Yeremiya 6:16 - Xitsonga (Bibele)

¹⁶ Yehovha u vula a ku: “Yimani etindleleni mi languta kutani mi vutisa tindlela ta khale; vutisani mi ku: ‘Ndlela leyo saseka hi yihi-ke?’ Kutani mi famba ha yona, mi ta kumela mimoya ya n'wina ku wisa. Kambe va hlamula, va ku: ‘Hi nga ka hi nga fambi kona.’

BIBELE Mahungu Lamanene

¹⁶ HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Yeremiya 6:16 Referans Kwoze

Esaya 30:21

Kutani tindleve ta wena ti ta twa rito endzhaku ka wena, ri ku: “Ndlela hi leyi, fambani ha yona,” mi nga yi hi ra xinene, kumbe hi ra ximatsi!

Yeremiya 18:15

Kambe tiko ra mina ri ndzi rivele va fambile va ya hisela swilo swahava magandzelo va hambukisiwile etindleleni ta vona ta khale va fambisiwa emitileni ya tindlela leti nga vandziwangiki;

Duteronoma 32:7

“Anakanya masiku ya khale; Tsundzukani malembe ya tixaka leti hundzeke, Vutisa tata wa wena, u ta ku dyondzisa, Ni vakulukumba va wena, va ta ku byela.

Yeremiya 7:23

kambe hi yona mhaka leyi ndzi va byeleke yona, ndzi ku: ‘Yingisani rito ra mina, kutani ndzi ta va Xikwembu xa n'wina, kambe n'wina mi va tiko ra mina, mi famba endleleni hinkwayo leyi ndzi nga ta mi lerisa yona, hilaha mi nga ta kateka.’

Vakolosa 2:6

Kutani sweswi, kukota leswi mi amukeleke Hosi Yesu Kriste, fambisani xisweswo eka yena;

Esaya 2:5

Yindlu ya Yakobo, tanani hi famba eku vonakaleni ka Yehovha!

Yohane 12:35

Kutani Yesu a ku eka vona: “Ma ha ri ni ku vonakala hi nkarhi wu nga ri wungani; Fambani loko ma ha ri ni ku vonakala, leswaku munyama wu nga ti mi kuma; hikuva la fambaka emunyameni, a nga tivi laha a yaka kona.

Yeremiya 18:12

Kambe va ku: ‘A swi pfuni! Hi ta famba hi ku tirhandzela ka hina, leswaku un'wana ni un'wana a endla hi ku nonon'hwa ka mbilu ya yena leyo biha.’

Yeremiya 22:21

Ndzi vulavule na wena eku tirhuleleni ka wena, kutani u ku: ‘Ndzi nga ka ndzi nga yingisi!’ Hi wona mukhuva wa wena we evuhlangini bya wena lowa ku: ‘A ku na ku yingisela rito ra mina.’

Yeremiya 44:16

“Loko ri ri rito leri u hi byeleke rona hi vito ra Yehovha, hi nga ka hi nga ku yingisi;

Vaheveru 11:2

Hikuva hakona, va khale va kumile vumbhoni lebyinene.

Yohane 13:17

Loko mi tiva timhaka teto, mi katekile loko mi ti endla.

Malakiya 4:4

“Tsundzukani nawu wa Muxe, nandza wa mina, lowu ndzi wu leriseke Vaisraele hinkwavo ha yena eHorebe, wu nga nawu ni ku lerisa.

Vaheveru 6:12

leswaku mi nga ti hundzuka lava lolohaka, kambe mi va valandzeri va lava kumaka ndzhaka ya ku tshembisiwa, hi ku pfumela ni ku leha ka mbilu.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Luka 16:29

Abrahama a ku eka yena: ‘Va ni Muxe ni vaprofeta; va nga va yingisa.’

Esaya 28:12

“La, i ndhawu ya ku wisa; tsetselelani lava karheleke, halenu i ku rhula!” Kambe ri arile ku twa.

Yohane 5:39

“Mi lavisisa Matsalwa, hikuva mi anakanya leswaku mi ta kuma vutomi lebyi nga heriki eka wona; kasi hi wona lama ndzi vulaka.

Timhaka 17:11

Vona va tlurisa Vatesalonika hi mafundza, va amukela rito hi ku hatlisa ngopfu, va kambela tibuku hi masiku hinkwawo, ku tiva leswaku timhaka ti tano xana.

Varhoma 4:12

ni leswaku a va tata wa lavo yimba na vona va nga ri lavo yimba ntsena, kambe va ri lava fambaka hi mitila ya ku pfumela, loku tata wa hina Abrahama ingi a ri na kona, loko a nga si yimba.

Yeremiya 2:25

Hiteka leswaku nenge wa wena wu nga fambi ntsena, ni nkolo wa wena wu nga omi, u ri karhi u vula leswaku ndzi rhandzile swikwembu swa vamatiko, kambe ndza ha ta swi landzela.

1 TIHOSI 8:36

Wena, yingisa u ri ematilweni, u rivalela malandza ya wena ni tiko ra wena ra Israele xidyoho xa vona, u va dyondzisa ndlela leyinene leyi va fanelaka ku famba ha yona, kutani u rhuma mpfula emisaveni leyi u yi nyikeke tiko ra wena ku va ndzhaka ya rona.

Pisalema 116:7

Moya wa mina, tlhelela eku wiseni ka wena, Hikuva Yehovha u ku katekisile.

Yeremiya 12:16

Kambe kungakuloko va dyondza swinene milawu ya tiko ra mina, leswaku va ta hlambanya hi vito ra mina, va ku: ‘Ha Yehovha la hanyaka,’ hi laha va dyondziseke tiko ra mina ku hlambanya ha Baali, ndzi ta va akisa xiharhi ka tiko ra mina.

Yeremiya 31:21

“U tiyimisela rihika, u titlhomela swikombandlela, langutisa ndlela ni mitila leyi u fambaka ha yona, vuya nhwanyana wa Israele, vuyela emitini leyi nga ya wena.

Yeremiya 42:3

leswaku Yehovha, Xikwembu xa wena, a hi kombisa ndlela leyi hi fanelaka ku famba ha yona, ni lexi hi fanelaka ku xi endla.”

Yeremiya 50:5

Va ta vutisa ndlela ya Siyoni, va langutisa mimombo ya vona kona: ‘Tanani, mi namarhela Yehovha hi ntwanano lowu nga heriki, lowu nga riki na ku rivariwa!’

Vaavanyisi 2:17

Na swona a va yingisangi vaavanyisi va vona, kambe va tinyiketa eka swikwembu swin'wana, va swi khinsamela, kutani va hatlisa ku hambuka endleleni leyi vatata wa vona va nga famba ha yona, loko va ri karhi va yingisa milawu ya Yehovha, kambe vona a va endlanga swona.

2 TIKRONIKA 19:11

Amariya, muprista lonkulu, u vekiwile ehenhla ka n'wina ku vulavula timhaka hinkwato ta Yehovha; na Zebadiya, n'wana Iximaele, hosana ya yindlu ya Yuda, u lerisiwile timhaka hinkwato ta hosi; kutani valanguteri lava nga ta mi pfuna, hi vona Valevhi. Tiyani timbilu, mi va mi tirha, kutani Yehovha u ta va ni munhu lonene!”

Esaya 46:9

Tsundzukani swilo leswi humeleleke khale; hikuva hi mina Xikwembu, a ku na xin'wana; ndzi Xikwembu, kutani a ku na loyi a fanaka na mina.

Esaya 57:2

A a nghene hi ku rhula, a wisa evutshan'weni bya yena la nga ta va a tamerile ndlela yo lulama!

Yeremiya 7:3

Yehovha wa tinyimpi, Xikwembu xa Israele u vula a ku: Hundzukani emitileni ya n'wina ni le emikhuveni ya n'wina kutani ndzi ta mi akisa exivandleni lexi.

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.