Yeremiya 51:10 - Xitsonga (Bibele)

¹⁰ Yehovha u vonakisile ku lulama ka hina; tanani, hi byela Siyoni mitirho ya Yehovha, Xikwembu xa hina.

BIBELE Mahungu Lamanene

¹⁰ HOSI Xikwembu xa hina xi hi lamulerile, a hi yeni hi ya tivisa van'wana eSiyoni leswi xi hi endleleke swona!”

Yeremiya 51:10 Referans Kwoze

Yeremiya 50:28

Rito ra lava balekeke ni ra lava poneke etikweni ra Babilona ri twakala eSiyoni, vanhu va kona va byeriwa ku rihisa ka Yehovha Xikwembu xa hina, ku tirihisela tempele ya yena.

Pisalema 37:6

U ta humesa ku lulama ka wena kukota ku vonakala, Ni ku tenga ka wena kukotisa nhlekanhi.

Esaya 51:11

Vakutsuriwa va Yehovha va ta tlhela va nghena eSiyoni hi tinsimu ta ku tsaka; ku tsaka loku nga heriki ku ta va etinhlokweni ta vona, ku tsaka ni ku tsakisisa swi ta tshama na vona; ku vaviseka ni mikosi swi ta va balekela.

Esaya 40:2

Vulavulani swa mbilu ya Yerusalema, mi n'wi tivisa leswaku vukhumbi bya yena byi herile, ni leswaku ku dyoha ka yena ku rivaleriwile, kambe u rihiwile kambirhi hi voko ra Yehovha swidyoho swa yena hinkwaswo!

Pisalema 9:14

Leswaku ndzi twarisa tinsimu ta wena hinkwato, Etinyangweni ta wanhwanyana wa Siyoni, Kutani ndzi ta tsakela ku hlayiseka ka wena.

Pisalema 64:9

Vanhu hinkwavo va khomiwa hi ku chava, Va vula mitirho ya Xikwembu, va anakanya leswi xi swi endleke,

Yeremiya 50:45

“Hikwalaho, yingisani makungu ya Yehovha lawa a ma kaneleleke eBabilona, ni mianakanyo ya yena leyi a yi anakanyeleke tiko ra Kalediya: Kunene va ta va koka kukota leswitsanana swa ntlhambi, kunene u ta onha vuako bya vona swin'we na vona.

Pisalema 66:16

Tanani, yingisani n'wina hinkwenu lava chavaka Xikwembu, Ndzi ta vula leswi xi swi endleleke moya wa mina.

Pisalema 118:17

Ndzi nga ka ndzi nga fi, ndzi ta hanya, Kutani ndzi ta vula swiendlo swa Yehovha.

Esaya 24:14

Va ta tlakusa marito ya vona, va ta ba mikulungwana ya ku tsaka; lava nga ekusuhi ni lwandle va ta khanela vuhosi bya Yehovha va ku: