Yeremiya 7:25 - Xitsonga (Bibele)

²⁵ Ka ha ri mpfhuka ndzi humesa vatata wa n'wina va khale etikweni ra Egipta ku fika ni namuntlha, ndzi mi rhumela malandza ya mina hinkwawo va nga vaprofeta, ndzi ri karhi ndzi pfuka ka ha ri mixo hi siku rin'wana ni rin'wana ku va rhuma.

BIBELE Mahungu Lamanene

²⁵ Ku sukela enkarhini lowu vatata wa n'wina va humeke ha wona etikweni ra Egipta ku ta fika namuntlha, a ndzi hamba ndzi va rhumela malandza ya mina va nga vaprofeta.

Yeremiya 7:25 Referans Kwoze

Yeremiya 25:4

Yehovha u tshama a rhuma eka n'wina malandza ya yena hinkwawo, vaprofeta, a va rhuma wa ha ri mixo, kambe a mi yingisanga, kambe a mi nga rhiyi tindleve ta n'wina ku twa.

2 TIKRONIKA 36:15

Yehovha, Xikwembu xa vatata wa vona, a va layile emikarhini leyo tala hi tintsumi ta yena, hikuva a a rhandza ku ponisa tiko ra yena ni vuako bya yena.

Ezekiele 2:3

A ku eka mina: “N'wana wa munhu ndzi ku rhuma eka vana va Israele lava nga yingisiki, lava ndzi fularheleke va ndzi dyohele swin'we ni vatata wa vona ku fika siku ra namuntlha.

Yeremiya 7:13

Kambe sweswi, leswi mi endleke sweswo hinkwaswo, ku vula Yehovha, kambe ndzi tshama ndzi vulavula na n'wina, ndzi ri karhi ndzi pfuka ka ha ri mixo ndzi va ndzi vulavula, kambe a mi yingisanga; kutani ndzi tshama ndzi mi vita, kambe a mi pfumelanga.

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Ezra 9:7

Ka ha ri mpfhuka wa vatata wa hina, hi tshama enandzwini lowukulu ku fikela sweswi hikwalaho ka swidyoho swa hina, hi nyiketiwile ni tihosi ta hina, ni vaprista va hina, emavokweni ya tihosi ta matiko walawo, hi nyiketiwa fumu ni ku bohiwa, ni ku onhaka, ni tingana, kukotisa namuntlha.

Duteronoma 9:7

“Tsundzuka, u nga rivali hilaha u nga karihisa Yehovha swonghasi emananga, ku sungula siku u humeke etikweni ra Egipta, ku yisa eku fikeni ka n'wina kwalaho, mi pfukile Yehovha.

Luka 11:49

Hikwalaho, vutlhari bya Xikwembu byi vurile, byi ku: ‘Ndzi ta va rhumela vaprofeta ni vaapostola, va ta dlaya van'wana eka vona, va xanisa van'wana,’

2 TIKRONIKA 24:19

Yehovha a rhuma exikarhi ka vona vaprofeta lava va layaka ku va tlherisela eka yena; kambe a va va yingisanga.

Esaya 5:4

Lexi nga fanela ku endliwa, lexi ndzi nga xi endlangiki i yini? Leswi ndzi languteleke leswaku yi ta veka mihandzu leyo nandziha, i yini leswi yi vekeke leyo bava xana?

Yeremiya 11:7

Hikuva ndzi tshama ndzi byela vatata wa n'wina, siku ndzi va humesaka etikweni ra Egipta ku fika namuntlha, ndzi ri karhi ndzi pfuka nimpundzu, ndzi huwelela, ndzi ku: “Yingisani rito ra mina.”

Yeremiya 25:3

“Hi lembe ra khume na manharhu ra ku fuma ka Yosiya, n'wana Amoni, hosi ya Yuda, ku fikela siku leri, i malembe ya makume mambirhi na manharhu, rito ra Yehovha ri tile eka mina, kambe ndzi mi byerile rona, ndzi vulavula ndzi ri karhi ndzi pfuka wa ha ri mixo, kambe a mi yingisanga.

Yeremiya 29:19

Hikuva a va yingisanga rito ra mina, ku vula Yehovha, loko ndzi ri karhi ndzi va rhumela malandza ya mina vaprofeta, ndzi va rhuma wa ha ri mixo, kambe a va yingisanga, ku vula Yehovha.’

Yeremiya 35:14

Ku hlayisiwe marito ya Yonadabu, n'wana Rekaba, lawa a ma leriseke vana va yena leswaku va nga tshuki va nwa vhinyo; kutani a va nwanga ku fika sweswi, hikuva va yingisile ku lerisa ka tata wa vona, kambe mina ndzi tshama ndzi vulavula na n'wina, ndzi vulavula wa ha ri mixo, kambe a mi ndzi yingisanga.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Yeremiya 44:4

Ndzi tshama ndzi mi rhumela malandza ya mina hinkwawo, va nga vaprofeta, ndzi va rhuma wa ha ri mixo, leswaku mi nga endli swilo swa manyala leswi ndzi swi vengaka.

Hosiya 12:10

Kasi hi mina Yehovha, Xikwembu xa wena, loko wa ha huma etikweni ra Egipta. Ndza ha ta ku akisa emitsongeni, kukotisa loko ku endliwa siku ra nkhuvo.

Amosi 2:11

Kutani ndzi pfuxile vaprofeta exikarhi ka vana va n'wina, ni le xikarhi ka majaha ya n'wina ndzi pfuxa Vanaziri. A swi tano xana, vana va Israele?” ku vula Yehovha.

Malakiya 3:7

Loko ka ha ri emikarhini ya vatata wa n'wina, mi sukele milawu ya mina, kutani a mi yi hlayisanga; tlhelelani eka mina, kutani ndzi ta tlhelela eka n'wina, ku vula Yehovha wa mavandla. Kutani mi ri: ‘Hi ta vuyela ha yini xana?’

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.