Yeremiya 6:23 - Xitsonga (Bibele)

²³ va tamele gadzi ni fumu, va kariha ngopfungopfu, a va na ku tsetselela: rito ra vona ri pfuma kukotisa lwandle va khandziyile tihanci, va hlomile kukotisa loko a ri munhu un'we la ku hlaselaka, wena, n'wana Siyoni.

BIBELE Mahungu Lamanene

²³ Va khomile vurha ni mafumu; va ni nsele, a va tweli munhu vusiwana. Huwa ya vona yi fana ni lwandle loko ri pfuma; va ta va gadile tihanci, va xaxametile mavuthu ya vona va lava ku ku hlasela, we muti wa Siyoni.”

Yeremiya 6:23 Referans Kwoze

Esaya 13:18

Miseve ya vona yi ta tlhava majaha, va nga ka va nga tsetseleri swihlangi leswi nga endzeni, mahlo ya vona ma nga ka ma nga tweri vana va xinuna vusiwana.

Yeremiya 50:42

Va tamele mavurha ni mafumu, va kariha, a va tsetseleli munhu; rito ra vona ri pfuma kukota lwandle va khandziyile tihanci, va humile nyimpi kukota munhu a ri un'we la taka ku lwa na wena n'wana wa Babilona.

Yeremiya 30:14

Varhandziwa va wena hinkwavo va ku rivele; a va ha vuri nchumu ha wena hikuva ndzi ku tlhavile swa nga i nala, ni ku holoveriwa loku nonon'hwaka, hikwalaho ka ku tala ka ku homboloka ka wena, hikuva swidyoho swa wena swi tele ngopfu.

Yeremiya 5:16

Nkotloto wa rona wu kotisa sirha leri ahlameke; hinkwavo i tinhenha.

Yeremiya 4:29

Miti hinkwayo yi ta tsutsuma hikwalaho ka pongo ra vakhandziyi, ni ra vacopi va miseve, va ya nghena eswihlahleni, va khandziya ni le maribyeni ya tintshava; miti hinkwayo yi fularheliwa; a ku nga ha vi na munhu kona.

Yeremiya 4:13

Langutani muonhi u tlhandluka kukotisa mapapa; tigolonyi ta yena ti kotisa xidzedze; tihanci ta yena ti tlula makoti hi ku tsutsuma; khombo ri le ka hina, hikuva ha borisiwa!

Esaya 19:4

Ndzi ta nyiketa Egipta emavokweni ya hosi leyo leva, u ta fumiwa hi hosi leyi chavisaka,” ku vula Hosi Yehovha wa tinyimpi.

Duteronoma 28:49

“Yehovha u ta ku pfuxela tiko leri nga ekule, ri nga emakun'wini ya misava, tiko leri fanaka ni gama loko ri haha, tiko leri u nga ka u nga twisisi ririmi ra rona;

Esaya 10:32

Hi siku rin'we u ta fika eNobo, u ta tlakusa voko ra yena eka ntshava ya n'wana wa Siyoni, ni ka xitsunga xa Yerusalema!

Esaya 17:12

Yo! Mpfumawulo wa matiko layo tala! Wa pfuma tanihi lwandle! Yo! Pongo ra matiko! Ma pfuma tanihi mati lamakulu.

Yeremiya 6:4

Sungulani ku lwa na yena; pfukani-ke hi khandziya ninhlekanhi! Hi ni khombo hina, hikuva dyambu ra pela, ni mindzhuti ya madyambu yi rhendzelekile.

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.

Ezekiele 21:31

Hosi Yehovha u ri: Susa xihuku, u susa musingasoro wa wena; lexi nga kona a xi nga ha vi kona; ku ta tlakusiwa lexi tsongahatiweke, ku ta tsongahatiwa lexi tlakukeke.

Yeremiya 4:16

“Byelani matiko, mi tivisa Yerusalema: ‘Lava taka ku ta n'wi rhendzela va huma etikweni leri nga ekule; va huwelela ku ta lwa ni miti ya Yuda.

Yeremiya 8:16

Mpfumawulo wa tihanci ta yena wu twakala eDani, misava hinkwayo yi tsekatseka hi swirilo leswi chavisaka swa wona; va ta ku ta herisa tiko ni hinkwaswo leswi nga eka rona, ni miti, ni vaaki va yona;

Yeremiya 25:32

“Yehovha wa mavandla u vula a ku: Vonani ku biha ku huma etikweni rin'wana ku ya etikweni rin'wana, xihuhuri lexi chavisaka xi ta pfuka emakun'wini ya misava.

Yeremiya 50:41

“Vonani, ri ta ta tiko leri humaka en'walungwini, kutani tiko lerikulu ni tihosi to tala ti ta huma emakun'wini ya misava.