:6

Hinkwako laha mi akeke kona, miti ya n'wina yi ta hundzuka marhumbi, ni switsunga swa n'wina swi ta hlanhliwa, tialitari ta n'wina ti ta tshikiwa, ti fularheliwa; swifaniso swa n'wina swi ta fayeteriwa, swi susiwa, ni swifaniso swa dyambu swa n'wina swi ta tsemiwa, ni mitirho hinkwayo ya n'wina yi ta kukuriwa.

Mikiya 3:12

Hikwalaho ka nandzu wa n'wina, Siyoni u ta rimiwa kukota nsimu, Yerusalema, u ta kotisa nhulu ya maribye, ni ntshava ya yindlu ya Yehovha yi hundzuka ntshava leyi teleke hi mirhi.