Yeremiya 51:57 - Xitsonga (Bibele)

⁵⁷ Ndzi pyopyisa tihosana ta yena, ni tintlhari ta yena, ni tindhuna ta yena, ni vafumi va yena, ni tinhenha ta yena; va ta etlela vurhongo lebyi nga heriki, kutani va nga ha ti tshama va pfuka, ku vula Hosi; Yehovha wa tinyimpi, i vito ra yena.

BIBELE Mahungu Lamanene

⁵⁷ HOSI Xikwembu xi ri: “Ndzi ta pyopyisa tindhuna ni tintlhari, varhangeri ni vafambisi va mavuthu ni tinhenha! Ndzi ta va etlerisa vurhongo lebyikulu, kutani a va nga ha xalamuki, ku vula mina Mufumi, HOSI ya matimba hinkwawo.

Yeremiya 51:57 Referans Kwoze

Yeremiya 46:18

Ndza hanya, ku vula Hosi leyi, Yehovha wa tinyimpi ri nga vito ra yona, leswaku kukota Taboro a nga exikarhi ka tintshava, kukota leswi Karmele a nghenaka elwandle, wa ta.

Yeremiya 48:15

Mowabu u onhakile, miti ya yena yi tlhandluka wu ri musi; lavantshwa, lava hlawuriweke va yena va xikela eku dlayiweni, ku vula loyi vito ra yena a nga Yehovha wa tinyimpi.

Yeremiya 25:27

“U ta va byela, u ku: ‘Ku vula Yehovha wa mavandla, Xikwembu xa Israele: Nwanani, mi pyopyiwa, mi hlanta, mi wa, mi nga ha pfuki emahlweni ka fumu leri ndzi ri rhumelaka exikarhi ka n'wina.’

Yeremiya 51:39

Kutakuloko va kufumela, ndzi ta va endlela nkhuvo, ndzi va pyopyisa, leswaku va ta tshuka, va kondza va ya etlela vurhongo lebyi nga heriki, va nga ha tlheli va pfuka, ku vula Yehovha.

Nhlavutelo 18:9

Kutani tihosi ta misava leti oswaneke na yena, leti hanyeke na yena eku titsakeleni, ti ta n'wi rilela, ti tiba swifuva loko ti vona musi wa ku tshwa ka yena,

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

Nahume 1:10

Hikuva hambi va phasetelanile kukotisa emitweni, va pyopyile hi swakunwa swa vona, va ta hisiwa hinkwavo ku fana ni mungu lowu omeke.

Esaya 37:36

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru nimixo, kuteloko va pfukile, maswivo a yi ri mitsumbu ntsena.

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Esaya 44:25

Ndzi endle ku bvumbha ka vangoma xilo xa hava, ndzi hlanyisa va bvumbhi, ndzi tlherisele ndzhaku tintlhari, ndzi hundzula vutlhari bya tona vuphukuphuku.

Yeremiya 13:13

Loko swi ri tano, u nge eka vona: ‘Yehovha u ri: Vonani, vaaki hinkwavo va tiko leri, ni tihosi leti tshameke exiluvelweni xa Davhida, ni vaprista ni vaprofeta, ni vaaki hinkwavo va Yerusalema, ndzi ta va tata hi leswi pyopyisaka.

Yeremiya 50:30

Hikwalaho majaha ya yena ma ta wa emitsendzeleni, ni tinhenha hinkwato ta yena ti ta hetiwa siku rero, ku vula Yehovha.

Ezekiele 20:33

Ndza hanya, ku vula Hosi Yehovha, hi xandla lexi nga ni matimba, ni voko leri tshalambutiweke, ni vukari lebyi chuluriweke, ndzi ta fuma ehenhla ka n'wina.

Nahume 3:18

Wena hosi ya Asiriya, varisi va wena va etlele; tinhenha ta wena ti sikamile; vanhu va wena va hangalake etintshaveni, a ku na loyi a va hlengeletaka!