Yeremiya 6:10 - Xitsonga (Bibele)

¹⁰ Ndzi nga vita mani, kumbe ndzi nga vutisa mani, leswaku va ta yingisa? Langutani, ndleve ya vona a yi yimbanga, kutani va tsandzeka ku hlayisa timhaka, langutani, rito ra Yehovha ri hundzukile xisandzu exikarhi ka vona, a va ha titsakeri ha rona.

BIBELE Mahungu Lamanene

¹⁰ Ndzi hlamula ndzi ku: Xana ndzi ta vulavula na mani? I vamani lava nga ta yingisa loko ndzi va tsundzuxa xana? Vanhu lava a va na tindleve, ni ku twa a va ha twi. Rito ra wena we HOSI, va ri monya, a va na mhaka na rona.

Yeremiya 6:10 Referans Kwoze

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Yohane 7:7

Misava yi nga ka yi nga mi vengi, kambe mina ya ndzi venga hikuva ndzi vula vumbhoni leswaku mitirho ya yona yi bihile.

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.

Vaheveru 11:7

Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

Esaya 53:1

Ku pfumerile mani lexi hi nga byerisa xona, kutani voko ra Yehovha ri kombisiwe eka mani?

Eksoda 6:12

Kutani Muxe a vulavula emahlweni ka Yehovha, a ku: “Waswivo, vana va Israele a va ndzi yingisanga; na yena Faro a nga ndzi yingisisa ku yini, leswi ndzi nga ni xirimi?”

2 Timotiya 4:3

Hikuva ku ta humelela nkarhi lowu vanhu va nga taka va nga yingiseri dyondzo leyi hanyisaka; kambe hi ku navela ka vona, va ta tihlengeletela vafundhisi, va ri karhi va tiphumunha tindleve,

Vakolosa 1:28

Hi yena yeloyi hi n'wi vulaka, hi ri karhi hi pfuxa vanhu hinkwavo, hi dyondzisa vanhu hinkwavo eku tlhariheni hinkwako, hi ta humelerisa vanhu hinkwavo va nga lava hetisekeke eka Kriste.

Varhoma 7:22

Hikuva ndzi tsakela nawu wa Xikwembu hi munhu la nga exikarhi ka mina;

Timhaka 7:60

Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

Yohane 9:40

Vafarisi van'wana lava ngi va ri na yena kwalaho, kakuloko va twa mhaka leyi, va ku eka yena: “Na hina hi file mahlo xana?”

Luka 20:19

Kutani vaprista lavakulu ni vatsari, va lava ku n'wi khoma enkarhini wolowo, kambe va chava vunyingi; hikuva va swi twile leswaku u ringanise vona hi xifaniso lexi.

Luka 11:45

Kutani un'wana wa vadyondzisi va nawu a vulavula, a ku: “Mufundhisi hi ku vula sweswo, wa hi sandza na hina.”

Matewu 3:7

Kambe loko a vona Vafarisi ni Vasaduki lavo tala va ta eka yena eku khuvuriweni, a va byela, a ku: “Rixaka ra timhiri, i mani a nga mi kombisa ku balekela ku kariha loku taka?

Amosi 7:10

Kutani Amasiya, muprista wa Betele, a rhuma eka Yerobuwamu, hosi ya Israele, a ku: “Amosi u ku hundzukele exikarhi ka yindlu ya Israele; tiko ri nga ka ri nga koti ku yingisela marito ya yena hinkwawo.

Ezekiele 33:9

Kambe, loko u tsundzuxa mubihi endleleni ya yena leswaku a hundzuka, loko a nga hundzuki endleleni ya yena, u ta fela eku biheni ka yena; kambe wena u ta ponisa moya wa wena.

Ezekiele 33:3

Loko a vona fumu ri ta ehenhla ka tiko, a yimba mhalamhala, a tsundzuxa vanhu;

Yeremiya 4:4

Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

Pisalema 119:174

Yehovha, ndzi naverile ku hlayiseka ka wena, Kutani nawu wa wena i ku tsaka ka mina!

Pisalema 119:77

Ku tsetselela ka wena a ku ndzi tele, ndzi ta hanya! Hikuva nawu wa wena wa ndzi tsakisa.

Pisalema 119:70

Timbilu ta vona ti nonile, a va ha twi; Kambe mina ndzi titsakisa hi nawu wa wena.

Pisalema 119:35

Ndzi fambise hi ndlela ya swileriso swa wena, Hikuva ndza swi tsakela!

Pisalema 119:24

Switsundzuxo swa wena i ku tsaka ka mina, Ni vaanakanyisi va mina.

Pisalema 119:16

Ndzi titsakisa hi timfanelo ta wena, Kambe a ndzi rivali rito ra wena.

Pisalema 40:8

Xikwembu xanga, ndzi tsakela ku endla ku rhandza ka wena! Kutani nawu wa wena wu le mbilwini ya mina.”

Pisalema 1:2

Kambe a titsakela enawini wa Yehovha, A wu anakanya nhlekanhi ni vusiku.

Duteronoma 29:4

Kambe ku fika siku ra namuntlha Yehovha a nga mi nyikangi mbilu ya ku twisisa, ni mahlo ya ku vona, ni tindleve ta ku yingisa.

Yeremiya 5:21

‘Yingisani, n'wina tiko leri hungukeke, leri nga riki na ku anakanya, leri nga ni mahlo, kambe a ri voni, leri nga ni tindleve, kambe a ri twi.’

Yeremiya 9:26

Egipta, na Yuda, na Edomu, ni vana va Amoni, na Mowabu, hinkwavo lava byewulaka malebvu, lava akeke emananga: hikuva i matiko hinkwawo lama nga yimbangiki; kambe ni yindlu hinkwayo ya Israele a yi yimbisangi mbilu.”

Esaya 42:20

U vone swilo swo tala, kambe a ku swi xiyanga; tindleve a ti pfuriwa, kambe a ku twanga nchumu.”

Yeremiya 7:13

Kambe sweswi, leswi mi endleke sweswo hinkwaswo, ku vula Yehovha, kambe ndzi tshama ndzi vulavula na n'wina, ndzi ri karhi ndzi pfuka ka ha ri mixo ndzi va ndzi vulavula, kambe a mi yingisanga; kutani ndzi tshama ndzi mi vita, kambe a mi pfumelanga.

Yeremiya 35:13

“Ku vula Yehovha wa mavandla, Xikwembu xa Israele: Yana u byela vanhu va Yuda, ni vaaki va Yerusalema, u ku: Xana mi nga ka mi nga amukeli dyondzo, mi ta yingisa rito ra mina xana? Ku vula Yehovha.

Ezekiele 3:7

Kambe yindlu ya Israele yi nga ka yi nga ku yingisi, hikuva a va rhandzi ku ndzi yingisa, yindlu hinkwayo ya Israele yi ni tinhamu leti tiarisaka.