Yeremiya 8:4 - Xitsonga (Bibele)

⁴ “Kambe u va byela, u ku: Ku vula Yehovha: xana munhu a nga wa, a nga tlheri a pfuka xana? Xana munhu a nga hambuka, a nga tlheri xana?

BIBELE Mahungu Lamanene

⁴ HOSI Xikwembu xi ndzi rhumile ku ya byela Vaisraele marito lawa ya nge: “Loko munhu o tshuka a wile, a nge pfuki xana? Loko o tikuma a lahleke ndlela, a nge tlheleli endzhaku xana?

Yeremiya 8:4 Referans Kwoze

Swivuriso 24:16

Hikuva la lulameke, hambi a nga wa kantlhanu na kambirhi, u ta pfuka, Kambe vadyohi loko va khunguvanyekile va wela eku biheni.

Mikiya 7:8

U nga tshuki u tsakela khombo ra mina, wena u nga nala eka mina! Hikuva hambi ndzi wile, ndzi ta tlhela ndzi yima; ni loko ndzi tshamile emunyameni, Yehovha i ku vonakala ka mina.

Hosiya 6:1

“Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

Yeremiya 3:1

Va te: “Kungakuloko wanuna, a tshika nsati wa yena, kutani nsati yeloyi a suka eka yena, a ya tekiwa hi nuna un'wana, xana nuna wa yena a nga tlhela a n'wi teka xana? Tiko leri ri nga ka ri nga nyamisiwi hi ku endla sweswo-ke? Loko u ri wena, u tinyiketile vuoswi ni swigangu leswo tala xana u ta tlhelela eka mina-ke?” ku vula Yehovha.

Esaya 55:7

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

Amosi 5:2

“U wile, wanhwana wa Israele a nga ha tlheli a yima, u tlatlalatiwile ehansi, a ku na la n'wi pfuxaka.”

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Hosiya 7:10

Ku tikukumuxa ka Israele i vumbhoni bya xidyoho xa yena emahlweni ka yena kambe, hambiswiritano, a va tlhelelanga eka Yehovha, Xikwembu xa vona; ni ku n'wi lava, a va n'wi lavanga.

Ezekiele 18:23

Xana ndzi ta tsakela rifu ra lowo biha-ke, ku vula Hosi Yehovha? Leswi ndzi swi tsakelaka hi leswaku munhu a hundzuka, a tshika mikhuva ya yena, a hanya.

Esaya 44:22

Ndzi hlangurile milandzu ya wena tanihi papa, ni swidyoho swa wena tanihi hunguva; vuyela eka mina, hikuva ndzi ku kutsurile!”

1 TIHOSI 8:38

loko munhu, hambi a ri mani na mani, kumbe tiko ra wena hinkwaro ra Israele, a kombela a va a khongela, kutani un'wana ni un'wana a tivula xidyoho xa mbilu ya yena, a va a tlakusela mavoko ya yena etlhelo ra Yindlu leyi:

Yeremiya 36:3

Kumbe va yindlu ya Yuda va ta yingisa ku biha hinkwako loku ndzi ku anakanyeke ku va endlela kona, leswaku va ta hundzuka un'wana ni un'wana emikhuveni ya yena leyo biha, ndzi ta va tshikela ku homboloka ka vona ni swidyoho swa vona.”

Yeremiya 23:14

Kambe evaprofeteni va Yerusalema, ndzi vone manyala, ku oswana, ni ku famba evunweni; va tiyisa mavoko ya lavo biha, va nga ti hundzuka, un'wana ni un'wana eku biheni ka yena. Eka mina, hinkwavo va kotisa Sodoma, vaaki va kona va kotisa Gomora.”

Yeremiya 4:1

“Israele, loko u nga hundzuka, loko u tlhelela eka mina, ku vula Yehovha, kutani u susa manyala ya wena emahlweni ka mina, u nga ka u nga ha tsendzeleki.

Yeremiya 3:22

“Tlhelani, n'wina vana lava hambukeke, kutani ndzi ta horisa ku hambuka ka n'wina.” “Languta, ha ta eka wena hikuva u Yehovha, Xikwembu xa hina.