Yeremiya 51:7 - Xitsonga (Bibele)

⁷ Babilona a wu ri ndzheko wa nsuku evokweni ra Yehovha, lowu phyophyisaka matiko hinkwawo; matiko ma tshama ma nwa vhinyo ya yena; hikwalaho matiko ma ve ni rihuhu.

BIBELE Mahungu Lamanene

⁷ Muti wa Babilona a wu fana ni xinwelo xa nsuku evokweni ra HOSI Xikwembu: Misava hinkwayo yi nwele kona yi kondza yi pyopyiwa; matiko ma nwile vhinyo ya kona, kutani yi ma hlanganisile tinhloko.

Yeremiya 51:7 Referans Kwoze

Nhlavutelo 14:8

Kutani ntsumi yin'wana ya vumbirhi yi ku: “U wile, u wile, Babilona, muti lowukulu, hikuva u nwisile matiko hinkwawo vhinyo ya vukari bya vuoswi bya yena.”

Nhlavutelo 17:4

Wansati a a ambele xivunguvungu ni leswo tshwuka; a bombile hi nsuku, ni maribye ya nxavo wa nkoka ni tiperela; a tamele evokweni ra yena xinwelo xa nsuku lexi teleke manyala, ni thyaka ra vuoswi bya misava.

Nhlavutelo 18:3

Hikuva matiko hinkwawo ma nwile vhinyo ya ku kariha ka vuoswi bya yena, kutani tihosi ta misava ti oswanile na yena; ni vaxavisi va misava va fuwile hi vukulu bya xuma xa yena.”

Nhlavutelo 17:2

loyi tihosi ta misava ti oswaneke na yena, ni loyi lava akeke emisaveni va pyopyiweke hi vhinyo ya vuoswi bya yena.”

Daniele 2:32

Xifaniso lexi, a xi ri ni nhloko ya nsuku lowunene; xifuva ni mavoko ya xona a swi ri swa silivhere; khwiri ni tinyonga ta xona a swi ri swa koporo,

Nhlavutelo 19:2

hikuva ku avanyisa ka xona i ka ntiyiso, ku lulamile, hikuva xi avanyisile muoswi lonkulu loyi a nga borisa misava hi vuoswi bya yena, xi n'wi rihisele ngati ya malandza ya xona evokweni ra yena.”

Nhlavutelo 18:23

Ku vonakala ka mavoningo a ku nga ha voningi eka wena, ni rito ra muteki ni ra mutekiwa, a ri nga ha twakari eka wena; hikuva vaxavisi lava nga eka wena a va ri vakulukumba va misava, hikuva matiko hinkwawo ma hambukisiwile hi madambi ya wena.

Daniele 2:38

kutani hinkwako laha vana va vanhu, ni swiharhi swa nhova, ni tinyanyana ta le tilweni, va tiakeleke kona, xi va vekile emavokweni ya wena, xi ku endle hosi ya vona hinkwavo: Nhloko ya nsuku, hi wena.

Yeremiya 50:38

Dyandza a ri ve ehenhla ka mati ya yena; leswaku ma phya; hikuva i tiko ra swifaniso leswi vatliweke, kutani va huhela swikwembu swa vona.

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.

Esaya 14:4

mi ta tidzunisa ehenhla ka hosi ya Babilona hi risimu, mi ku:

Yeremiya 13:13

Loko swi ri tano, u nge eka vona: ‘Yehovha u ri: Vonani, vaaki hinkwavo va tiko leri, ni tihosi leti tshameke exiluvelweni xa Davhida, ni vaprista ni vaprofeta, ni vaaki hinkwavo va Yerusalema, ndzi ta va tata hi leswi pyopyisaka.

Ezekiele 23:42

Kutani kona a ku twakala rito ra vunyingi lebyi tshameke byi tiphina; kambe, exikarhi ka rixaka ra vanhu ta vitane lava ingi va pfa Saba emananga, lava va beleke masindza emavokweni, ni swihuku swa vukosi leswo saseka va va rhwexa etinhlokweni ta vona.