Yeremiya 7:23 - Xitsonga (Bibele)

²³ kambe hi yona mhaka leyi ndzi va byeleke yona, ndzi ku: ‘Yingisani rito ra mina, kutani ndzi ta va Xikwembu xa n'wina, kambe n'wina mi va tiko ra mina, mi famba endleleni hinkwayo leyi ndzi nga ta mi lerisa yona, hilaha mi nga ta kateka.’

BIBELE Mahungu Lamanene

²³ Kambe ndzi va byerile ndzi ku: ‘Ndzi yingiseni, kutani ndzi ta va Xikwembu xa n'wina, na n'wina mi ta va vanhu va mina, mi famba endleleni leyi ndzi mi lerisaka yona, leswaku mi ta kateka.’

Yeremiya 7:23 Referans Kwoze

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

Duteronoma 5:33

mi ta famba endleleni hinkwayo leyi Yehovha Xikwembu xa n'wina xi mi leriseke yona leswaku mi hanya, mi va mi tsaka; ni leswaku masiku ya n'wina ma lehisiwa etikweni leri mi nga ta ri fuwa.

Yeremiya 42:6

Hambi swi ri swo saseka, hambi swi bihile; hi ta yingisa rito ra Yehovha, Xikwembu xa hina, lexi hi ku rhumeleke eka xona, xi ta hi katekisa loko hi va hi yingisile rito ra Yehovha, Xikwembu xa hina.”

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Duteronoma 6:3

“Oho Israele! U ta swi yingisa, u ta chivirikela ku swi endla leswaku u tsaka, kutani mi ta andza ngopfu etikweni leri kulukeke hi ntswamba ni vulombe, hilaha Yehovha, Xikwembu xa vatata wa wena, a ku byeleke hakona.

Duteronoma 30:20

u ri karhi u rhandza Yehovha, Xikwembu xa wena, u yingisa rito ra yena ni ku namarhela yena; hikuva hi yena la nga ku hanya ka wena, ni ku leha ka masiku ya wena, leswaku u ta aka emisaveni leyi Yehovha a hlambanyeleke vatata wa wena, Abrahama, na Isaka, na Yakobo, ku va nyika yona.”

Duteronoma 13:4

Mi ta landza Yehovha, Xikwembu xa n'wina; mi n'wi chava, mi hlayisa milawu ya yena, mi yingisa rito ra yena; mi n'wi tirhela, kambe mi n'wi namarhela.

Yeremiya 11:4

lowu ndzi wu leriseke vatata wa n'wina, siku ndzi va humesaka etikweni ra Egipta, ehondweni ya nhumbu, ndzi ku: Yingisani rito ra mina, mi endla hinkwaswo leswi ndzi mi lerisaka swona; hilaha mi nga ta va tiko ra mina, mina ndzi va Xikwembu xa n'wina;

Duteronoma 5:29

Ngi loko va ri ni timbilu leti ku ndzi chava ni ku hlayisa milawu ya mina hinkwayo, va ta tsaka vona ni vana va vona, hilaha ku nga heriki!

2 Vakorinto 10:5

ni ku hlanhla makungu, ni rirhangu hinkwaro leri tlakukeke, leri sivelaka ku tiva ka Xikwembu, ni ku byisa mianakanyo hinkwayo eku yingiseni ka Kriste;

Duteronoma 30:2

loko u tlhelela eka Yehovha, Xikwembu xa wena, ni loko u yingisa rito ra yena hi mbilu hinkwayo ya wena, ni moya hinkwawo wa wena, u ri wena ni vana va wena, hi laha ndzi ku lerisaka swilo hinkwaswo hakona namuntlha;

Yeremiya 11:7

Hikuva ndzi tshama ndzi byela vatata wa n'wina, siku ndzi va humesaka etikweni ra Egipta ku fika namuntlha, ndzi ri karhi ndzi pfuka nimpundzu, ndzi huwelela, ndzi ku: “Yingisani rito ra mina.”

Duteronoma 30:8

Loko u ri wena, u ta tlhela u yingisa rito ra Yehovha, u hlayisa milawu hinkwayo leyi ndzi ku lerisaka namuntlha;

Varhoma 16:26

kambe sweswi xi humelerisiwile hi matsalwa ya vaprofeta, hi ku lerisa ka Xikwembu lexi nga heriki, xi kombisiwile eka matiko hinkwawo, ma ta tshinela eku yingiseni ka ku pfumela,

Duteronoma 4:10

Anakanya siku leri u yimeke ha rona emahlweni ka Yehovha, Xikwembu xa wena, eHorebe, loko Yehovha a te eka mina: ‘Ndzi hlengeletele tiko ndzi ta va yingiserisa marito ya mina, leswaku va dyondza ku ndzi chava masiku hinkwawo lawa va nga ta hanya emisaveni, va ta ma dyondzisa vana va vona.’

