Yeremiya 50:3 - Xitsonga (Bibele)

³ Hikuva tiko leri humaka en'walungwini, ri humele eka rona ku endla tiko ra kona emananga, leswaku ku nga vi na muaki eka rona; hambi va ri vanhu ni tihomu, va chavile va sukile.

BIBELE Mahungu Lamanene

³ Ku ni vanhu lava humaka en'walungwini, va tela ku ta hlasela tiko ra Babilona va ri hundzula mananga. A ku nga ha tshami munhu eka rona, vaaki va rona va ta tsutsuma ni swifuwo swa vona.’ ”

Yeremiya 50:3 Referans Kwoze

Sofoniya 1:3

Ndzi ta susa vanhu ni swiharhi, ndzi susa ni tinyanyana ta tilo, ni tinhlampfi ta lwandle, ni swikhunguvanyiso kun'we ni lavo biha, ndzi va ndzi tsema vanhu ehenhla ka misava,” ku vula Yehovha.

Yeremiya 51:11

Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

Yeremiya 51:62

kutani u ku: ‘Oho Yehovha, u vurile leswaku xivandla lexi xi ta mbundzuxiwa, ku nga ha tshami ku va na muaki, hambi a ri munhu, hambi xi ri xifuwo, kambe a ku ve mananga hi laha ku nga heriki!’

Yeremiya 50:9

Hikuva ndzi ta pfuxa, ndzi humesela Babilona nhlengeletano ya matiko lamakulu ya le misaveni ya n'walungu, kutani va ta n'wi phalalela; ku va kona a khomiwaka. Miseve ya vona yi kotisa ya tinhenha leto tlhariha, ti nga ka ti nga vuyi mahala.

Yeremiya 51:48

Kutani matilo ni misava, ni hinkwaswo swa kona, swi ta endla pongo ro tsaka hi Babilona, hikuva vaonhi va ta n'wi tela va huma en'walungwini, ku vula Yehovha.

Yeremiya 21:6

Ndzi ta ba vaaki va muti lowo, vanhu ni tihomu, va ko va fa hi ntungu lowukulu.

Yeremiya 7:20

Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

Eksoda 12:12

“Hi vusiku byebyo ndzi ta hundza etikweni ra Egipta, ndzi dlaya mativula hinkwayo ya tiko ra Egipta, ya vanhu ni ya swifuwo; kutani ndzi ta avanyisa swikwembu hinkwaswo swa Vaegipta. Hi mina Yehovha.

Genesa 6:7

Kutani Yehovha a ku: “Ndzi ta lovisa ehenhla ka misava vanhu lava ndzi nga va tumbuluxa ku suka eka munhu, ku fika eka swifuwo ni swikokovi, ni tinyanyana ta tilo, hikuva ndza vaviseka hi leswi ndzi nga swi endla.”

Esaya 41:25

“Ndzi n'wi vitanile, a huma en'walungwini, kutani u ta hi le vuxeni, a khongela hi vito ra mina. U kandziyela va matimba endzhopeni, tanihi vumba lebyi muvumbi a byi kandziyelaka.

Esaya 45:1

“Yehovha u vule sweswo eka muhlawuriwa wa yena, eka Korexe, loyi ndzi n'wi tekeke hi voko ra xinene, leswaku a wisa emahlweni ka yena matiko, a tshunxa vamba ra tihosi, a pfuleriwa tinyangwa, ti nga pfariwi; u ri:

Yeremiya 9:10

Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”