Yeremiya 50:10 - Xitsonga (Bibele)

¹⁰ Kutani Kalediya u ta phangiwa, vaphangi va yena hinkwavo va ta xurha eka yena, ku vula Yehovha.

BIBELE Mahungu Lamanene

¹⁰ Tiko ra Vakalediya ri ta phanghiwa, vaphanghi va kona hinkwavo va ta kuma swo tala, ku vula mina HOSI.”

Yeremiya 50:10 Referans Kwoze

Yeremiya 25:12

“Kambe kutakuloko malembe ya 70 ma herile, ndzi ta holovela hosi ya Babilona ni tiko ra kona hikwalaho ka ku homboloka ka vona, ku vula Yehovha, ndzi holovela ni tiko ra Vakalediya, ndzi ri hundzula swahava hilaha ku nga heriki.

Nhlavutelo 17:16

Kutani timhondzo ta khume leti u ti voneke, ni xivandzana, swi ta venga muoswi, swi n'wi endla rivala, swi n'wi hluvurisa, swi dya tinyama ta yena, swi n'wi hisa hi ndzilo.

Yeremiya 27:7

Matiko hinkwawo ma ta n'wi tirhela, yena, ni n'wana wa yena, ni vatukulu va yena, ku ko ku fika nkarhi lowu tiko ra yena ri nga ta tsongahatiwa hi matiko layo tala ni tihosi letikulu.

Esaya 45:3

ndzi ta ku nyika rifuwo leri fihliweke, ni xuma lexi nga exihundleni, u ta tiva leswaku hi mina Yehovha Xikwembu xa Israele la ku vitaneke hi vito ra wena.

Esaya 33:23

Mapindza ya wena ma tshunxiwile a ma nga ha tiyisi ntsintsi wa ngalava, ni ku koka matsanga! Enkarhini wolowo, rifuwo ni mitirho leyo tala ngopfu swi ta avanyisiwa; ni swilema swi ta averiwa.

Esaya 33:4

Rifuwo ra n'wina leri mi ri phangeke ri ta tekiwa hi mukhuva lowu njiya yi tekaka ha wona; vanhu va ta tihoxela eka rona kukotisa tinjiya.

Yeremiya 50:26

Nghenani kona ematlhelweni hinkwawo, pfulani switlati swa yena, mi hlengeleta, mi kotisa nhulu ya tinyandza, mi n'wi nyiketa ndzhukano, mi nga n'wi siyeri nchumu.

Yeremiya 51:24

Kambe ndzi ta tlherisela Babilona ni vaaki hinkwavo va Kalediya swo biha hinkwaswo swa vona leswi va swi endleke Siyoni emahlweni ka n'wina, ku vula Yehovha.

Yeremiya 51:35

Ku xanisiwa koloko ka mina ni nyama ya mina leyi handzuriweke, a swi ve ehenhla ka Babilona,” ku ta vula muaki wa Siyoni; “Ngati ya mina a yi ve ehenhla ka vaaki va Kalediya,” ku ta vula Yerusalema.

Ezekiele 11:24

Moya wu ndzi tlakula hi norho, wu ndzi yisa eKalediya, eka vabohiwa, kutani mahlori lawa ndzi ma voneke ma suka emahlweni ka mina.

Yeremiya 50:37

Fumu a ri ve ehenhla ka tihanci ta yena, ni le henhla ka tigolonyi ta yena, ni le henhla ka valuveri hinkwavo lava nga exikarhi ka yena, va ta hundzuka vavasati! Fumu a ri ve ehenhla ka xuma xa yena, leswaku xi ta tekiwa!

Habakuku 2:8

Hikuva u onhile matiko lamanyingi, misalo hinkwayo ya matiko yi ta ku onhela, hikwalaho ka ngati ya vanhu, ni hikwalaho ka ku pfukela tiko matimba, ni muti, ni hinkwavo lava akeke eka wona.