Yeremiya 50:11 - Xitsonga (Bibele)

¹¹ “Mi nga tsaka kunene, mi va mi tsakisisa, n'wina vaonhi va ndzhaka ya mina, mi tlula kukotisa thokazi erilambyaneni, mi rila kukota tihanci leta matimba.

BIBELE Mahungu Lamanene

¹¹ HOSI Xikwembu xi ri: “N'wina mi xanisaka vanhu va mina, ma tsaka, mi tikurisa! Mi tlalamba-tlalamba kukota marhole ebyanyini bya rihlaza, mi tiphina ku fana ni mangwa ya xinuna!

Yeremiya 50:11 Referans Kwoze

Esaya 47:6

Ndzi karihele tiko ra mina, ndzi va ndzi sandza ndzhaka ya mina, kutani ndzi va nyiketa emavokweni ya wena. A ku va tsetselelanga; u tikisile joko ra wena hi ku nonon'hwa ehenhla ka swikoxa.

Zakariya 14:12

Hi rona khombo leri Yehovha a nga ta ba matiko hinkwawo lama hlaseleke Yerusalema: Nyama ya vona yi ta bola va ri karhi va yimile hi milenge ya vona, mahlo ya vona ma ta bola emakheleni ya wona, ni tindzimi ta vona emilon'wini ya vona.

Obadiya 1:12

Kambe wena u nga languti siku ra makwenu, siku ra khombo ra yena u nga tsakeli ku hela ka vana va Yuda hi siku ra ku hela ka vona; u nga ahlamisi nomu wa wena hi ku tikukumuxa hi siku ra ku xanisiwa.

Amosi 4:1

“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’

Hosiya 10:11

Efrayimi i thokazi leri dyondzisiweke ri rhandzaka ku hula mavele. Kambe mina, ndzi ta veka joko ehenhla ka nhamu ya rona leyinene. Ndzi ta pana Efrayimi, Yuda, yena, a rima, Yakobo a fayetela mabuwu.

Swirilo 1:21

“Va ndzi twile loko ndzi ri karhi ndzi hefemuteka, ku hava loyi a nga ndzi chavelelaka! Valala va mina hinkwavo va twile khombo ra mina, Kutani va tsakela leswi u swi endleke; Va ta fana na mina siku leri u nga ta humelerisa mhaka leyi u yi vekeke.

Yeremiya 50:27

Tlhavani tinkunzi hinkwato ta vona ti xikiseleni eku dlaweni. Ku ni khombo vona hikuva ku tile siku ra vona, nkarhi wo holoveriwa ka vona.

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Yeremiya 46:21

Langutani vatatisi va yena va kotisa marhole lama nonisiweke, hikuva na vona va rhendzeleka, va baleka swin'we, a va yimi siku ra vona ra makhombo ri va tela, siku ro holoveriwa ra vona.

Yeremiya 5:28

Va nonile va torile, na swona, va tlurisa hi ku biha loku nga vuriwiki; eku tengisiweni ka vaavanyisi, a va avanyiseri xisiwana, kambe va kateka; kutani a va hitekeri ku mangala ka xisiwana eku avanyiseni.

Yeremiya 5:8

I timangwa leti xurheke, leti tsutsumelaka hinkwako, un'wana ni un'wana u rilela nsati wa nakulobye.

Swivuriso 17:5

La hlekaka xisiwana u sola la n'wi vumbeke, Ni la tsakelaka makhombo ya van'wana a nga ka a nga poni eku biweni.

Pisalema 22:12

Ndzi rhendzeriwe exikarhi hi tinkunzi to tala; Tinkunzi ta Baxani, leta matimba, ti ndzi rhendzele;

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Esaya 47:8

Sweswi yingisa mhaka leyi, wena la rhandzaka mitsako, wena la akeke hi ku rhula, la nga ku embilwini ya wena: “Mina, mina ntsena! Ndzi nga ka ndzi nga vi noni, ndzi nga ka ndzi nga tsoniwi vana!”

Yeremiya 12:14

Ku vula Yehovha ehenhla ka hinkwavo lavo biha lava xaxameleke na mina, lava phangeke rifuwo ra mina, leri ingi ndzi ri averile tiko ra mina ra Israele: “Vonani ndzi ta va susa etikweni ra vona ni yindlu ya Yuda, ndzi ta yi pambula hi le xikarhi ka yona, ndzi yi susa.

Yeremiya 46:20

“Egipta i thokazi lero saseka ngopfu: Muonhi u huma etlhelo ra n'walungu, wa fika.

Ezekiele 35:15

Kukotisa loko u tsakele rifu ra yindlu ya Israele, hilaha ingi ri onhake hakona, ndzi ta ku endla sweswo; u ta va mananga wena ntshava ya Seyira, ni tiko ra Edomu hinkwaro; va ta tiva leswaku hi mina Yehovha.

Ezekiele 36:5

hikwalaho ka swona, ku vula Hosi Yehovha, a ku: Kunenenene endzilweni wa vukwele bya mina ndzi vulavula, ndzi wumeta lava seleke va matiko, na vona Vaedomu hinkwavo, lava tiaveleke tiko ra mina ku ri hlasela va heta, va ri ni timbilu leti tsakeke, ni ku tsan'wa emimoyeni ya vona.

Habakuku 1:15

U va humesa hinkwavo hi xinjovo; u va koka hi nkukuto wa yena, a va hlengeleta hi rikoka ra yena; ku va kona a tsakaka, a tsakisisaka;