Yeremiya 7:20 - Xitsonga (Bibele)

²⁰ Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

BIBELE Mahungu Lamanene

²⁰ Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Yeremiya 7:20 Referans Kwoze

Yeremiya 42:18

Hikuva, ku vula Yehovha wa mavandla, Xikwembu xa Israele, a ku: Kukotisa loko ndzi chulurile vukari bya mina, ni ku leva ka mina, ehenhla ka vaaki va Yerusalema, ndzi ta chulula ku leva ka mina ehenhla ka n'wina loko mi yile eEgipta, mi ta endliwa xisandzu, ni ku chaviwa, ni ndzhukano ni ku sandziwa kutani mi nga ka mi nga tlheli mi vona xivandla lexi.

Yeremiya 17:27

Kambe loko mi nga ndzi yingisi, loko ndzi mi lerisa ku hlayisa siku ra Savata, ni ku ka mi nga rhwari mirhwalo, ni ku ka mi nga yi nghenisi hi tinyangwa ta Yerusalema, hi siku ra Savata, ndzi ta tshivela ndzilo etinyangweni ta muti, leswaku wu ta hisa tindlu ta tihosi ta Yerusalema, kambe wu nga ka wu nga timiwi.” ’ ”

Esaya 42:25

Hikwalaho u cheletile Israele hi ku pfurha ka vukari bya yena, ni ku leva ka mivango. Mivango yi pfurhile, yi n'wi rhendzele hinkwako, kambe a nga swi twanga, yi n'wi lovisile kutani a nga swi hlayisanga.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Ezekiele 22:22

Kukotisa leswi silivhere yi n'okisiwaka efulweni, na n'wina mi ta n'okisiwa exikarhi ka wona, mi ta swi tiva leswaku hi mina Yehovha ndzi cheleke vukari bya mina ehenhla ka n'wina.”

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Yeremiya 44:6

Kutani ku kariha ka mina, ni ku leva ka mina ku tlhandluka ku pfurhela miti ya Yuda, ni mitsendzele ya Yerusalema, swi hundzuke rhumbi ni mananga, hilaha swi vonakaka namuntlha hakona.

Esaya 66:24

“Kutani loko a ta huma, va ta vona mitsumbu ya vanhu lava tiariseke ka mina; hikuva xivungu xa vona xi nga ka xi nga fi, ni ndzilo wa vona wu nga ka wu nga timeki; kutani va ta nyenyetsa nyama hinkwayo.”

2 TIHOSI 22:17

Hikuva va ndzi tshikile va hisele swikwembu swin'wana mirhi ya risuna ku ndzi pfuka hi mitirho hinkwayo ya mavoko ya vona, vukari bya mina byi pfurhele ndhawu leyi, byi nga ka byi nga timeki.

Nhlavutelo 14:10

na yena u ta nwa vhinyo ya vukari bya Xikwembu, leyi cheriweke yi nga hlanganisiwanga exinwelweni xa ku kariha ka xona; kutani u ta xanisiwa endzilweni ni le xivavuleni, emahlweni ka tintsumi leto kwetsima, ni le mahlweni ka Xinyimpfana.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Daniele 9:11

Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.

Yeremiya 14:16

Loko ri ri tiko rero vaprofeta va nga karhi va va profetelaka, va ta etlerisiwa emitsendzeleni ya Yerusalema, hi ndlala ni fumu, kutani ku ta pfumaleka lava va yimbelaka vona, ni vasati va vona, ni vana va vona va xinuna ni va xisati; ndzi ta va halatela ku biha ka vona.

Yeremiya 12:4

Misava yi ta rila ku ri kungani xana, ni byanyi bya masimu hinkwawo byi ta oma ku yisa kwihi xana? Hikwalaho ka ku biha ka vaaki va rona, swiharhi ni tinyanyana swi herile, hikuva va ri: “A nga ka a nga voni ku hela ka hina.”

