Yeremiya 6:19 - Xitsonga (Bibele)

¹⁹ Wena misava, yingisa! Langutani, ndzi ta tisela tiko leri khombo, yi nga mihandzu ya miehleketo ya vona, hikuva a va yingisanga marito ya mina, kutani va sandzile nawu wa mina.

BIBELE Mahungu Lamanene

¹⁹ Wena misava yingisa: Vanhu lava ndzi ta va vangela makhombo. Va ta tshovela leswo biha leswi va swi byaleke, hikuva a va yingisanga marito ya mina, ni nawu wa mina va arile ku wu landza.

Yeremiya 6:19 Referans Kwoze

Esaya 1:2

Matilo, yingisani, na wena misava, rhiya ndleve! Hikuva Yehovha wa vulavula: Ndzi wundlile vana, ndzi va kurisile, kambe va tiarisile eka mina.

Timhaka 8:22

Hikwalaho, hundzuka eku biheni ka wena, u khongela Hosi leswaku kumbexana u nga khomeriwa ku anakanya ka mbilu ya wena;

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Yeremiya 8:9

Lavo tlhariha va ta khomiwa hi tingana, va ta rhurhumela, kutani va ta khomiwa va sandzile rito ra Yehovha, va ni vutlhari byihi-ke?

Yohane 12:48

La ndzi alaka, a nga amukeri marito ya mina, u ni la n'wi avanyisaka; rito leri ndzi nga ri vula, hi rona leri nga ta n'wi avanyisa hi siku ra makumu.

Mikiya 6:2

N'wina tintshava, yingisani ku rhamba ka Yehovha, yingisani, n'wina, masungulo layo tiya ya misava; hikuva ku rhamba ku kona exikarhi ka Yehovha ni tiko ra yena, u ta tenga na Israele:

Hosiya 10:13

Mi rimile ku homboloka, mi va mi tshovela ku biha, kutani mi dyile swakudya swa mavunwa; hikuva u tshembile ku famba ka wena, ni vunyingi bya tinhenha ta wena.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Yeremiya 22:29

Yahe! Tiko, tiko, tiko, yingisela rito ra Yehovha!

Yeremiya 6:10

Ndzi nga vita mani, kumbe ndzi nga vutisa mani, leswaku va ta yingisa? Langutani, ndleve ya vona a yi yimbanga, kutani va tsandzeka ku hlayisa timhaka, langutani, rito ra Yehovha ri hundzukile xisandzu exikarhi ka vona, a va ha titsakeri ha rona.

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Esaya 66:18

“Ndzi tiva mitirho ya vona, ni miehleketo ya vona. “Nkarhi wu fikile wa ku hlengeleta matiko hinkwawo ni tindzimi hinkwato; va ta ta, va ta vona ku kwetsima ka mina.

Esaya 59:7

milenge ya vona yi tsutsumela eku biheni, yi ni matsambo ku ya halata ngati leyi nga riki na nandzu; miehleketo ya vona i miehleketo ya ku dyoha ku onhaka ni makhombo swi le tindleleni ta vona.

Swivuriso 28:9

La pfalaka tindleve leswaku a nga twi milawu, Xikhongelo xa yena i manyala.

Swivuriso 15:26

Meehleketo leyo biha i manyala eka Yehovha, Kambe marito lamanene ma tengile emahlweni ka yena.

1 SAMIELE 15:26

Samiele a ku eka Sawulo: “Ndzi nga ka ndzi nga tlheri ndzi muka na wena, hikuva u cukumetile rito ra Yehovha, na yena Yehovha u ku cukumetile leswaku u nga ha vi hosi ya Israele.”

1 SAMIELE 15:23

Hikuva ku tiarisa ku ringana ni ku hlahluva, ni vuphukuphuku byi fana ni ku tirhela swifaniso swa swikwembu ni titerafi. Leswi u cukumeteke rito ra Yehovha, u ku cukumetile na yena leswaku u nga ha vi hosi.”

Duteronoma 32:1

“N'wina matilo! Yingisani, ndzi ta vulavula; Na wena misava! Yingisa marito ya nomu wa mina!

