Yeremiya 8:12 - Xitsonga (Bibele)

¹² Va ta avanyiseriwa makumu, hikuva va endlile manyala; a va ha tshukisiwi, a va ha khomisiwi hi tingana, hikwalaho va ta khunguvanyeka lava khunguvanyekaka; siku ndzi va tshinyaka va ta wisiwa, ku vula Yehovha.

BIBELE Mahungu Lamanene

¹² Xana ku endla swa manyala leswi, swi va khomisile tingana xana? E-e, a va nyumanga ha swona niswitsanana, a swi va twisanga ku vava. Hikokwalaho na vona va ta hluriwa ku fana na van'wana esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Yeremiya 8:12 Referans Kwoze

Yeremiya 3:3

Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

Yeremiya 6:15

Va ta khomisiwa tingana, hikuva va ri karhi va endla leswo biha. Yo! A va tivi ku khomisiwa hi tingana, a va twi ku vaviseka hi tingana, hikwalaho va ta wa ni lava waka: Siku ndzi va tshinyaka, va ta wisiwa,” ku vula Yehovha.

Esaya 3:9

Nghohe ya mimombo ya vona ya va avanyisa, va twarisile swidyoho swa vona tanihi Sodoma, kutani a va vuyangi va fihla, ku ni khombo eka mimoya ya vona hikuva hi vona lava tilaveleke ku lova ka vona.

Pisalema 52:7

“Hi loyi munhu la nga titekelangiki Xikwembu ku va khokholo ra yena, Loyi a tshembiseke rifuwo ra yena lerikulu, Loyi a titiyisaka hi vumbabva bya yena!”

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Pisalema 52:1

Xana u tidzunisela yini hi ku biha, wena nhenha? Tintswalo ta Xikwembu ti kona hi masiku.

Duteronoma 32:35

Ku tirihisela ni ku hakela, i ka mina, Siku nenge wa vona wu nga ta tsekatseka; Hikuva siku ra khombo ra vona ri tshinele, Lexi va xi lunghiseriweke xa hatlisa.

Vafilipiya 3:19

Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

Hosiya 5:9

Efrayimi u ta hundzuka mananga esikwini ra ku biwa; exikarhi ka tinyimba ta Israele ndzi tivisa mhaka leyi tiyeke.

Esaya 24:2

Muprista u ta va tanihi munhu wa tiko; hosi yi ta fana ni nandza, muntsindza u ta va tanihi khumbi ra yena, muxavisi tanihi muxavi, mulombi tanihi mulombiwa, ni loyi ku nga tekiwa nandzu eka yena, a va tanihi loyi a nga ni nandzu.

Yeremiya 6:21

Hikwalaho, Yehovha u vula a ku: “Langutani ndzi ta vekela tiko leri e xikhunguvanyiso, kutani vatatana ni vana va ta khunguvanyeka hinkwavo; loyi a nga warikwavo ni loyi a nga nakulobye va ta lova swin'we.”

Yeremiya 10:15

Swilo sweswo i vuhava, i mitirho ya ku kanganyisa; siku swi tshinyiwaka swi ta hela.

Yeremiya 44:10

Ku fikela siku leri, a ku si va na loyi a titsongahateke, hambi, va ri lava chavaka, ni lava fambaka hi milawu ya mina, ni ku lerisa ka mina loku ndzi ku vekeke emahlweni ka n'wina ni le mahlweni ka vatata wa n'wina.

Ezekiele 23:18

A kombisa vuoswi bya yena, a tlomula vuxeti bya yena, kutani moya wa mina wu hambana na yena, kukotisa leswi moya wa mina wu hambaneke ni makwavo.

Genesa 19:34

Kuteloko ri xa, lowa hosi a byela ndzisana a ku: “Waswivo, ndzi etlele tolo na tatana, a hi n'wi nwiseni kambe ni vusiku lebyi, u ya etlela na yena; sweswo hi ta hanyisa rixaka ra tata wa hina.”

Yeremiya 14:15

“Hikwalaho, Yehovha u vula a ku: Ehenhla ka vaprofeta lava profetaka hi vito ra mina, kasi a ndzi va rhumanga, va ku: ‘Fumu ni ndlala swi nga ka swi nga vi kona etikweni leri,’ vaprofeta volavo va ta lovisiwa hi fumu ni ndlala.

Yeremiya 23:12

Hikwalaho ndlela ya vona, eka vona yi ta kotisa xivandla xo rhetemuka, swa munyama; va ta susumetiwa, va wela kona, hikuva ndzi ta va humesela makhombo siku ndzi va holovelaka; ku vula Yehovha.