Yeremiya 7:7 - Xitsonga (Bibele)

⁷ Ndzi ta mi akisa endhawini leyi, etikweni leri ndzi ri nyikeke vatata wa n'wina hilaha ku nga heriki.

BIBELE Mahungu Lamanene

⁷ Kutani hi kona ndzi nga ta mi tshamisisa endhawini leyi, etikweni leri ndzi ri nyikeke vatata wa n'wina khale leswaku ri va ra vona hilaha ku nga heriki.

Yeremiya 7:7 Referans Kwoze

Duteronoma 4:40

Hlayisa milawu ya xona, ni ku lerisa ka xona loku ndzi ku lerisaka namuntlha, leswaku u tsaka, ni vana va wena endzhaku ka wena, ni leswaku u tshama u lehisa masiku ya wena emisaveni leyi Yehovha, Xikwembu xa wena, xi ku nyikaka yona, yi va ya wena hi masiku.”

Yeremiya 25:5

A va ku eka n'wina: ‘Hundzukani un'wana ni un'wana emikhuveni yo biha ya yena, ni le ku biheni ka ku endla ka n'wina, mi ta tiakela etikweni leri Yehovha a mi nyikeke rona ni vatata wa n'wina hi masiku, hilaha ku nga heriki.

Yeremiya 3:18

“ ‘Emikarhini yoleyo, yindlu ya Yuda yi ta famba ni yindlu ya Israele va ta huma swin'we etikweni ra n'walungu, ku ya etikweni leri ndzi ri fumiseke vatata wa n'wina.

2 TIKRONIKA 33:8

Ndzi nga ka ndzi nga ha endli leswaku sondzo ra Israele ri tshinela kule ni tiko leri ndzi ri vekeleke vatata wa n'wina, loko kunene va chivirika ku endla hinkwaswo leswi ndzi va leriseke swona, va hlayisa nawu hinkwawo, ni marito, ni ku lerisa, swi ri leswi lerisiweke ha Muxe.”

Eksoda 22:22

Mi nga tshuki mi xanisa wansati wa noni, hambi xi ri xisiwana xa n'wana.

Yeremiya 4:1

“Israele, loko u nga hundzuka, loko u tlhelela eka mina, ku vula Yehovha, kutani u susa manyala ya wena emahlweni ka mina, u nga ka u nga ha tsendzeleki.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Sofoniya 3:7

A ndzi ku: ‘Loko a wu ndzi chava, u va u amukela ku tshinyiwa, ingi vutshamo bya wena byi nga ha susiwi eka wena hilaha ndzi leriseke hinkwaswo hakona ehenhla ka yena,’ kambe va pfukele ku onha swiendlo swa vona hinkwaswo.”

Esaya 1:19

Kungakuloko mi yingisa hi ku tsaka, mi ta dya leswo nandziha swa tiko;

Yeremiya 26:13

Sweswi, hundzukani emikhuveni ya n'wina ni le ku endleni ka n'wina, mi yingisela rito ra Yehovha Xikwembu xa n'wina, kutani na yena Yehovha a ta hundzuka eku biheni loku a ku vuleke ehenhla ka n'wina.