Yeremiya 8:3 - Xitsonga (Bibele)

³ Kutani ku ta rhandziwa rifu ngopfu ku ri ni vutomi hi masalela hinkwawo lama saleke ya rixaka leri ro biha, ematikweni hinkwawo lawa ndzi nga ta ma hangalasa eka wona, ku vula Yehovha wa tinyimpi.

BIBELE Mahungu Lamanene

³ Hinkwavo lava poneke ku fa, erixakeni leri ra vanhu lavo homboloka, va nga lava ndzi nga ta va hangalasa ni matiko, va ta phirhiwa hi vutomi va navela rifu ntsena. Ndzi vula sweswo mina HOSI ya matimba hinkwawo.”

Yeremiya 8:3 Referans Kwoze

Nhlavutelo 9:6

Emikarhini yoleyo, vanhu va ta lava rifu kambe va nga ka va nga ri kumi; va ta navela ku fa, kambe rifu ri ta va balekela.

Yeremiya 29:14

Ndzi ta kumiwa hi n'wina, ku vula Yehovha ndzi ta tlherisela ka n'wina e vabohiwa va n'wina, ndzi mi hlengeleta ematikweni hinkwawo ni le matlhelweni hinkwawo laha ndzi mi hangalaseke kona, ku vula Yehovha; ndzi ta mi vuyisela exivandleni lexi ndzi mi hangalaseke mi ri ka xona.

Yeremiya 23:8

Kambe va ta ku: ‘Yehovha wa hanya la humeseke, a va a vuyisile rixaka ra yindlu ya Israele etikweni ra n'walungu, ni le matikweni hinkwawo laha ingi ndzi va hangalasile kona,’ kutani va ta tiakela etikweni ra vona.”

Yeremiya 23:3

Kutani mina, ndzi ta hlengeleta leswi saleke swa ntlhambi wa mina ematikweni hinkwawo laha ndzi va hangalaseleke kona, ndzi va tlherisela evudyelweni bya vona, va andzisiwa, va tala.

Duteronoma 30:4

“Ni loko vahlongoriwa va wena va ri emakun'weni ya matilo, Yehovha, Xikwembu xa wena, xi ta va hlengeleta kona, xi ta ya ku teka kona.

Yonasi 4:3

Kutani sweswi, wee Yehovha, ndzi tekele vutomi bya mina hikuva eka mina ku hanya, ku tlula hi ku fa!”

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Duteronoma 30:1

“Kutakuloko swilo leswi ndzi swi vekeke emahlweni ka wena, yi nga mikateko ni mirhukano, loko swi fikile henhla ka wena, ni loko u swi anakanya embilwini ya wena, ematikweni hinkwawo lawa Yehovha, Xikwembu xa wena ingi xi ku hlongorisile ka wona,

Nhlavutelo 6:16

Kutani va ku eka tintshava ni le ka maribye: “Hi weleni ehenhla, mi hi fihla emahlweni ka mombo wa loyi a tshameke exiluvelweni, ni le mahlweni ka vukari bya Xinyimpfana,

Yeremiya 40:12

Kutani Vayuda hinkwavo va tlhelela etindhawini hinkwato leti ngi va hangalakile eka tona, va tlhelela etikweni ra Yuda eka Gedaliya eMispa, va hlengeleta vhinyo, ni mihandzu ya ku tala ngopfu.

Yeremiya 29:28

Hikwalaho a hi rhumeleke timhaka eBabilona, a ku: “Ka ha ta va nkarhi wo leha; tiakelani tindlu mi tshama kona, rimani masimu mi tidyela swakudya swa wona.” ’ ”

1 TIHOSI 19:4

loko a ri yena, a famba mananga siku hinkwaro, kutani a ya tshamisa ehansi ka ximudyana, a kombela ku fa, a ku: “Swi ringene! Sweswi Yehovha, teka moya wa mina, hikuva a ndzi tluri vatatana hi vunene!”

Yeremiya 6:9

Yehovha wa tinyimpi u vula a ku: “Va ta nkun'hurisa masalela ya Israele kukotisa loko ku nkun'hurisiwa vhinya. Engeta u yisa voko ra wena evhinyeni hilaha mukun'huri a endlaka hakona.”

Amosi 3:1

Yingisani rito leri, leri Yehovha a ri vulaka eka n'wina, vana va Israele, ni le ka ndyangu hinkwawo lowu ndzi wu humeseke etikweni ra Egipta,

Mikiya 2:3

Hikwalaho Yehovha u ri: Vonani, ndzi anakanyela rixaka leri makhombo lawa va nga hlulekaka ku humesa tinhamu eka wona, ni ku famba va yimise tinhloko; hikuva nkarhi lowu wu bihile.

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Yeremiya 44:2

“Ku vula Yehovha wa mavandla, Xikwembu xa Israele: Mi vonile ku biha hinkwako loku ndzi ku humeseleke Yerusalema, ni miti hinkwayo ya Yuda; vonani, yi onhakile kutani, a ka ha ri na muaki eka yona.

Yeremiya 44:6

Kutani ku kariha ka mina, ni ku leva ka mina ku tlhandluka ku pfurhela miti ya Yuda, ni mitsendzele ya Yerusalema, swi hundzuke rhumbi ni mananga, hilaha swi vonakaka namuntlha hakona.