Yeremiya 51:11 - Xitsonga (Bibele)

¹¹ Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

BIBELE Mahungu Lamanene

¹¹ HOSI Xikwembu xi rhamba tihosi ta Vameda, xi ti tiyisa, hikuva xi ni makungu ya ku tirihisela hi ku herisa muti wa Babilona, xi rihiseta eka lava hiseke Tempele ya xona. Hikokwalaho ku twala xileriso lexi nge: “Lotani miseve, mi khoma ni switlhangu!

Yeremiya 51:11 Referans Kwoze

Yeremiya 46:4

Bohani tihanci, mi khandziyisa vakhandziyi; yimani hi mixanxa vangamisani matlhari, ambalani swisirhelo swa swifuva.

Yeremiya 50:45

“Hikwalaho, yingisani makungu ya Yehovha lawa a ma kaneleleke eBabilona, ni mianakanyo ya yena leyi a yi anakanyeleke tiko ra Kalediya: Kunene va ta va koka kukota leswitsanana swa ntlhambi, kunene u ta onha vuako bya vona swin'we na vona.

Yeremiya 50:9

Hikuva ndzi ta pfuxa, ndzi humesela Babilona nhlengeletano ya matiko lamakulu ya le misaveni ya n'walungu, kutani va ta n'wi phalalela; ku va kona a khomiwaka. Miseve ya vona yi kotisa ya tinhenha leto tlhariha, ti nga ka ti nga vuyi mahala.

Yeremiya 46:9

Khandziyani tihanci! Tigolonyi, tsutsumani hi matsamba! Tinhenha a ti rhange emahlweni; Vakuxi ni Vaputu lava tamelaka switlhangu, ni Valudu lava khomaka mavurha!

Zakariya 14:12

Hi rona khombo leri Yehovha a nga ta ba matiko hinkwawo lama hlaseleke Yerusalema: Nyama ya vona yi ta bola va ri karhi va yimile hi milenge ya vona, mahlo ya vona ma ta bola emakheleni ya wona, ni tindzimi ta vona emilon'wini ya vona.

Zakariya 14:2

Hikuva ndzi ta hlengeleta matiko hinkwawo ku lwa na Yerusalema; muti wu ta ngheniwa, ku ta phangiwa tindlu vavasati va ta pfinyiwa va etleriwa, hafu yin'wana ya muti yi yisiwa evukhumbini; kambe lava seleke va tiko a va nga susiwi emutini.

Yeremiya 51:35

Ku xanisiwa koloko ka mina ni nyama ya mina leyi handzuriweke, a swi ve ehenhla ka Babilona,” ku ta vula muaki wa Siyoni; “Ngati ya mina a yi ve ehenhla ka vaaki va Kalediya,” ku ta vula Yerusalema.

Yeremiya 51:24

Kambe ndzi ta tlherisela Babilona ni vaaki hinkwavo va Kalediya swo biha hinkwaswo swa vona leswi va swi endleke Siyoni emahlweni ka n'wina, ku vula Yehovha.

Yeremiya 51:12

Yimiselani rirhangu ra Babilona mujeko, tiyisani valanguteri, vekani tindzaveti, mi lunghisa marindzi! Hikuva Yehovha, na yena, u kanerile, kutani a ri karhi a endla leswi a swi vuleke hikwalaho ka vaaki va Babilona.

Yeremiya 50:25

Yehovha u pfurhile vuhlayiselo bya yena, u humesile kona matlhari ya ku kariha ka yena hikuva i Hosi, Yehovha wa tinyimpi la nga ni mhaka ni tiko ra Vakalediya.

Esaya 46:11

Ndzi vitana gama hi le vuxeni, ni munhu la nga ta endla ku rhandza ka mina le tikweni leri nga ekule. Hilaha ndzi vuleke hakona, ndzi ta endlisa sweswo; ndzi kanerile mhaka, ndzi ta yi hetisa.

