Yeremiya 8:10 - Xitsonga (Bibele)

¹⁰ “Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

BIBELE Mahungu Lamanene

¹⁰ “Ndzi ta nyiketa vasati va vona eka vanhu van'wana, masimu ya vona ma ta nyiketiwa eka lava va va hlaselaka. Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Yeremiya 8:10 Referans Kwoze

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Tito 1:11

lava hambukisaka vanhu hinkwavo va tindlu tin'wana, va dyondzisa leswi nga faneriki, hi ku tihlengeletela rifuwo ra ku homboloka.

Sofoniya 1:13

Rifuwo ra vona ri ta phangiwa, tindlu ta vona ti ta onhiwa; va ta aka tindlu, kambe va nga ka va nga tshami eka tona; va ta byala vhinya, kambe va nga ka va nga nwi vhinyo ya yona.”

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Esaya 28:7

Kambe na vona va voyavoyamela evhinyweni, va solovanya hi byalwa; muprista ni muprofeta va dedeleka ebyalweni, va nwela evhinyweni, va solovanya loko va profeta, va dedeleka; loko va avanyisa, va voyama.

Tito 1:7

Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela;

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Mikiya 3:5

Ku vula Yehovha ematshan'weni ya vaprofeta lava xisaka tiko ra mina, volavo, loko va ha nhlampfunha hi meno va vula ku rhula, kambe loko va nga nyikiwanga nchumu, va ri pfuxela nyimpi.

Swirilo 4:13

Swona swi humelele hikwalaho ka swidyoho swa vaprofeta va yena, Ni vukanganyisi bya vaprista va yena, Lava nga halata exikarhi ka wona Ngati ya lava lulameke.

Yeremiya 32:32

hikwalaho ka ku biha hinkwako loku vana va Israele ni vana va Yuda va ku endleke loko va ndzi pfukile va ri vona, ni tihosi ta vona, ni vakulukumba va vona, ni vaprista va vona, ni vaprofeta va vona, ni vanhu va Yuda, ni vaaki va Yerusalema.

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Ntirho 31:10

Loko swi ri tano, nsati wa mina a a silele van'wana, A a nyiketiwe nuna un'wana!

Esaya 57:17

Hikwalaho ka ku navela loku nga ni nandzu, ndzi karihile kutani ndzi n'wi bile, ndzi va ndzi tifihla evukarini bya mina; kutani la tiarisaka u landzile ndlela ya mbilu ya yena.

Yeremiya 14:18

Loko ndzi humela ehandle, ku vonaka lava tlhaviweke hi fumu; ni loko ndzi nghena emutini, ku vonaka lava faka hi ndlala. Kambe loko a ri muprofeta ni muprista, va tsendzeleka etikweni leri va nga ri tiviki.’ ”

Yeremiya 17:11

Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Yeremiya 38:22

Vona, vavasati hinkwavo lava seleke endlwini ya hosi ya Yuda va ta yisiwa eka tindhuna ta hosi ya Babilona, va ta ku: ‘U kanganyisiwile, u hluriwe hi lava va ku tshembiseke ku rhula; milenge ya wena loko yi bodlhomela endzhopeni, vona va tlhelela endzhaku!’

Yeremiya 42:1

Tindhuna hinkwato ta mavandla, ti ri na Yohanani, n'wana Kariyaka, na Yezaniya n'wana Hoxaya, ni tiko hinkwaro lavatsongo ni lavakulu, va tshinelela, va ku eka muprofeta Yeremiya:

Mikiya 2:4

Enkarhini wolowo, ku ta va ni risimu ra xisandzu ehenhla ka n'wina, ku yimbeleriwa ni risimu ra nhlomulo leri nge: Swi herile! Hi lovile kunene;

Habakuku 1:6

Hikuva ndzi ta pfuxa Vakalediya tiko leri xanisaka, ra vukari, leri handzulaka ku anama ka misava ku teka matiko lama nga riki ya rona.

Yeremiya 14:14

Ku va laha Yehovha a nge eka mina: “Vaprofeta va va profetela vunwa hi vito ra mina a ndzi va rhumanga, kambe a ndzi va lerisanga, kutani a ndzi vulavulanga na vona; va mi profetele masingita ya mavunwa, ni vubvumbi, ni ku kanganyisa ka timbilu ta vona.