Yeremiya 6:21 - Xitsonga (Bibele)

²¹ Hikwalaho, Yehovha u vula a ku: “Langutani ndzi ta vekela tiko leri e xikhunguvanyiso, kutani vatatana ni vana va ta khunguvanyeka hinkwavo; loyi a nga warikwavo ni loyi a nga nakulobye va ta lova swin'we.”

BIBELE Mahungu Lamanene

²¹ Hikokwalaho mina HOSI ndzi ri: Ndzi ta hingakanya mintsandza endleleni ya vona, yi ta va khugula va wa. Tatana ni n'wana, munhu ni vaakelani kumbe vanghana va yena, va ta herisiwa siku rin'we!”

Yeremiya 6:21 Referans Kwoze

Esaya 8:14

Eka tindlu letimbirhi ta Israele u ta va vukwetsimelo, ni ribye leri khunguvanyisaka, ni ribye leri va khudlunyaka; kambe eka lava akeke eYerusalema, u ta va vurimba ni ntlhamu.

Ezekiele 3:20

Loko munhu lowo lulama a hundzuka eku lulameni ka yena, a dyoha loko ndzi n'wi ringa, u ta fa; leswi-ke u nga n'wi tsundzuxangiki, u ta fa eku dyoheni ka yena; ku lulama ka yena ku nga ka ku nga tsundzukiwi, kambe ngati ya yena ndzi ta yi lava evokweni ra wena.

Yeremiya 13:16

Dzunisani Yehovha, Xikwembu xa n'wina, a nga siki humesa munyama, ni milenge ya n'wina yi nga siki khunguvanyeka etintshaveni ta vusiku, ni loko a nga siki hundzula ku vonakala kuloku mi ku languteleke, ndzhuti wa rifu ni ku humesa ntima.

1 Petro 2:8

va nga lava khunguvanyekaka hi Rito, va tiarisa, kutani hi swona leswi va swi averiweke.

Varhoma 11:9

Davhida, na yena, u te: “Tafula ra vona ri va hundzukele ntlhamu ni rindzi, ni ku khunguvanyeka, ni ku rihisiwa!

Varhoma 9:33

hilaha ku tsariweke leswaku: “Vonani, ndzi veka eSiyoni ribye ra ku khunguvanyisa, ni ribye leri wisaka; kutani: La pfumelaka eka yena, a nga ka a nga vi na tingana.”

Ezekiele 5:10

Vona, vatatana va ta dya vana va vona exikarhi ka n'wina, ni vana va ta dya vatata wa vona; ndzi ta hetisa exikarhi ka vona ku avanyisa ka mina, ndzi hangalasa hi matlhelo hinkwawo leswi nga ta sala swa wena.

Yeremiya 21:7

Endzhaku ka sweswo, ku vula Yehovha, ndzi ta nyika Sedekiyasi, hosi ya Yuda, ni malandza ya yena, ni tiko, ni lava siyiweke emutini lowo hi ntungu, ni matlhari, ni ndlala, ndzi ta va nyiketa emavokweni ya Nebukadnetsara, hosi ya Babilona, ni le mavokweni ya lava nga vavalala eka vona, ni le mavokweni ya lava lavaka vutomi bya vona, kutani u ta va ba hi vukari bya matlhari, a nga ka a nga va tweri vusiwana, a nga ka a nga va tsetseleri a nga ka a nga vi na nsovo.” ’

Yeremiya 18:21

Hikwalaho, nyiketa ndlala vana va vona, u va tshiketela fumu; vasati va vona a va feriwe hi vana va ve tinoni, kutani vanuna va vona a va dlawe hi rifu, ni majaha ya rikwavo a ma tlhaviwe hi fumu enyimpini!

2 TIKRONIKA 36:17

A rhuma eka vona hosi ya Vakalediya ku va pfuka, a dlaya hi tlhari majaha ya vona evukwetsimelweni bya vona; a nga tsetselelanga majaha, hambi vanhwanyana hambi vakulukumba, hambi misisi leyo basa; a n'wi nyiketa hinkwaswo.

Levhitika 26:37

Va ta khunguvanyeka va wa ingi va ri emahlweni ka matlhari, va nga hlongorisiwi hi munhu, mi nga ka mi nga yimi emahlweni ka valala va n'wina.

Yeremiya 8:12

Va ta avanyiseriwa makumu, hikuva va endlile manyala; a va ha tshukisiwi, a va ha khomisiwi hi tingana, hikwalaho va ta khunguvanyeka lava khunguvanyekaka; siku ndzi va tshinyaka va ta wisiwa, ku vula Yehovha.

Yeremiya 13:14

Kambe ndzi ta va faya un'wana ni un'wana ni warikwavo, vatatana swin'we ni vana,’ ku vula Yehovha. ‘Ndzi nga ka ndzi nga vi na musa, ni loko ku ri ku tsetselela, hambi ku ri ku va twela vusiwana, leswaku ndzi nga va lovisi.’ ”

Yeremiya 18:23

Kambe, wena Yehovha, u tiva leswaku makungu hinkwawo ya vona ehenhla ka mina ku ndzi dlaya; u nga tshuki u funengeta nandzu wa vona, kutani u nga susi xidyoho xa vona emahlweni ka wena; a va susumetiwe emahlweni ka wena! Hi siku ra vukari bya wena u endlisa sweswo na vona.

Esaya 8:15

Kutani lavo tala eka vona va ta khunguvanyeka, va wa, va tshoveka: va ta phasiwa, va khomiwa.”