Duteronoma 30:19

“Namuntlha ndzi vitana tilo ni misava, ti va timbhoni ta mina emahlweni ka n'wina, leswaku ndzi vekile emahlweni ka wena vutomi ni rifu, ku kateka ni ku rhukana; hlawula vutomi leswaku u hanya, wena ni vatukulu va wena,

Duteronoma 4:26

ndzi vitana namuntlha tilo ni misava, ti va timbhoni ta n'wina leswaku mi ta fa hi ku hatlisa etikweni leri mi nga ta ri fuma loko mi perile Yordani; masiku ya n'wina ma nga ka ma nga lehi kona, hikuva mi ta herisiwa kunene.

Yeremiya 4:4

Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

Yeremiya 4:14

Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

Yeremiya 6:18

Hikwalaho yingisani, n'wina matiko! Kutani wena nhlengeletano ya matiko u tiva leswi nga ta va humelela.

Yeremiya 11:11

“Hikwalaho, Yehovha u vula a ku: ‘Vonani, ndzi ta va humesela khombo leri va nga taka va nga poni eka rona; va ta huwelela eka mina, kambe ndzi nga ka ndzi nga va yingisi.

Yeremiya 15:6

U ndzi sukerile, ku vula Yehovha, kutani u tlherile hi le ndzhaku; hikwalaho ndzi tshalambuteke voko ra mina ehenhla ka wena, leswaku ndzi ku herisa: ndzi karhele ku ku tsetselela.

Yeremiya 19:3

u ku: ‘Yingisani rito ra Yehovha, n'wina tihosi ta Yuda ni vaaki va Yerusalema! Yehovha wa tinyimpi, Xikwembu xa Israele u vula a ku: “Langutani, ndzi ta tisa exivandleni lexi ku biha loku, un'wana ni un'wana la ku yingisaka, tindleve ta yena ti ta ku ntswunu,

Yeremiya 29:19

Hikuva a va yingisanga rito ra mina, ku vula Yehovha, loko ndzi ri karhi ndzi va rhumela malandza ya mina vaprofeta, ndzi va rhuma wa ha ri mixo, kambe a va yingisanga, ku vula Yehovha.’

Yeremiya 49:37

Ndzi ta rhurhumerisa Elamu emahlweni ka lava nga valala eka yena, ni le mahlweni ka lava lavaka vutomi bya vona; ndzi ta va humesela khombo, ku nga ku kariha loku hisaka ka mina, ku vula Yehovha; kutani ndzi va landzelela hi mafumu, ndzi ko ndzi va herisa.

Amosi 2:4

Yehovha u ri: “Hikwalaho ka milandzu, minharhu kumbe ya mune ya Yuda — ndzi nga ka ndzi nga hundzuki, hikuva va sorile nawu wa Yehovha, a va hlayisanga ku lerisa ka yena, va hambuxiwa hi mavunwa ya vona lawa vakokwa wa vona va nga famba ha wona,

Mikiya 1:2

N'wina vamatiko hinkwawo, yingisani! Rhiya ndleve, wee misava, ni hinkwaswo leswi nga eka wena! Hosi Yehovha a ve yena mbhoni ya n'wina yi ri Hosi leyi nga endlwini ya yona leyo kwetsima!

Esaya 5:24

Hikwalaho, tanihi malangavi ya ndzilo loko ma dya tinhlanga, ni loko ma wisa byanyi lebyi omeke, rimitsu ra vona ri ta fana ni leswi hehliweke, ni vulangi bya vona byi ta dzudzeka tanihi ntshuri, hikuva va cukumetile nawu wa Yehovha wa tinyimpi, va sandzile rito ra Mukwetsimi wa Israele.

Yeremiya 4:16

“Byelani matiko, mi tivisa Yerusalema: ‘Lava taka ku ta n'wi rhendzela va huma etikweni leri nga ekule; va huwelela ku ta lwa ni miti ya Yuda.

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Yeremiya 21:14

Ndzi ta mi ba hi ku ringana mitirho ya n'wina, ku vula Yehovha; ndzi ta pfurhisa ndzilo exihlahleni xa n'wina leswaku wu heta matlhelo hinkwawo.”

Daniele 9:11

Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.