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Duteronoma 11:27

Ku kateka, loko mi yingisa milawu ya Yehovha, Xikwembu xa n'wina, leyi ndzi mi lerisaka namuntlha,

Duteronoma 5:16

“ ‘U va ni xichavo eka tata wa wena ni mana wa wena, hilaha Yehovha, Xikwembu xa wena, xi ku leriseke hakona, leswaku masiku ya wena ma andzisiwa, u va u katekisiwa emisaveni leyi u yi nyikiweke i Yehovha, Xikwembu xa wena.

Eksoda 16:32

Kutani Muxe a ku: “Mhaka leyi lerisiweke hi Yehovha hi leyi: A ku hlayisiwe homere leyi teleke hi manna exikarhi ka tinxaka ta n'wina ti ta vona vuswa lebyi ndzi mi phameleke byona emananga loko ndzi mi humesa etikweni ra Egipta.”

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

Pisalema 40:6

A ku tsakelangi magandzelo ni tinyiko; U pfurile tindleve ta mina. A ku lavanga holokosta ni magandzelo ya xidyoho.

Pisalema 81:13

Oho! Loko ngi tiko ra mina ra ndzi yingisa, Loko ngi Israele u famba etindleleni ta mina,

Esaya 3:10

Vulani leswaku lava lulameke va katekile, hikuva va ta dya mihandzu ya mitirho ya vona.

Yeremiya 13:11

Hikuva kukotisa loko vamba ri namarhele xisuti xa munhu, a ndzi tinamarhetile yindlu hinkwayo ya Israele ni ya Yuda hinkwayo, ku vula Yehovha, leswaku ri va tiko ranga ni ku twala ka mina, ni ku dzuna ka mina, ni ku kwetsima ka mina. Kambe va arile ku yingisa.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Yeremiya 24:7

Ndzi ta va nyika timbilu leti tivaka leswaku ndzi Yehovha; ri ta va tiko ra mina, mina ndzi va Xikwembu xa vona hikuva va ta hundzukela ka mina hi timbilu hinkwato ta vona.

Yeremiya 38:20

Yeremiya a n'wi hlamula, a ku: “U nga ka u nga nyiketiwi, Kambe yingisela rito ra Yehovha leri ndzi ku byelaka rona: Swi ta saseka eka wena, kutani moya wa wena wu ta hanya;

Sofoniya 3:2

A wu yingiselanga rito, a wu amukeli ku tshinyiwa, a wu tshembanga Yehovha; a wu tshinelanga eka Xikwembu xa wona.

Zakariya 6:15

Lava nga ekule va ta ta va ta aka yindlu ya Yehovha; kutani mi ta tiva leswaku Yehovha wa tinyimpi u ndzi rhumile eka n'wina; swi ta va tano, loko kunene mi yingisa rito ra Yehovha, Xikwembu xa n'wina.”

Zakariya 7:7

Xana a mi tsundzuki marito lawa Yehovha a nga vulavula hi vaprofeta vo sungula, loko muti wa Yerusalema, wa ha akiwile wu tshamile hi ku rhula, miti ya wona yi ri matlhelo ya wona, tiko leri nga edzongeni ni banyi swa ha akiwile xana?”

Duteronoma 4:40

Hlayisa milawu ya xona, ni ku lerisa ka xona loku ndzi ku lerisaka namuntlha, leswaku u tsaka, ni vana va wena endzhaku ka wena, ni leswaku u tshama u lehisa masiku ya wena emisaveni leyi Yehovha, Xikwembu xa wena, xi ku nyikaka yona, yi va ya wena hi masiku.”

Duteronoma 13:5

Muprofeta loyi, hambi mulorhi loyi, u ta dlawa hikuva u susumetile vanhu ku landzula Yehovha, Xikwembu xa n'wina (la mi humeseke etikweni ra Egipta, a va a mi kutsula endlwini ya vukhumbi), a lava ku ku hambukisa endleleni leyi Yehovha, Xikwembu xa wena, a ku leriseke ku famba ha yona, U ta susa lowo biha exikarhi ka n'wina.

Ntirho 36:11

Loko va yingisa, kutani va xi tirhela, Va ta hetisela masiku ya vona eku katekeni, Ni malembe ya vona eku tsakeni.

Pisalema 119:3

Lava nga endliki swo homboloka, Kambe va famba etindleleni ta yena!

Yeremiya 22:21

Ndzi vulavule na wena eku tirhuleleni ka wena, kutani u ku: ‘Ndzi nga ka ndzi nga yingisi!’ Hi wona mukhuva wa wena we evuhlangini bya wena lowa ku: ‘A ku na ku yingisela rito ra mina.’

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!