Yeremiya 51:2 - Xitsonga (Bibele)

² kutani ndzi ta nyiketa Babilona emavokweni ya vamatiko, va ta n'wi hlungula, va hluvula tiko, ri sala ntsena; hikuva va ta n'wi rhendzela hi matlhelo hinkwawo hi siku ra khombo.

BIBELE Mahungu Lamanene

² Ndzi ta rhumela valala ku hlunguhla va le Babilona, va va cukumeta kule ni tiko ra vona, ri sala ri nga ha ri na munhu. Loko siku leri ra khombo ri fika, va ta hlaseriwa hi matlhelo hinkwawo.”

Yeremiya 51:2 Referans Kwoze

Matewu 3:12

Rihlelo ra yena ri le vokweni ra yena, kutani u ta kukula swinenenene xivuya xa yena, u ta hlengeleta mavele ya yena enguleni, mungu, wona, u ta wu hisa endzilweni lowu nga timekiki.”

Yeremiya 15:7

Ndzi ta va hlunguhla hi xihlungulo etinyangweni ta misava; ndzi dlaya lavantshwa va tiko ra mina, na rona ndza ri lovisa, hikuva a va tisori emikhuveni ya vona.

Esaya 41:16

u ta swi hlela, moya wu va wu swi susa, kutani xihuhuri xi swi hangalasa; kambe wena u ta titsakela eka Yehovha, u ta tidzunisa eka Muhlawuleki wa Israele.

Ezekiele 5:12

Ku avanyisa ka vunharhu ka vaaki va n'wina ku ta lova hi ntungu ni ndlala; ni ku avanyisa kun'wana ka vunharhu ku ta lova hi tlhari ekusuhi na wena, kutani ku avanyisa ka vunharhu kun'wana, ndzi ta ku hangalasa hi matlhelo hinkwawo, ndzi va hlongorisa hi tlhari.

Yeremiya 50:32

Mutikukumuxi wa dedeleka, u ta wa, kutani a ku na munhu la nga ta n'wi pfuxa; ndzi ta tshivela ndzilo emitini ya yena, wu ta herisa matlhelo ya yena hinkwawo.

Yeremiya 50:29

“Vitanani Babilona, vuvutelani hinkwavo lava copaka hi vurha; mi n'wi rhendzela ku nga poni nchumu; mi tlherisela eka yena hi ku endla ka yena, hinkwaswo leswi a swi endleke, n'wi endleni sweswo, hikuva u tiarisile eka Yehovha, Mukwetsimi wa Israele.

Esaya 43:14

Yehovha Mukutsuri wa n'wina, Muhlawuleki wa Israele u vula sweswo, a ku: “Hikwalaho ka n'wina ndzi rhumile nala ku hlasela Babilona, ndzi va balekisa hinkwavo, hambi va ri Vakalediya emabyatsweni lawa va nga tidzunisa ha wona.