Yeremiya 51:53 - Xitsonga (Bibele)

⁵³ Loko ngi Babilona a nga titlakusa etilweni, a va a nonon'hwisa khokholo leri tlakukeke ra yena, vaonhi lava humaka eka mina va ta n'wi kuma, ku vula Yehovha.

BIBELE Mahungu Lamanene

⁵³ Hambi vanhu va le Babilona va nga tikurisa va dliva ni tilo, hambi va nga tiyisa makhokholo ya vona etintshaveni, ndzi ta va rhumela vahlaseri va va herisa, ku vula mina HOSI.’ ”

Yeremiya 51:53 Referans Kwoze

Yeremiya 49:16

Ku tikukumuxa ka wena ni ku tikurisa ka mbilu ya wena, swi ku kanganyisile wena la akeke etinfeni ta maribye u tshamile etihlohlorhini ta switsunga, ni loko u nga aka yindlu ya wena ehenhla ngopfu, u kotisa gama, ndzi ta ku wisa kona, ku vula Yehovha.

Genesa 11:4

Va engeta va ku: “A hi yeni hi ya tiakela muti ni xihondzo, xihlungwa xa xona xi fika etilweni, hi tiendla vito, hi nga ti tshuka hi hangalasiwa ehenhla ka misava hinkwayo.”

Yeremiya 51:25

“Vona, ndzi ta eka wena, ntshava ya ku onhaka, ku vula Yehovha, wena la onhaka misava hinkwayo; ndzi ta tshambuluta voko ra mina ehenhla ka wena, ndzi ku wisa emaribyeni, kutani ndzi ku hundzula ntshava leyi hisiweke;

Amosi 9:4

Ni loko va ya evukhumbini, va byisiwa hi valala va vona, na kona, ndzi ta lerisa fumu leswaku ri va dlaya; ndzi ta va honokela hi mahlo ku va endla swo biha ku nga ri ku va endla swinene.”

Daniele 4:30

Kutani hosi yi vulavula, yi ku: “Xana a hi yena Babilona lonkulu, loyi ndzi n'wi akeke hi matimba ya mina lamakulu leswaku byi endla vuako bya hosi, a va a dzunisa vukulukumba bya mina xana?”

Yeremiya 51:58

“Yehovha wa tinyimpi u vula a ku: Rirhangu ra Babilona ra ku anama ri ta mbundzuxiwa, tinyangwa ta yena leti tlakukeke ti ta hisiwa hi ndzilo; matiko ma ta va ma tirhela swahava, ni vamatiko va tikarhatile hikwalaho ka ndzilo, kutani va hele timbilu.”

Yeremiya 51:48

Kutani matilo ni misava, ni hinkwaswo swa kona, swi ta endla pongo ro tsaka hi Babilona, hikuva vaonhi va ta n'wi tela va huma en'walungwini, ku vula Yehovha.

Yeremiya 51:11

Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

Yeremiya 50:45

“Hikwalaho, yingisani makungu ya Yehovha lawa a ma kaneleleke eBabilona, ni mianakanyo ya yena leyi a yi anakanyeleke tiko ra Kalediya: Kunene va ta va koka kukota leswitsanana swa ntlhambi, kunene u ta onha vuako bya vona swin'we na vona.

Yeremiya 50:25

Yehovha u pfurhile vuhlayiselo bya yena, u humesile kona matlhari ya ku kariha ka yena hikuva i Hosi, Yehovha wa tinyimpi la nga ni mhaka ni tiko ra Vakalediya.

Yeremiya 50:21

“Tlhandlukela etikweni ra vatiarisi, u ri hlasela, ni vaaki va rona, u va holovela; u va tsutsumela hi fumu u va nyiketa ku herisiwa, ku vula Yehovha; kutani u endla hinkwaswo leswi ndzi nga ku lerisa swona.

Esaya 47:7

U tshama u ku: “Ndzi ta fuma hi masiku!” A ku anakanyanga embilwini ya wena, a ku tsundzukanga leswaku swi ta hela.

Esaya 47:5

Tshamisa, u ku ntsee, u nghena emunyameni, nhwanyana wa Vakalediya! Hikuva va nga ka va nga ha ku vuri mufumi wa matiko.

Esaya 41:25

“Ndzi n'wi vitanile, a huma en'walungwini, kutani u ta hi le vuxeni, a khongela hi vito ra mina. U kandziyela va matimba endzhopeni, tanihi vumba lebyi muvumbi a byi kandziyelaka.

Esaya 13:17

Vonani, ndzi ta va kucetela Vameda, lava nga vuriki nchumu hi silivhere, lava nga rhandziki nsuku.

Ntirho 20:6

Hambi a nga kula, a ya fika etilweni, Ni loko nhloko ya yena yi fika emapapeni,

Yeremiya 51:56

Kunene muonhi u tele yena Babilona, kutani tinhenha ta yena ti khomiwile mavurha ya vona ma tshovekile; hikuva Yehovha i Xikwembu xa ku tirihisela, u ta hakela hi mfanelo.

Amosi 9:2

Hambi va nga boxa xivandla xa vafi va chavela kona, na kona voko ra mina ri ta va humesa; ni loko va nga tlhandlukela etilweni ndzi ta va xikisa kona.

Habakuku 2:9

U ni khombo la fuwelaka yindlu ya yena rifuwo lero biha, la vekaka vuako bya yena ehenhla, leswaku a tisirheleta khombo!