Yeremiya 50:9 - Xitsonga (Bibele)

⁹ Hikuva ndzi ta pfuxa, ndzi humesela Babilona nhlengeletano ya matiko lamakulu ya le misaveni ya n'walungu, kutani va ta n'wi phalalela; ku va kona a khomiwaka. Miseve ya vona yi kotisa ya tinhenha leto tlhariha, ti nga ka ti nga vuyi mahala.

BIBELE Mahungu Lamanene

⁹ Mina HOSI ndzi le ku tiseni ka ntlawa lowukulu wa vanhu lava humaka ematikweni ya le n'walungwini; va ta ta va xaxamerile, va lwa ni muti wa Babilona va wu teka. Miseve ya vona a yi hupi ni siku ni rin'we, tinhenha ta vona a ti vuyi ximandla-mandla!

Yeremiya 50:9 Referans Kwoze

Yeremiya 51:11

Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

Yeremiya 50:29

“Vitanani Babilona, vuvutelani hinkwavo lava copaka hi vurha; mi n'wi rhendzela ku nga poni nchumu; mi tlherisela eka yena hi ku endla ka yena, hinkwaswo leswi a swi endleke, n'wi endleni sweswo, hikuva u tiarisile eka Yehovha, Mukwetsimi wa Israele.

Yeremiya 50:26

Nghenani kona ematlhelweni hinkwawo, pfulani switlati swa yena, mi hlengeleta, mi kotisa nhulu ya tinyandza, mi n'wi nyiketa ndzhukano, mi nga n'wi siyeri nchumu.

Yeremiya 50:21

“Tlhandlukela etikweni ra vatiarisi, u ri hlasela, ni vaaki va rona, u va holovela; u va tsutsumela hi fumu u va nyiketa ku herisiwa, ku vula Yehovha; kutani u endla hinkwaswo leswi ndzi nga ku lerisa swona.

Yeremiya 50:14

“Yimani emahlweni ka Babilona hi nyimpi, mi n'wi rhendzela, hi n'wina lava copaka hi vurha: copani, mi nga tsoneni miseve, hikuva u dyohele Yehovha!

Yeremiya 50:3

Hikuva tiko leri humaka en'walungwini, ri humele eka rona ku endla tiko ra kona emananga, leswaku ku nga vi na muaki eka rona; hambi va ri vanhu ni tihomu, va chavile va sukile.

Yeremiya 15:14

Kambe ndzi ta va heta kun'we ni lava nga valala va wena etikweni leri u nga ri tiviki, hikuva ndzilo wu pfurhile eku kariheni ka mina, wu mi pfurhelile.”

Esaya 41:25

“Ndzi n'wi vitanile, a huma en'walungwini, kutani u ta hi le vuxeni, a khongela hi vito ra mina. U kandziyela va matimba endzhopeni, tanihi vumba lebyi muvumbi a byi kandziyelaka.

Esaya 21:2

Ndzi kombiwile leswi chavisaka ngopfu: Muxanisi u tirha hi ku xanisa ka yena, muphangi wa phanga! Tlhandluka Elamu! Rhendzela, wee Mediya! Ndzi herisa ku konya hinkwako!

2 SAMIELE 1:22

Vurha bya Yonatani a byi tlhelanga endzhaku Emahlweni ka ngati ya lava tlhaviweke, Emahlweni ka mafurha ya tinhenha; Ni banga ra Sawulo a ri tlhelanga ntsena.

Risimu ra Tinsimu 3:8

Hinkwavo va tamela matlhari, Va nga lava lulameleke hi ku lwa; Hinkwavo va ni matlhari ya vona eswifungheni swa vona Hikwalaho ka ku chava nivusiku.

Yeremiya 25:14

Hikuva, na vona va ta vekiwa ehansi ka matiko lamakulu, ni tihosi letikulu, kutani ndzi ta tlherisela eka vona hi ku endla ka vona ni mitirho ya mavoko ya vona.”

Yeremiya 25:26

ni tihosi hinkwato ta n'walungu, leti nga ekusuhi, ni ta le kule, un'wana ni un'wana, ni ku fuma hinkwako ka misava eku anameni ka yona, kutani hosi ya Xexaka (Babilona) yi ta nwa endzhaku ka vona.