Yeremiya 50:12 - Xitsonga (Bibele)

¹² Mana wa n'wina va n'wi khomisile tingana ngopfungopfu; loyi a mi tswaleke u hundzukile mavala: vonani u le ndzhaku ka matiko; i mananga ni tiko ra ntlhava, ni tiko ra makwandzasi!

BIBELE Mahungu Lamanene

¹² Kambe Babilona mana wa n'wina ú ta tsongahatiwa ngopfu, loyi a mi velekeke ú ta khomisiwa tingana. Tiko ra n'wina ri ta va leritsongo eka matiko hinkwawo; ri ta hundzuka mananga lama omeke, layo chavisa.”

Yeremiya 50:12 Referans Kwoze

Yeremiya 51:43

Miti ya yena yi endliwile rhumbi ntsena, tiko ra ntlhava ni mananga, tiko leri nga riki na munhu la akaka eka rona, hambi a ri n'wana wa munhu la hundzaka kona.

Nhlavutelo 17:5

Emombyeni wa yena ku tsariwile vito leri nge: “Swihundla, Babilona lonkulu, mana wa swioswi ni wa manyala ya misava.”

Vagalatiya 4:26

Kambe Yerusalema wa le henhla, a nga bohiwanga, hi yena la nga mana wa hina hinkwerhu.

Yeremiya 49:2

Hikwalaho ma ta ta masiku lawa, ku vula Yehovha, ndzi nga ta ba ha wona nkosi wa nyimpi ehenhla ka Rhaba wa vana va Amoni, u ta endla rhumbi; kutani miti ya vona yi ta hisiwa hi ndzilo; kutani Israele u ta fuwa ndzhaka ya lava ngi va n'wi fuwile, ku vula Yehovha.

Yeremiya 25:26

ni tihosi hinkwato ta n'walungu, leti nga ekusuhi, ni ta le kule, un'wana ni un'wana, ni ku fuma hinkwako ka misava eku anameni ka yona, kutani hosi ya Xexaka (Babilona) yi ta nwa endzhaku ka vona.

Yeremiya 25:12

“Kambe kutakuloko malembe ya 70 ma herile, ndzi ta holovela hosi ya Babilona ni tiko ra kona hikwalaho ka ku homboloka ka vona, ku vula Yehovha, ndzi holovela ni tiko ra Vakalediya, ndzi ri hundzula swahava hilaha ku nga heriki.

Esaya 23:13

Vona, tiko ra Vakalediya, leri ngi ri nga ri tiko; Asiriya u ri nyikile swivandzana swa nhova; va akile makhokholo ya vona ya tinyimpi va onhe tindlu ta vuhosi bya Ninivha, va ti endle marhumbi.

Esaya 14:22

“Ndzi ta yima ndzi lwa na vona,” ku vula Yehovha wa tinyimpi, “ndzi ta herisa vito ra Babilona ni lava saleke va yena, rhavi ni hluke,” ku vula Yehovha!

Yeremiya 12:14

Ku vula Yehovha ehenhla ka hinkwavo lavo biha lava xaxameleke na mina, lava phangeke rifuwo ra mina, leri ingi ndzi ri averile tiko ra mina ra Israele: “Vonani ndzi ta va susa etikweni ra vona ni yindlu ya Yuda, ndzi ta yi pambula hi le xikarhi ka yona, ndzi yi susa.

Yeremiya 15:9

La velekeke vana va ntlhamu na vambirhi u karhele; u kusuhi ni ku fa; a peleriwa hi dyambu ra yena wa ha ri nhlekanhi, u khomisiwe tingana, u ni gome; kambe nsalo wa vona, ndzi ta va nyika fumu emahlweni ka lava nga valala eka vona,” ku vula Yehovha.

Yeremiya 22:6

“ ‘ “Hikuva Yehovha u te ematshan'weni ya yindlu ya hosi ya Yuda: Eka mina, u fana na Giliyadi, u nhloko ya Lebanoni, kambe ndzi ta ku hundzula swahava, ni muti lowu nga akiwiki.

Yeremiya 51:47

“Hikwalaho, vona, ma ta masiku lawa ndzi nga ta ba ha wona swikwembu leswi vatliweke swa Babilona; kutani tiko ra yena hinkwaro ri ta khomisiwa tingana ni lava tlhaviweke hinkwavo va yena va ta wa exikarhi ka yena.