Yeremiya 8:13 - Xitsonga (Bibele)

¹³ “Ndzi ta va heta,” ku vula Yehovha, “leswaku ku ta pfumariwa mihandzu evhinyeni, ni loko ma ri makuwa enkuweni, ni matluka ma ta oma, kambe lexi ndzi va nyikeke xona xi ta va phonyomukela.”

BIBELE Mahungu Lamanene

¹³ HOSI Xikwembu xi vula sweswo xi ri: “Ndzi lavile ntshovelo eka Vaisraele, kambe a ndzi wu kumanga; hikokwalaho ndzi ta va herisa. Va fana ni murhi wa vhinya kumbe nkuwa lowu nga tswaliki nchumu, lowu matluka ya wona ma omeke; hikokwalaho ndzi ta va tshika, va kandziyeriwa hansi hi vahundzi va ndlela.”

Yeremiya 8:13 Referans Kwoze

Matewu 21:19

kutani a vona murhi wa nkuwa wu ri kusuhi ni ndlela; a ya eka wona, kambe a nga kumangi nchumu eka wona loko ma nga ri matluka ntsena; a ku eka wona: “Ku nga tshuki ku huma mihandzu eka wena hilaha ku nga heriki!” Kutani murhi wa nkuwa wu oma hi nomu wolowo.

Yuwele 1:7

Ri onhile masimu ya mina ya vhinya, ri tshovile mikuwa yanga; ri swi phaphile, ri hangalasa makamba ehansi; marhavi ya swona ma tshama ma basile.

Yeremiya 17:8

U kotisa murhi lowu simekiweke ekusuhi ni mati, lowu timitsu ta wona ti navaka ematini; ni loko ku nga ta dyandza, a wu twi nchumu; ni matluka ya wona ma va ya ntima; hi lembe ra dyandza a wu tshuki nchumu, kambe a wu tshiki ku veka mihandzu.

Yakobo 1:11

Hikuva dyambu ri tsuvukile, ri ni mumu ri omisa byanyi, kutani xiluva xa byona xi wile, ku saseka ka nghohe ya xona ku lovile. Hi mukhuva wolowo, la fuweke, na yena, u ta vuna eku fambeni ka yena.

Hagayi 2:17

Ndzi mi bile hi ku kurha, ni rivungu, ni xihangu, emitirhweni hinkwayo ya mavoko ya n'wina, kambe a ku na un'we eka n'wina la tlheleleke eka mina, ku vula Yehovha.

Hagayi 1:11

kambe ndzi vitane ku oma ehenhla ka tiko, ni le henhla ka tintshava, ni le henhla ka koro, ni le henhla ka vhinyo ni mafurha, ni le henhla ka hinkwaswo leswi vekiwaka hi tiko, ni le henhla ka vanhu, ni swiharhi ni le henhla ka ntirho hinkwawo wa mavoko.”

Habakuku 3:17

Hikuva nkuwa wu nga ka wu nga baleki, ni vhinya yi nga ka yi nga veki nchumu; mihandzu ya mutlhwari a yi nga ha vi kona, masimu ma nga ka ma nga humesi swakudya; tinyimpfu ti ta pfumaleka ematshangeni, a ku nga ha vi na tihomu eswitaleni.

Yeremiya 5:17

Ri ta dya mavele ya wena ni vuswa bya wena; ri ta dya vana va wena va xinuna ni va xisati; ri dya tinyimpfu ta wena ni tihomu ta wena; ri dya vhinya ya wena ni mikuwa ya wena, ri ta heta hi fumu miti ya wena ya makhokholo leyi u yi tshembeke.

Esaya 5:10

Hikuva khume ra tindzima ta vhinya ti ta veka khuwana ri ri rin'we; saka rin'we ra mbewu ri ta veka xirhundzu xin'we ntsena.”

Levhitika 26:20

Matimba ya n'wina ma ta helela mahala, misava ya n'wina yi nga ka yi nga nyiki swa yona, ni mirhi ya misava yi nga ka yi nga veki mihandzu ya yona.

Yeremiya 7:20

Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Hosiya 2:12

Ndzi ta onha masimu ya yena ya vhinya ni ya makuwa, lawa a nga ku: ‘I hakelo leyi ndzi yi nyikiweke hi swigangu swa mina!’ Kambe ndzi ta ma hundzula xihlahla lexi nga ta dyiwa hi swiharhi swa le handle.

Yeremiya 14:15

“Hikwalaho, Yehovha u vula a ku: Ehenhla ka vaprofeta lava profetaka hi vito ra mina, kasi a ndzi va rhumanga, va ku: ‘Fumu ni ndlala swi nga ka swi nga vi kona etikweni leri,’ vaprofeta volavo va ta lovisiwa hi fumu ni ndlala.

Ezekiele 22:31

Hikwalaho ndzi ta chela vukari bya mina ehenhla ka vona; ndzi va lovisa hi ndzilo wa vukari bya mina, ndzi veka nandzu wa tindlela ta vona etinhlokweni ta vona, ku vula Hosi Yehovha.”

Malakiya 3:11

Ndzi ta sivela xisingiri, xi nga ti mi onhela swakudya swa tiko, kutani vhinya yi nga ka yi nga tshiki mihandzu ya yona etikweni, ku vula Yehovha wa mavandla.