Yeremiya 51:6 - Xitsonga (Bibele)

⁶ Tsutsumani eBabilona, kutani un'wana ni un'wana a ponisa vutomi bya yena, leswaku mi nga lahleki hi ku homboloka ka yena, hikuva nkarhi wa ku rihisa ka Yehovha hi wona wolowo, u ta n'wi tlherisela hakelo.

BIBELE Mahungu Lamanene

⁶ Humani emutini wa Babilona, tiponiseni hinkwenu! Mi nga tshuki mi dlayiwa swin'we ni va le Babilona, hikuva lowu hi wona nkarhi wa HOSI wo tirihisela, yi rihiseta leswi endliweke emutini lowu.

Yeremiya 51:6 Referans Kwoze

Yeremiya 50:8

“Balekani eBabilona, ni le tikweni ra Vakalediya, mi va kukota swiphongo leswi rhangelaka ntlhambi emahlweni.

Yeremiya 50:28

Rito ra lava balekeke ni ra lava poneke etikweni ra Babilona ri twakala eSiyoni, vanhu va kona va byeriwa ku rihisa ka Yehovha Xikwembu xa hina, ku tirihisela tempele ya yena.

Yeremiya 50:15

Phalalani hinkwako, mi n'wi rhendzela! U tlakuse mavoko ya yena; masungulo ya yena ma tsekatseka, rirhangu ra mbundzuka, hikuva ku rihisa ka Yehovha ku fikile; mi tirihisela eka yena, hilaha a nga mi endla hakona n'wi endleni sweswo.

Yeremiya 51:45

“Humani ka wona, n'wina tiko ranga, un'wana ni un'wana a lamulela vutomi bya yena eku kariheni loku hisaka ka Yehovha.

Yeremiya 25:14

Hikuva, na vona va ta vekiwa ehansi ka matiko lamakulu, ni tihosi letikulu, kutani ndzi ta tlherisela eka vona hi ku endla ka vona ni mitirho ya mavoko ya vona.”

Tinhlayo 16:26

Kutani a byela nhlengeletano, a ku: “Kendlukelani mitsonga ya lavo biha lava, mi nga khumbi nchumu eka leswi nga swa vona, mi chava ku lova hikwalaho ka swidyoho; hinkwaswo swa vona.”

Nhlavutelo 16:19

Muti lowukulu wu avanyisiwa hi matlhelo manharhu; kutani miti ya matiko yi hirimuka; kambe Xikwembu xi anakanya Babilona lowukulu ku wu nwisa xinwelo xa vhinyo ya vukari lebyi hisaka bya xona.

1 Timotiya 5:22

U nga hatlisi ku tlhandleka mavoko ehenhla ka munhu; kambe u nga ngheni eku dyoheni ka van'wana; u tihlayisa u ri la tengeke.

Yeremiya 51:50

“N'wina mi balekeleke fumu, sukani, mi nga yimi; anakanyani Yehovha ma ha ri kule, kutani Yerusalema, a a ve etimbilwini ta n'wina.

Yeremiya 51:11

Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

Yeremiya 51:9

Hi tshama hi ongola Babilona, kambe a nga hanyanga; a hi n'wi tshikeni, hi tifambela un'wana ni un'wana etikweni ra yena, hikuva ku avanyisa ka yena ku fike ematilweni, ku tlakukile ku fika emapapeni.

Yeremiya 50:31

“Vona, ndzi ta eka wena, mutikukumuxi, ku vula Hosi, Yehovha wa tinyimpi, hikuva ri tile siku ra wena, nkarhi lowu ndzi ku holovelaka ha wona.

Esaya 48:20

Humani eBabele, balekani kule ni Vakalediya, mi ri karhi mi huwelela hi ku tsaka! Tivisani, vulavulani lerisani ku yisa makumu ya misava vulani mi nge: “Yehovha u kutsurile Yakobo, nandza wa yena,”

Yeremiya 46:10

“Kambe siku rero eka Hosi, Yehovha wa tinyimpi, i siku ro rihisa, ku tirihisela eka valala va yena! Fumu ri ta dya, ri xurha, ri pyopyiwa hi ngati ya vona; hikuva ku ni magandzelo ya Hosi, Yehovha wa tinyimpi, emisaveni ya n'walungu, enambyeni wa Yufrata.

Yeremiya 27:7

Matiko hinkwawo ma ta n'wi tirhela, yena, ni n'wana wa yena, ni vatukulu va yena, ku ko ku fika nkarhi lowu tiko ra yena ri nga ta tsongahatiwa hi matiko layo tala ni tihosi letikulu.

Yeremiya 25:16

leswaku ma ta nwa, ma tsekatseka, ma hlanya emahlweni ka matlhari lawa ndzi ma rhumelaka exikarhi ka wona.”

Swivuriso 13:20

La fambaka ni tintlhari u ta tlhariha, Kambe la tolovelaka swihunguki u ta onhaka.

Duteronoma 32:43

“N'wina matiko, yimbelelani hi ku tsaka kun'we ni tiko ra xona, Hikuva Xikwembu xi rihisela ngati ya malandza ya xona, Xi ta tirihisela ehenhla ka valala va xona Xi phahlela misava ya xona, ni tiko ra xona mhamba.”

Duteronoma 32:41

Loko ndzi ta lota rihati hi tlhari ra mina, Ni loko voko ra mina ri khoma ku avanyisa, Ndzi ta tirihisela henhla ka valala va mina, Ndzi ta hakela lava ndzi vengaka;

Duteronoma 32:25

Ehandle va ta dlawa hi tlhari, Endzeni, va ta fa hi nchavo: Jaha ri ta lova kukotisa wanhwanyana, La an'waka, kukota nkulukumba.

Esaya 63:4

Hikuva siku ra ku tirihisela a ri ri kona embilwini ya mina, kutani lembe ra vakutsuriwa va mina ri fikile.

Yeremiya 48:6

Tsutsumani mi hanyisa mimoya ya n'wina, mi kota swisiwana leswi hanyaka emananga.

Yeremiya 51:36

Hikwalaho ku vula Yehovha, a ku: “Vonani, ndzi ta ku yimelela ehubyeni kutani ndzi ta ku rihisela; ndzi ta omisa lwandle ra yena, ndzi phyisa xihlovo xa yena;

Yeremiya 51:56

Kunene muonhi u tele yena Babilona, kutani tinhenha ta yena ti khomiwile mavurha ya vona ma tshovekile; hikuva Yehovha i Xikwembu xa ku tirihisela, u ta hakela hi mfanelo.

Swirilo 3:64

“Yehovha, u ta hakela hi hakelo leyi ringanaka Mitirho ya mavoko ya vona,

Pisalema 94:1

Oho Yehovha, Xikwembu xa ku rihisela! Xikwembu xa ku rihisela, tivonakarise!