Yeremiya 51:9 - Xitsonga (Bibele)

⁹ Hi tshama hi ongola Babilona, kambe a nga hanyanga; a hi n'wi tshikeni, hi tifambela un'wana ni un'wana etikweni ra yena, hikuva ku avanyisa ka yena ku fike ematilweni, ku tlakukile ku fika emapapeni.

BIBELE Mahungu Lamanene

⁹ Valuveri va ri: “Hi ringetile ku horisa Babilona, kambe hi tsandzekile. A hi humeni hi famba, un'wana ni un'wana a kongoma etikweni ra rikwavo, hikuva HOSI Xikwembu xi bile muti lowu hi nkhavi lowo vava, lowukulu ngopfu.

Yeremiya 51:9 Referans Kwoze

Nhlavutelo 18:5

Hikuva swidyoho swa yena swi longolokile ku ya fika etilweni, kutani Xikwembu xi anakanyile ku homboloka ka yona.

Yeremiya 50:16

Mi herisa eBabilona varimi ni loyi a khomaka sikela enkarhini wa ku tshovela; emahlweni ka fumu leri onhaka, un'wana ni un'wana a a tlhelele etikweni ra rikwavo, un'wana ni un'wana a a tsutsumele etikweni ra yena.

Esaya 13:14

Va ta va tanihi mhala leyi hlongorisiwaka, tanihi nyimpfu leyi pfumalaka muhlayisi. Un'wana ni un'wana u ta kongoma ekarikwavo, a tsutsuma etikweni ra yena.

Yeremiya 46:16

Va tele lava tsekatsekaka, lava waka, un'wana u wela ehenhla ka un'wana va ku: ‘Pfuka, hi vuyela eka tiko ra rikwerhu, ni tiko leri hi nga tswariwa ka rona, hi chava tlhari leri dlayaka.’

Ezra 9:6

ndzi ku: “Oho! Xikwembu xa mina, ndzi tsanile hi tingana ku tlakusa mombo wanga eka wena, Xikwembu xa mina, hikuva swivi swa hina swi andzile ehenhla ka tinhloko ta hina, ni nandzu wa hina wu kurile ku fika ematilweni.

Yeremiya 46:21

Langutani vatatisi va yena va kotisa marhole lama nonisiweke, hikuva na vona va rhendzeleka, va baleka swin'we, a va yimi siku ra vona ra makhombo ri va tela, siku ro holoveriwa ra vona.

Yeremiya 8:20

“Ku tshovela ku hundzile, ku hundzile ni hlovo kutani hina a hi ponisiwanga.”

Esaya 47:15

Lava u tikarhateke swin'we na vona va tano, lava u bindzuleke na vona evuntshweni bya wena va baleka un'wana ni un'wana hitlhelo ra yena; muponisi wa wena ku hava!

2 TIKRONIKA 28:9

Muprofeta wa Yehovha a a ri kona, vito ra yena a a ri Odede, a huma ku ya hlangana ni nyimpi leyi tlhelaka eSamariya, a ku eka vona: “Maswivo, Yehovha, Xikwembu xa va tata wa n'wina, u karihele va Yuda, u va nyiketile emavokweni ya n'wina, mi va dlayile hi vukari, kutani mhaka leyi, yi fikile etilweni.

Nhlavutelo 18:4

Kutani ndzi twa rito rin'wana leri humaka etilweni, ri ku: “Sukani eka yena, n'wina va tiko ranga, leswaku mi nga tshuki mi nghena eku dyoheni ka yena, kutani mi nga ti weriwa hi makhombo ya yena.

Hosiya 7:13

Va ni khombo vona, hikuva va ndzi fularhela! Ku lahleka vona, hikuva va ndzi hundzukerile! Ndzi te ndza va kutsula, kambe vona va vulavula mavunwa ehenhla ka mina.