Yeremiya 51:5 - Xitsonga (Bibele)

⁵ Hikuva Israele na Yuda a va tshikiwanga hi Xikwembu xa vona, a nga Yehovha wa tinyimpi; kutani tiko ra Vakalediya ri tele milandzu emahlweni ka Mukwetsimi wa Israele.

BIBELE Mahungu Lamanene

⁵ hikuva tiko ra kona ri dyoherile Muhlawuleki wa Israele. Kasi Vaisraele ni va ka Yuda vona a va tshikiwanga hi HOSI ya matimba hinkwawo, Xikwembu xa vona.

Yeremiya 51:5 Referans Kwoze

Zakariya 12:8

“Hi siku rolero Yehovha u ta sirhela vaaki va Yerusalema; loko a ri loyi a nga riki na matimba exikarhi ka vona, esikwini rolero, u ta kotisa Davhida; yindlu ya Davhida vi va kukota Xikwembu, kukota ntsumi ya Yehovha emahlweni ka vona.

Zakariya 12:6

“Hi siku rolero ndzi ta endla tihosana ta Yuda ti va kukota xitiko xa ndzilo exikarhi ka tihunyi, ni xisana xa ndzilo exikarhi ka tinyandza, ti ta dya exineneni ni le ximatsini matiko hinkwawo ya le matlhelweni; loko a ri Yerusalema, u ta tshama exiteni xa yena eYerusalema.

Hosiya 4:1

Twanani rito ra Yehovha, n'wina vana va Israele! Hikuva Yehovha u tengisa vaaki va tiko, hikuva a ku na vunene, ni ku tsetselela, ni ku tiva Xikwembu etikweni.

Zakariya 2:12

Yehovha u ta fuma Yuda, yi va ndzhaka ya yena etikweni leri hlawuriweke u ta tihlawulela Yerusalema, kambe!”

Mikiya 7:20

U ta kombisa Yakobo vunene, na Abrahama tintswalo leti u nga ti hlayela vatatana hi ku hlambanya ka ha ri emikarhini ya khale.

Mikiya 7:18

Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

Hosiya 1:10

“Kambe vunyingi bya vana va Israele byi ta kotisa sava ra lwandle leri nga ringanisiwiki, ni loko ku ri ku hlayiwa; kutaku exivandleni lexo va nga byeriwa ka xona, leswaku ‘a mi vana va mina’, hi kona ku nga vuriwa leswaku: ‘Mi vana va Xikwembu lexi hanyaka.’

Ezekiele 9:9

A ku eka mina: “Ku homboloka ka yindlu ya Israele ni ya Yuda ku kurile ngopfu; tiko ri tele hi ngati, ni muti wu tele hi lunya, va ri: ‘Yehovha u fularhele tiko, Yehovha a nga voni nchumu.’

Ezekiele 8:17

A ku eka mina: “Xana u swi vonile, wena, n'wana wa munhu? Xana i xilo lexitsongo eka yindlu ya Yuda, manyala lawa va ma endlaka halenu? Va tatisa tiko hi vuhunguki bya vona, va nga tshiki ku ndzi pfuka hi byona. Vona, va tshineta rhavi etinhompfini ta vona!

Yeremiya 50:20

Emikarhini yoleyo, ni le nguveni yeleyo, ku vula Yehovha, ku ta laviwa ku homboloka ka Israele, kambe a ku nga ha vi kona, ni swidyoho swa Yuda kutani a swi nga ha kumiwi, hikuva ndzi ta khomela lava ndzi va siyeke.

Yeremiya 46:28

Wena u nga chavi nandza wanga, Yakobo, ku vula Yehovha, hikuva ndzi na wena; hikuva ndzi ta herisa matiko hinkwawo lawa ndzi ku hangalaseleke exikarhi ka wona; loko u ri wena ndzi nga ka ndzi nga ku herisi, ndzi ta ku holovela hi mpimo; hikuva ndzi tsandzeka ku ku tshika u nga layiwi.”

Yeremiya 31:37

Ku vula Yehovha: “Loko ku nga pimiwa matilo ya le henhla laha ma fikaka kona, ni masungulo ya misava ya le hansi laha ma helelaka kona, ndzi ta tshika rixaka hinkwaro ra Israele hikwalaho ka hinkwaswo leswi va swi endleke, ku vula Yehovha.”

Yeremiya 23:15

Hikwalaho, ku vula Yehovha wa mavandla ematshan'weni ya vaprofeta valavo: “Vonani, ndzi ta va dyisa absinta, ndzi va nwisa mati ya ku vavisa, hikuva ku sandza ku hume eka vaprofeta va Yerusalema, ku ya emahlweni ka tiko hinkwaro.”

Yeremiya 19:4

hikuva va ndzi tshikile, kutani va sandzile xivandla lexi, hikuva kona, mirhi ya risuna, va yi hisele swikwembu swin'wana leswi nga ka swi nga tiviwi hi vona, ni vatata wa vona, ni tihosi ta Yuda, kutani va tatile xivandla lexi hi ngati ya lava nga riki na nandzu;

Yeremiya 16:18

Kambe, eku sunguleni, ndzi ta va rihisela kambirhi ku homboloka ka vona ni ku dyoha ka vona, hikuva va nyamisile tiko ra mina hi manyala ya vona, kambe va tatile ndzhaka ya mina hi mitsumbu ya swikwembu swa vona leswi sandzekaka.”

Esaya 62:12

Va ta vuriwa tiko ro kwetsima, vakutsuriwa va Yehovha, kutani wena u ta thyiwa la laviwaka, muti lowu nga tshikiwiki.

Esaya 44:21

“Anakanya timhaka leti, wena Yakobo, na wena Israele! Hikuva u nandza wa mina, ndzi ku vumbile, u nandza wa mina, wena Israele, a ndzi nga ku rivali.

Pisalema 94:14

Hikuva Yehovha a nga ka a nga cukumeti tiko ra yena, A nga tshiki ndzhaka ya yena.

Ezra 9:9

Hikuva hi makhumbi kunene, kambe evukhumbini bya hina Xikwembu xa hina a xi hi tshikanga xi va xi hi kombisa tintswalo ta xona emahlweni ka tihosi ta Peresi, xi hi hanyisa, leswaku yindlu ya Xikwembu xa hina yi akiwa yi pfuxiwa erhumbini ra yona, hi ta nyikiwa rirhangu etikweni ra Yuda na Yerusalema.

1 SAMIELE 12:22

Hikuva Yehovha a nga ka a nga tshiki tiko ra yena hikwalaho ka vito ra yena lerikulu, hi leswi Yehovha a titsakeleke ku mi endla tiko ra yena.

2 TIHOSI 21:16

Kambe Manase a halata hi ku tala ngati leyi nga riki na nandzu a ko a tata Yerusalema, ha yona, ku sukela enyangweni yin'wana ku fikela yin'wana, ehandle ka xidyoho xa yena lexi a dyohiseke Yuda ha xona, hi ku endla leswo biha emahlweni ka Yehovha.

1 TIHOSI 6:13

kutani ndzi ta aka exikarhi ka vana va Israele, ndzi nga tshiki tiko ra mina ra Israele.”

Hosiya 4:2

Ka hlambanyiwa ka rhukaniwa, ka dlayiwa, ka yiviwa, ka oswiwa, ku pfukeriwa vanhu hi matimba, kambe ngati yi karhi ya halatiwa.

Esaya 51:15

Mina Yehovha, ndzi Xikwembu xa wena, lexi tlakusaka lwandle, magandlati ya rona ma boboma; Yehovha wa tinyimpi i vito ra yena.

Yeremiya 14:9

Xana u swi rhandza ha yini ku va munhu la hlamarisiwaka, kukotisa nhenha leyi tsandzekaka ku ponisa? Kambe wee Yehovha, u karhi u le xikarhi ka hina, ni vito ra wena ra karhi ra vuriwa ehenhla ka hina: U nga tshuki u hi tshika!”

Yeremiya 14:19

Xana Yuda, u n'wi tshikele makumu, kumbe mbilu ya wena yi korwile hi Siyoni xana? U hi bele yini, ku nga ri na ku hanyisiwa xana? Hi langutele ku rhula, kambe a hi voni ku rhula; ni nkarhi wa ku horisiwa, kambe ku chavisa ku kona.

Yeremiya 51:19

Loyi a nga ku avela eka Yakobo a nga fani na swona; hikuva hi loyi a vumbeke swilo hinkwaswo, kutani Israele i ku averiwa ka yena; Yehovha wa tinyimpi i vito ra yena.

Hosiya 2:1

“Vitanani vamakwenu ‘Ami’, (tiko ranga), ni vamakwenu va xisati, ‘Ruhama’, (Mutsetseleriwa).

Hosiya 2:3

Loko swi nga ri tano, ndzi ta n'wi tlomulela, a famba ntsena, ndzi n'wi endla tanihi siku leri a nga velekiwa ha rona, ndzi n'wi vita a va tanihi mananga, ndzi n'wi veka tanihi tiko leri omeke, ndzi n'wi dlaya hi torha.