Yeremiya 51:13 - Xitsonga (Bibele)

¹³ Wena la akeke ekusuhi ni mati lamakulu, la teleke xuma, makumu ya wena ma fikile, ni vukhamba bya wena byi ta hela.

BIBELE Mahungu Lamanene

¹³ We Babilona, wena u tshameke eribuweni ra nambu lowukulu, u fuwile ngopfu! Kambe vutomi bya wena bya hela, byi tsemiwa kukotisa ngoti.

Yeremiya 51:13 Referans Kwoze

Nhlavutelo 17:1

Ntsumi yin'wana ya leta ntlhanu na timbirhi leti tameleke swimbitana swa ntlhanu na swimbirhi yi ta, yi vulavula na mina, yi ku: “Tana, ndzi ta ku kombisa ku avanyisiwa ka muoswi lonkulu, la tshamiseke ehenhla ka mati layo tala,

Nhlavutelo 17:15

Kutani a ku eka mina: “Mati lawa u ma voneke, lawa muoswi a tshamiseke eka wona, i swivongo, ni vunyingi, ni matiko, ni tindzimi.

Esaya 45:3

ndzi ta ku nyika rifuwo leri fihliweke, ni xuma lexi nga exihundleni, u ta tiva leswaku hi mina Yehovha Xikwembu xa Israele la ku vitaneke hi vito ra wena.

Yeremiya 51:36

Hikwalaho ku vula Yehovha, a ku: “Vonani, ndzi ta ku yimelela ehubyeni kutani ndzi ta ku rihisela; ndzi ta omisa lwandle ra yena, ndzi phyisa xihlovo xa yena;

Genesa 6:13

Kavaloko Xikwembu xi byela Nowa, xi ku: “Makumu ya nyama yin'wana ni yin'wana ya fikile emahlweni ka mina, hikuva va tate misava hi mona; kutani sweswi, ndzi ta va lovisa swin'we ni misava.

Nhlavutelo 18:19

Kutani va tichela ntshuri etinhlokweni, va huwelela, va rila, va kolola, va ku: “Yo, yo, muti lowukulu, lowu, lava nga ni tingalava elwandle va nga fuwa hi rifuwo lerikulu ra wona, hi nkarhi wu ri wun'we, wu onhiwile!

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

1 Petro 4:7

Kambe ku hela ka hinkwaswo ku kusuhi; tlharihani hakona, mi hiteka eku khongeleni.

Amosi 8:2

A ku eka mina: “U vona yini Amosi?” Ndzi ku: “Ndzi vona xirhundzu lexi teleke mihandzu leyi vupfeke.” Kutani Yehovha a ku eka mina: “Ku hela ka tiko ra mina ra Israele ku fikile, a ndzi nga ha tshami ndzi va rivalela.

Daniele 5:26

“Nhlamuselo ya marito lawa hi yoleyi: Mene (ku hlayiwa), hileswaku Xikwembu xi hlayile ku fuma ka wena, xi ku tsemile.

Swirilo 4:18

A va xiya ku famba ka hina Leswaku hi nga tshuki hi famba etimbaleni ta ka hina; Ku hela ka hina ku kusuhi; masiku ya hina ma herile; Hikuva sweswi, ku fikile ku hela ka hina.

Yeremiya 50:37

Fumu a ri ve ehenhla ka tihanci ta yena, ni le henhla ka tigolonyi ta yena, ni le henhla ka valuveri hinkwavo lava nga exikarhi ka yena, va ta hundzuka vavasati! Fumu a ri ve ehenhla ka xuma xa yena, leswaku xi ta tekiwa!

Yeremiya 50:31

“Vona, ndzi ta eka wena, mutikukumuxi, ku vula Hosi, Yehovha wa tinyimpi, hikuva ri tile siku ra wena, nkarhi lowu ndzi ku holovelaka ha wona.

Yeremiya 50:27

Tlhavani tinkunzi hinkwato ta vona ti xikiseleni eku dlaweni. Ku ni khombo vona hikuva ku tile siku ra vona, nkarhi wo holoveriwa ka vona.

Yeremiya 17:11

Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Esaya 43:14

Yehovha Mukutsuri wa n'wina, Muhlawuleki wa Israele u vula sweswo, a ku: “Hikwalaho ka n'wina ndzi rhumile nala ku hlasela Babilona, ndzi va balekisa hinkwavo, hambi va ri Vakalediya emabyatsweni lawa va nga tidzunisa ha wona.

Esaya 57:17

Hikwalaho ka ku navela loku nga ni nandzu, ndzi karihile kutani ndzi n'wi bile, ndzi va ndzi tifihla evukarini bya mina; kutani la tiarisaka u landzile ndlela ya mbilu ya yena.

Pisalema 137:1

Etimbuweni ta milambu ya Babilona, A hi tshama hi rila loko hi tsundzuka Siyoni.