Esaya 45:5

Hi mina Yehovha, ku hava un'wana; ehandle ka mina, ku hava Xikwembu. Ndzi ku tsimbile loko u nga si ndzi tiva,

Esaya 45:1

“Yehovha u vule sweswo eka muhlawuriwa wa yena, eka Korexe, loyi ndzi n'wi tekeke hi voko ra xinene, leswaku a wisa emahlweni ka yena matiko, a tshunxa vamba ra tihosi, a pfuleriwa tinyangwa, ti nga pfariwi; u ri:

Esaya 41:25

“Ndzi n'wi vitanile, a huma en'walungwini, kutani u ta hi le vuxeni, a khongela hi vito ra mina. U kandziyela va matimba endzhopeni, tanihi vumba lebyi muvumbi a byi kandziyelaka.

Esaya 21:5

Swakudya swi vekiwile etafuleni, mulanguteri wa langutela, va dya, va nwa! Sukani mi yima, n'wina tindhuna! Totani switlhangu!

Esaya 21:2

Ndzi kombiwile leswi chavisaka ngopfu: Muxanisi u tirha hi ku xanisa ka yena, muphangi wa phanga! Tlhandluka Elamu! Rhendzela, wee Mediya! Ndzi herisa ku konya hinkwako!

Esaya 10:26

Yehovha wa tinyimpi u ta tlakusa nkharisa ehenhla ka Asiriya, tanihi leswi a nga endla Midiyani, eribyeni ra Orebe; u ta tlakusa nhonga ehenhla ka lwandle tanihi leswi a swi endleke eEgipta khale!

Ezra 1:1

Hi lembe ro sungula ra Korexe, hosi ya Peresi, hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena hi mukhosi ni matsalwa mhaka leyi nge:

2 TIKRONIKA 36:22

Hi lembe ro sungula ra Korexe, hosi ya Peresi hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena, hi mukhosi ni matsalwa mhaka leyi nge:

1 TIKRONIKA 5:26

Xikwembu xa Israele xi kucetela moya wa Pulu, hosi ya Asiriya, ni moya wa Tiglata-Pilezere hosi ya Asiriya, kutani a yisa evukhumbini va Rhuveni, ni va Gadi ni va hafu ya nyimba ya Manase, a va yisa eHala na le Habori na le Hara, ni le nambyeni wa Gozana, laha va akeke kona ku fika namuntlha.

1 TIHOSI 11:23

Xikwembu xi pfuxela kambe Solomoni ku va nala wa yena, Rezoni n'wana Eliyada, la balekeleke n'wini wa yena Hadadi-Esere, hosi ya Soba.

1 TIHOSI 11:14

Yehovha a pfuxela Solomoni ku va nala wa yena, Hadadi, wa Edomu, la ngi a ri wa rixaka ra tihosi ta Edomu.

Levhitika 26:25

Ndzi ta rhumela ehenhla ka n'wina matlhari yo rihisela ntwanano wa mina; kutani, kutakuloko mi hlengeletanile emitini ya n'wina, ndzi ta rhuma ntungu exikarhi ka n'wina kutani mi ta nyiketiwa emavokweni ya nala.

Yeremiya 25:25

ni tihosi hinkwato ta Zimri, ni tihosi hinkwato ta Elamu, ni tihosi hinkwato ta Mediya;

Yeremiya 46:3

“Lunghisani switlhangu ni switlhangunyana mi tshinelela eku lweni!

Yeremiya 50:3

Hikuva tiko leri humaka en'walungwini, ri humele eka rona ku endla tiko ra kona emananga, leswaku ku nga vi na muaki eka rona; hambi va ri vanhu ni tihomu, va chavile va sukile.

Yeremiya 51:36

Hikwalaho ku vula Yehovha, a ku: “Vonani, ndzi ta ku yimelela ehubyeni kutani ndzi ta ku rihisela; ndzi ta omisa lwandle ra yena, ndzi phyisa xihlovo xa yena;

Daniele 5:30

Hi byona vusiku byebyo, Belxatsara, hosi ya Vakalediya, a dlawa.

Yuwele 3:9

Banani nkosi exikarhi ka matiko leswaku va hloma, va pfuxa tinhenha! A va te, a va tshinele, vavanuna hinkwavo va nyimpi!

Yuwele 3:10

Fulani ma banga hi swikomu swa n'wina; hi mikwana ya n'wina mi fula matlhari! La tsaneke a nge: “Ndzi nhenha!”