Yeremiya 6:7 - Xitsonga (Bibele)

⁷ Kukotisa loko xihlovo xi humesa mati ya xona, wu humesa vumbabva bya wona hi mukhuva wolowo, ku wonga ni ku onha swi ri karhi swi twakala eka wona; timbanga ni mabibi ya mbilu swi le mahlweni ka mina hi masiku.

BIBELE Mahungu Lamanene

⁷ Vubihi byi huma emutini wolowo ku fana ni mati lama humaka exihlobyeni; endzeni ka muti ku twala ntsena ku rila ka lava dlayiwaka, mina ndzi vona ntsena mavabyi ni timbanga eka wona.

Yeremiya 6:7 Referans Kwoze

Ezekiele 7:23

“Lunghisani tiketana, hikuva tiko ri tele hi ngati ni mangava, muti wu tele hi swidyoho.

Ezekiele 7:11

Mahlundzu ma pfukile, ma hundzukile nhonga ya ku ba vudyoho. A ku nga sali nchumu eka vona, hambi swa vunyingi bya vona hambi swa rifuwo ra vona; a ku nga vi na swirilo hikwalaho ka vona.

Yeremiya 20:8

Hikuva hi masiku loko ndzi vulavula, ndzi tlakusa rito, ndzi huwelela eka vanhu ku nonon'hwa ni ku onha; hikwalaho rito ra Yehovha ri ndzi hundzukele ku holoveriwa ni xisandzu siku rin'wana ni rin'wana.

Esaya 57:20

Kambe lavo biha va fana ni lwandle leri kariheke, leri nga swi kotiki ku rhula, leri mati ya rona ma tlakusaka sava ni ndzhope;

Ezekiele 24:7

Hikuva ngati leyi halatiweke hi muti lowo yi kona exikarhi ka wona, u yi veke henhla ka tamba leri omeke; a nga yi chelanga ehansi ku yi funengeta hi ntshuri.

Swivuriso 4:23

Hlayisa mbilu ya wena ku tlurisa leswi hlayisiwaka, Hikuva i xihlovo xa vutomi.

Esaya 59:6

Tintavala ta vona ti nga ka ti nga vi tinguvu, kutani va nga ka va nga tifunengeti hi mitirho ya vona; mitirho ya vona i mitirho ya ku dyoha, kutani tihanyi ti le mavokweni ya vona;

Yeremiya 30:12

“Hikuva, ku vula Yehovha: Mbanga ya wena yi bihile, ni swilondza swa wena swa vava.

Yeremiya 30:13

A ku na la ku ongolaka ku pfatlanya; ku ongola, ni mirhi, ku hava ka wena.

Yeremiya 32:31

Hikuva muti lowu wu humesile tihanyi ni ku kariha ka mina, ku suka enkarhini lowu va wu akeke, ku fikela siku leri, leswaku ndzi wu susa emahlweni ka mina,

Ezekiele 45:9

Hosi Yehovha u ri: Oho tihosi ta Israele, swi ringene! Tshikani ku leva ni ku phanga, endlani hi nawu ni ku lulama mi nga tshami mi xanisa tiko ra mina, ku vula Hosi Yehovha.

Esaya 1:6

Ku suka emikondzweni, ku yisa enhlokweni, a ku na laha ku lulameke, i timbanga ntsena, ni mafelangati, ni swilondza leswi nyukaka, leswi nga siki tshunguriwaka ni ku boheleriwa, hambi ku ri ku olovisiwa hi mafurha.

Yeremiya 8:22

Xana ku na murhi eGiliyadi, a ku na n'anga kona xana? Xana mbanga ya n'wana wa tiko ra mina a yi boheleriwanga ha yini?

Yeremiya 30:15

“U rilela yini hikwalaho ka mbanga ya wena? Mbanga ya wena a yi nga holi. Ndzi ku endlele sweswo hikwalaho ka ku tala ka ku homboloka ka wena, hikuva swidyoho swa wena swi tele.

Ezekiele 21:29

“Loko swi ri tano, Hosi Yehovha u ri: Leswi ma ha tsundzukaka vuhomboloki bya n'wina, hilaha swidyoho swa n'wina swi vonakarisiwaka, leswaku swidyoho swa n'wina swi vonaka eswiendlweni swa n'wina hinkwaswo hikuva ma ha swi tsundzuka, mi ta khomiwa hi voko ra yena.

Sofoniya 3:1

Wu ni khombo muti lowu tiarisaka, wu ni thyaka, muti lowu xanisaka.