Yeremiya 6:29 - Xitsonga (Bibele)

²⁹ Muhlanga wa hisa, loti yi herisiwe hi ndzilo; munyukisi u nyukisa mahala, hikuva lavo biha a va hambani.

BIBELE Mahungu Lamanene

²⁹ Ndzilo wu pfurhetiwa swinene, kambe ku n'oka ntsopfu ntsena; a swi pfuni nchumu ku ringeta ku basisa silivhere ya kona, hikuva thyaka a ri suki eka yona.

Yeremiya 6:29 Referans Kwoze

1 Petro 4:12

Varhandziwa, mi nga hlamaleni loko ku ri ni ndzilo exikarhi ka n'wina ku ta mi ringa; kukota loko ngi mi humeleriwe hi timhaka leto hlamarisa;

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Ezekiele 24:13

Ku biha ku kona ethyakeni ra wena, kasi ndzi ku hlantswile, hambiswiritano, a ku tenganga; a ku nga ha hlantswiwi thyaka ra wena ku fikela loko ndzi korwise vukari bya mina ha wena.

Yeremiya 9:7

Hikwalaho, Yehovha wa tinyimpi u vula, a ku: “Ndzi ta va n'okisa, ndzi va ringa, hikuva ndzi nga endlisa ku yini eka n'wana wa tiko ranga xana?

Esaya 49:4

Kambe mina ndzi te: “Ndzi tikarhatile mahala; ndzi helele matimba swi nga pfunanga nchumu; kambe ku lulama ka mina ku le ka Yehovha, ku hakela ka mina ku le ka Xikwembu xa mina.”

Swivuriso 17:3

Xirhengele i xa ntsopfu ni swa nsuku, Kambe la ringetaka timbilu, i Yehovha.

1 Petro 1:7

leswaku ku ringiwa ka ku pfumela ka n'wina loku hundzisaka nsuku lowu lovaka, (kasi na wona wu ringetiwa hi ndzilo) ku ta mi hundzukela ku dzunisiwa, ni xichavo, ni ku kwetsima, siku ku nga ta humelela Yesu Kriste;

Vaavanyisi 17:4

Kavaloko Mika a tlherisa mali yoleyo eka mana wa yena, kutani mana wa yena a teka tixikele ta 200, a ti nyika muchuluri, a endla xifaniso lexi vatliweke ni xifaniso lexi chuluriweke, swi vekiwa endlwini ya Mika.

Yeremiya 15:19

Hikwalaho Yehovha u vula, a ku: “Loko u tlhelela eka mina, hilaha ndzi nga ta ku vuyisa, u ta yima emahlweni ka mina; kambe loko u hlawula leswi lulameke eka leswo biha, u ta fana ni nomu wa mina. Va ta tlhelela eka wena, kambe wena, u nga tshuki u tlhelela eka vona.

Ezekiele 24:12

Yi hariwe ngopfu; hambiswiritano, ku kurha ka yona a ku suki; ku kurha ka yona ku tsandza ndzilo.