Yeremiya 50:16 - Xitsonga (Bibele)

¹⁶ Mi herisa eBabilona varimi ni loyi a khomaka sikela enkarhini wa ku tshovela; emahlweni ka fumu leri onhaka, un'wana ni un'wana a a tlhelele etikweni ra rikwavo, un'wana ni un'wana a a tsutsumele etikweni ra yena.

BIBELE Mahungu Lamanene

¹⁶ Susani varimi hinkwavo etikweni ra Babilona, lava tamelaka rihwevo eku tshoveleni ka koroni, a va nyamalale etikweni rero; Vakhomiwa lava nga Babilona va ta baleka va muka hinkwavo, loko va vona matlhari ni maxangu lawa; un'wana ni un'wana ú ta tsutsumela karikwavo.

Yeremiya 50:16 Referans Kwoze

Esaya 13:14

Va ta va tanihi mhala leyi hlongorisiwaka, tanihi nyimpfu leyi pfumalaka muhlayisi. Un'wana ni un'wana u ta kongoma ekarikwavo, a tsutsuma etikweni ra yena.

Yeremiya 51:9

Hi tshama hi ongola Babilona, kambe a nga hanyanga; a hi n'wi tshikeni, hi tifambela un'wana ni un'wana etikweni ra yena, hikuva ku avanyisa ka yena ku fike ematilweni, ku tlakukile ku fika emapapeni.

Yeremiya 46:16

Va tele lava tsekatsekaka, lava waka, un'wana u wela ehenhla ka un'wana va ku: ‘Pfuka, hi vuyela eka tiko ra rikwerhu, ni tiko leri hi nga tswariwa ka rona, hi chava tlhari leri dlayaka.’

Yuwele 1:11

Varimi va tsemeke nhlana, ni varimi va vhinya va kolola hikwalaho ka koro ni barley, hikuva ntshovelo wa masimu wu onhakile.

Amosi 5:16

Hikwalaho, ku vula Yehovha Xikwembu xa tinyimpi, yena Hosi: “Swirilo swi ta va kona eswivandleni hinkwaswo, kutani va ta huwelela emitsendzeleni hinkwayo, va ku: ‘Yoo! Yoo!’ Murimi u ta vitaneriwa ku rila, ni lava tivaka tinsimu ta mahlomulo va vitaneriwa mikosi.

Yeremiya 51:23

Ndzi tshama ndzi faya ha wena murisi ni ntlhambi wa yena; ndzi faya ha wena murimi ni tihavi ta yena, kutani ndzi faya ha wena vafumi ni tindhuna.

Yeremiya 25:38

U sukile kukotisa nghala ya le xihlahleni, hikuva tiko ra vona ri hundzuriwe rhumbi hi vukari bya fumu leri dlayaka, ni vukari bya ku kariha ka yena.”