Yeremiya 8:5 - Xitsonga (Bibele)

⁵ Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

BIBELE Mahungu Lamanene

⁵ Vanhu lava va Yerusalema va tiarisela yini, hikwalaho ka yini va tshamela ku tinonon'whisa ke? Va namarhela swikwembu swa hava, va ala ku hundzuka!

Yeremiya 8:5 Referans Kwoze

Yeremiya 9:6

U akile exikarhi ka lavo homboloka; hi mano ya vona va ala ku ndzi tiva,” ku vula Yehovha.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Zakariya 7:11

Kambe va arile ku yingisa, va nonon'hwisa makatla ya vona, va pfala tindleve ta vona, leswaku va nga twi.

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Yohane 5:40

Kutani a mi rhandzi ku ta eka mina ku kuma vutomi.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Yeremiya 5:27

Tindlu ta vona ti tele vukhamba kukotisa xisaka lexi taleke hi tinyanyana; va tikurisa kutani va fuwa hi mukhuva wolowo.

Esaya 44:20

A tixurhisa hi nkuma, mbilu ya yena leyi xisiweke yi n'wi kanganyisa. A nga ka a nga tshunxi moya wa yena, a ku: “Lexi ndzi xi khomeke evokweni ra mina, a hi vunwa xana?”

Esaya 30:10

va ri eka vavoni: “Mi nga voni!” ni ka vaprofeta: “Mi nga hi profeteli swinene, hi byeleni timhaka leti tsakisaka, mi hi bvumbhela leti xisaka!

Nhlavutelo 2:25

Ntsena mi tiyisa leswi mi nga na swona ndzi ko ndzi fika.

1 Vatesalonika 5:21

Ringani hinkwaswo, mi tiyisela eka leswo saseka.

Hosiya 4:16

Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

Yeremiya 2:32

Xana wanhwana a nga rivala vubombi bya yena, kumbe mutekiwa mavamba ya yena xana? Kambe tiko ra mina ri ndzi rivarile hi masiku lama nga heriki.

Esaya 1:20

kambe loko mi ala, kumbe loko mi tiarisa, mi ta dyiwa hi tlhari, hikuva nomu wa Yehovha wu vulavurile.”

Swivuriso 4:13

Khoma dyondzo, u nga yi tshiki, U yi hlayisa; hikuva i vutomi bya wena.

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Yeremiya 14:7

“Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

Daniele 9:11

Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.

Yeremiya 3:5

Xana u ta va ni mbitsi hilaha ku nga heriki? Xana u ta hlunama hilaha ku nga heriki-ke?’ Languta, u vule sweswo, kasi u tirha leswo biha u ri karhi u swi hetisa.”

Yeremiya 6:17

Ndzi vekile ka n'wina valanguteri lava nge: ‘Yingisani rito ra nanga!’ Va ku: ‘Hi nga ka hi nga yingisi.’

Yeremiya 6:19

Wena misava, yingisa! Langutani, ndzi ta tisela tiko leri khombo, yi nga mihandzu ya miehleketo ya vona, hikuva a va yingisanga marito ya mina, kutani va sandzile nawu wa mina.

Hosiya 11:5

Efrayimi a nga ka a nga tlheleri eEgipta, kambe u ta fumiwa hi Asiriya; hikuva va arile ku tlhelela eka mina.

Hosiya 13:2

Kambe ni sweswi, va ha tiyisela ku dyoha; hi silivhere ya vona va tiendlela swifaniso leswi chuluriweke, swi nga swifaniso swa swikwembu hilaha va tianakenyeleke hakona; hinkwaswo leswi, i mitirho ya vafuli. Hikwalaho ka swona va ku: Lava yisaka magandzelo a va ntswontswe marhole!