Yeremiya 50:6 - Xitsonga (Bibele)

⁶ “Tiko ra mina a ri kotisa ntlhambi wa tinyimpfu leti lahlekeke, varisi va tona a va ti hambuxa, va ti fambisa etintshaveni ni le switsungeni, ti kondza ti rivala tshanga ra tona.

BIBELE Mahungu Lamanene

⁶ Vanhu va mina i tinyimpfu leti lahlekeke, varisi va tona va ti lahlile etintshaveni; ti le ku pepetsekeni emagangeni, tshanga ra tona a ta ha ri tivi.

Yeremiya 50:6 Referans Kwoze

Esaya 53:6

Hinkwerhu a hi pepetseka tanihi tinyimpfu, a hi famba un'wana ni un'wana endleleni ya yena, kutani Yehovha u n'wi rhwexile ku dyoha ka hina hinkwerhu.

Matewu 9:36

Kuteloko a vone mitshungu, a yi twela vusiwana hikuva a va karhele, a va hangalakile va kota tinyimpfu leti nga riki na murisi.

Matewu 10:6

kambe mi ya eka tinyimpfu leti lahlekeke ta yindlu ya Israele.

Ezekiele 34:14

Ndzi ta ti risela evudyelweni lebyinene, ti va ti tshama etintshaveni leto tlakuka ta Israele; kona ti ta etlela evuriselweni lebyinene, ni le vudyelweni lebyi noneke, etintshaveni ta Israele.

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Pisalema 119:176

Ndzi ri karhi ndza tsendzeleka ku fana ni nyimpfu leyi lahlekeke: Lava nandza wa wena, hikuva a ndzi rivali ku lerisa ka wena.

Yeremiya 50:19

Ndzi ta tlherisela Israele evuakweni bya yena: u ta kuma vudyelo Karmele ni le Baxani, kutani moya wa yena wu ta xurha, ni le ntshaveni ya Efrayimi ni le Giliyadi.

Yeremiya 3:6

Emikarhini ya Hosi Yosiya, Yehovha a ku eka mina: “Xana u vonile lexi Israele muhundzuki a xi endleke? U fambile etintshaveni hinkwato leti tlakukeke, ni le hansi ka mirhi hinkwayo leyi nga ni matluka, a ri karhi a oswana kona.

Pisalema 116:7

Moya wa mina, tlhelela eku wiseni ka wena, Hikuva Yehovha u ku katekisile.

Pisalema 91:1

La tshamaka exihundleni xa Loyi a nga henhlahenhla, U wisa endzhutini wa La nga ni matimba hinkwawo.

1 Petro 2:25

Hikuva a mi fana ni tinyimpfu leti lahlekeke, kambe sweswi, mi tlhele mi hundzukela eka murisi ni mulanguteri wa mimoya ya n'wina.

Matewu 15:24

Yena a hlamula, a ku: “A ndzi rhumiwanga eka munhu, loko ku nga ri ka tinyimpfu ta yindlu ya Israele leti loveke.”

Yeremiya 10:21

Hikuva varisi va hungukile, a va lavanga Yehovha; hikwalaho a va tlharihanga, kutani mitlhambi hinkwayo ya vona yi hangalasiwile.

Yeremiya 3:23

Kunene pongo leri humaka eswitsungeni ni le tintshaveni a ri pfuni nchumu, kambe ku hlayiseka ka Israele ku huma eka Yehovha, Xikwembu xa yena.

Yeremiya 2:32

Xana wanhwana a nga rivala vubombi bya yena, kumbe mutekiwa mavamba ya yena xana? Kambe tiko ra mina ri ndzi rivarile hi masiku lama nga heriki.

Yeremiya 2:20

“Hikuva khale u tshovile joko ra wena, u tshunxile mapindza ya wena, kambe u ku: ‘A ndzi nga ha tirhi!’ hilaha u tinyikeke vuoswi eswitsungeni hinkwaswo leswi tlakukeke ni le hansi ka mirhi hinkwayo leyi nga ni matluka.

Esaya 32:2

Un'wana ni un'wana wa vona u ta kotisa xisirhelelo loko moya wu hunga, kukota xichavelo loko xidzedze xi fika, kukota xinambyana xa mati etikweni ra dyandza, ni ndzhuti wa ribye leri tlakukeke etikweni leri omeke.

Esaya 30:15

Hikuva Hosi Yehovha, Mukwetsimi wa Israele, u ri: “Mi ta kuma ku hlayiseka ka n'wina loko mi tlhela ni loko mi wisa; mi ta kuma matimba eku rhuleni ni le ku tshembeni”; kambe mi arile!

Pisalema 90:1

Oho, Yehovha, a wu ri xichavelo xa hina etinxakeni ta tinxaka.

Pisalema 32:7

U xichavelo xa mina; u ndzi sivelela maxangu; U ta ndzi rhendzela hi tinsimu ta ku hlayiseka.

Pisalema 23:2

U ndzi wisisa emadyelweni ya rihlaza, U ndzi fambisa ekusuhi ni mati layo rhula;

Yeremiya 13:16

Dzunisani Yehovha, Xikwembu xa n'wina, a nga siki humesa munyama, ni milenge ya n'wina yi nga siki khunguvanyeka etintshaveni ta vusiku, ni loko a nga siki hundzula ku vonakala kuloku mi ku languteleke, ndzhuti wa rifu ni ku humesa ntima.

Yeremiya 23:1

“Va ni khombo varisi lava onhaka, lava hangalasaka ntlhambi wa madyelo ya mina,” ku vula Yehovha.

Yeremiya 33:12

“Ku vula Yehovha: Exivandleni lexi xa mananga lexi nga riki na munhu, hambi yi ri homu, ni le mitini ya kona hinkwayo ku ta va ni madyelo ya varisi lava vundzisaka mitlhambi ya vona.

Ezekiele 13:10

Hinkwaswo leswi, swi ta humelela, hikuva va hambukisa tiko ra mina, loko va ku: ‘Ku rhula ku kona,’ kasi ku rhula a ku kona. Tiko ra mina ri aka khumbi, kutani va ri phama hi ndzhope.

Ezekiele 34:15

Tinyimpfu ta mina ti ta risiwa hi mina, ndzi ta ti etlerisa ehansi, ku vula Hosi Yehovha.

Ezekiele 34:16

Ndzi ta lava leyi lahlekeke ndzi landza leyi tlheleke, ndzi bohelela leyi tshovekeke, ndzi tiyisisa leyi vabyaka; kambe ndzi ta lovisa leyi noneke ni leya matimba; ndzi ta ti risa hi ku avanyisa.

Esaya 1:3

Homu yi tiva mufuwi wa yona, ni mbhongolo yi tiva xidyelo xa n'wini wa yona; Israele a nga tivi nchumu, tiko ra mina a ri twisisi nchumu.