Yeremiya 51:42 - Xitsonga (Bibele)

⁴² Lwandle ri tele Babilona, u funengetiwile hi ku pfuma ka magandlati ya rona.

BIBELE Mahungu Lamanene

⁴² Valala va tile kukota mati ya lwandle va wu funengeta, va ba huwa va wu khubumeta tanihi magandlati.

Yeremiya 51:42 Referans Kwoze

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Luka 21:25

“Masingita ma ta va kona edyambyini, ni le n'wetini, ni le tinyeletini, ni la emisaveni, vamatiko va ta xaniseka, va kanakana hikwalaho ka ku pfuma ka lwandle ni magandlati.

Yeremiya 51:55

Hikuva Yehovha u onha Babilona, wa herisa ka yena ku pfuma lokukulu, magandlati ya vona ma pfuma kutotisa mati lamakulu, ku pfuma ka wona ku twakala.

Pisalema 93:3

Oho Yehovha! Milambu yi tlakukile, Milambu yi tlakuse rito ra yona; Milambu yi pfumisa mati ya yona. Yehovha u ni matimba le tilweni ra le henhlahenhla,

Pisalema 65:7

U miyeta ku pfuma ka malwandle, Ni ku pfuma ka magandlati ya wona, Ni pongo ra matiko.

Pisalema 42:7

Xidziva xi vitana xidziva xin'wana hi mpfumawulo wa maboboma ya wena. Magandlati ni maboboma hinkwawo ya wena ma hundzile henhla ka mina.

Pisalema 18:16

A tshambuluta voko a ri ehenhla a ndzi khoma, A ndzi humesa ematini lamakulu.

Pisalema 18:4

Tinsinga ta rifu a ti ndzi rhendzele, Ni maboboma lama onhaka a ma ndzi tshukisile;

Esaya 21:1

Tanihi swidzedze swa dzonga leswi hungaka emananga, wa ta, u huma emisaveni leyi chavisaka.

Ezekiele 26:3

Hikwalaho, Hosi Yehovha u ri: Vona, ndzi ta ku hundzukela, wena Tiri, ndzi ku tumbuluxela matiko lamanyingi, kukotisa lwandle hilaha ri humesaka magandlati ya rona hakona.

Daniele 11:10

“Kambe vana va yena va ta sungula ku lwa, va hlengeleta mavandla layo tala ngopfu; un'wana wa vona u ta fika a tata hinkwako, a tlhela a vuya, a tiyisa ku sivetela khokholo.

Daniele 7:2

Kutani a tsala norho lowu, a tivisa tinhloko ta wona. Daniele a sungula, a ku: “A ndzi languta enorhweni wa mina wa vusiku, kutani ndzi vona timheho leta mune ta le tilweni ti pfuka hi matimba ehenhla ka Lwandle Lerikulu.