Matewu 3:12

Rihlelo ra yena ri le vokweni ra yena, kutani u ta kukula swinenenene xivuya xa yena, u ta hlengeleta mavele ya yena enguleni, mungu, wona, u ta wu hisa endzilweni lowu nga timekiki.”

Esaya 10:17

Ku vonakala ka Israele ku ta hundzuka ndzilo, ni Mukwetsimi wa yena ri ta va langavi leri hisaka, ri va ri heta mitwa ni swigatlu swa yena hi siku rin'we.

Yeremiya 6:11

Ndzi tele hi mahlundzu ya Yehovha, ndzi karhele ku ma sivela. “Ma halatela eka vana va entsendzeleni, ni le nhlengeletanweni ya majaha; hikuva wanuna u ta khomiwa swin'we ni nsati; la dyuhaleke ni la heteke masiku ya yena.

Yeremiya 6:12

Tindlu ta vona ti ta fumiwa hi van'wana, na wona masimu ni vasati va vona, hikuva ndzi ta tshambuluta voko ra mina eka vaaki va tiko,” ku vula Yehovha.

Yeremiya 8:13

“Ndzi ta va heta,” ku vula Yehovha, “leswaku ku ta pfumariwa mihandzu evhinyeni, ni loko ma ri makuwa enkuweni, ni matluka ma ta oma, kambe lexi ndzi va nyikeke xona xi ta va phonyomukela.”

Yeremiya 11:16

Yehovha u ku thyile vito ra mutlhwari lowa rihlaza, lowo saseka, wa mihandzu leyinene. Hi mpfumawulo lowukulu u lunghiseriwe ndzilo, kutani marhavi ya wena ma phatluriwile.

Yeremiya 17:4

Hikwalaho ka nandzu wa wena u ta lahlekeriwa hi ndzhaka leyi ngi ndzi ku nyikile yona, kambe ndzi ta ku endla nandza wa lava nga valala eka wena, etikweni leri u nga ri tiviki; hikuva mi pfurhisile ndzilo wa ku kariha ka mina, wa ha ta hisa hilaha ku nga heriki.”

Yeremiya 18:23

Kambe, wena Yehovha, u tiva leswaku makungu hinkwawo ya vona ehenhla ka mina ku ndzi dlaya; u nga tshuki u funengeta nandzu wa vona, kutani u nga susi xidyoho xa vona emahlweni ka wena; a va susumetiwe emahlweni ka wena! Hi siku ra vukari bya wena u endlisa sweswo na vona.

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’

Sofoniya 1:2

“Ndzi ta susa kunene hinkwaswo leswi nga ehenhla ka misava, ku vula Yehovha.

Levhitika 26:28

ndzi ta lwa na n'wina hi matimba, ndzi mi ba kambe kantlhanu na kambirhi, hikwalaho ka ku dyoha ka n'wina.

Ezekiele 7:12

Nkarhi wu fikile, siku ri tshinelele, muxavi a nga tsaki; muxavisi a nga vileri; hikuva vukari byi le henhla ka vunyingi bya vona.

Ezekiele 7:14

Va tlhavile mukhosi, va lunghisile hinkwaswo, kambe a ku na loyi a humaka nyimpi, hikuva vukari bya mina byi le henhla ka vunyingi hinkwabyo bya vona.

Sofoniya 1:3

Ndzi ta susa vanhu ni swiharhi, ndzi susa ni tinyanyana ta tilo, ni tinhlampfi ta lwandle, ni swikhunguvanyiso kun'we ni lavo biha, ndzi va ndzi tsema vanhu ehenhla ka misava,” ku vula Yehovha.

Zakariya 7:12

Timbilu ta vona va ti hundzule dayimani, leswaku va nga twi nawu ni marito ya Yehovha wa tinyimpi lawa a va rhumeleke wona hi vaprofeta vo rhanga, hi Moya wa yena. Kutani ku humelela ku kariha lokukulu ka Yehovha wa tinyimpi.