Yeremiya 5:7 - Xitsonga (Bibele)

⁷ “Ndzi nga ku tsetselelerisa ku yini? Kasi vana va wena va ndzi tshikile, kutani va hlambanya hi lexi nga riki Xikwembu, ndzi amukerile ku hlambanya ka vona, kambe va ha ri karhi va oswana; va hlengeletana va ri lavanyingi endlwini ya muoswi.

BIBELE Mahungu Lamanene

⁷ HOSI Xikwembu xi ri: “We Yerusalema, xana ndzi ta ku rivalela loko swi te yini? Vaaki va wena va ndzi tshikile, va hlambanya hi vito ra swikwembu swa hava. Ndzi va phamerile va dya va xurha, kambe a va tshembekanga; va tate minkondzo emitini ya tinghwavava,

Yeremiya 5:7 Referans Kwoze

Vagalatiya 4:8

Kambe khale; loko mi nga si tiva Xikwembu, a mi tirhela swikwembu leswi nga riki swona hi xiviri.

Yeremiya 2:11

Haa! Xana tiko ri nga va kona leri tshikaka Xikwembu xa rona, ku teka swin'wana, kasi swona a hi swikwembu xana? Kambe tiko ra mina ri tshikile ku kwetsima ka rona, ri tifuwisa hi leswi nga riki nchumu!

Yoxuwa 23:7

mi nga hlangani na matiko lama saleke exikarhi ka n'wina; mi nga tshuki mi vula mavito ya swikwembu swa vona, kambe mi nga hlambanyi ha swona, mi nga tshuki mi swi tirhela ni ku khinsama emahlweni ka swona;

Duteronoma 32:21

Vona va ndzi pfuxele vukwele hi leswi nga riki Xikwembu, Va ndzi karihisa hi swahava swa vona; Kambe mina ndzi ta va pfuxela vukwele hi lexi nga riki tiko, Ndzi va karihisa hi tiko leri hungukeke.

Sofoniya 1:5

ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;

1 Vakorinto 8:4

Loko ku ri ku dya leswi tlhaveriweke swifaniso, ha swi tiva leswaku xifaniso a hi nchumu emisaveni, hikuva a ku na xikwembu ximbe loko xi nga ri xin'we ntsena.

Yeremiya 23:10

Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

Yeremiya 12:16

Kambe kungakuloko va dyondza swinene milawu ya tiko ra mina, leswaku va ta hlambanya hi vito ra mina, va ku: ‘Ha Yehovha la hanyaka,’ hi laha va dyondziseke tiko ra mina ku hlambanya ha Baali, ndzi ta va akisa xiharhi ka tiko ra mina.

1 Vakorinto 6:9

Xana a mi swi tivi leswaku lavo biha va nga ka va nga dyi ndzhaka ya ku fuma ka Xikwembu xana?

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Amosi 8:14

Vona lava hlambanyaka hi ku dyoha ka Samariya, va ku: ‘A ku hanye xikwembu xa wena Dani!’ Kumbe: ‘A ku hanye ndlela leyi yaka eBerexeba!’ ... va ta wa, a va nga ha tlheri va pfuka.”

Hosiya 13:6

Va xurhile evudyelweni bya vona, kuteloko va xurhile, timbilu ta vona ti tikukumuxa; va ndzi rivele hakona.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Hosiya 7:4

I vaoswani hinkwavo; va kotisa xitiko lexi tshiveriwaka hi musweki, u tshika ku kondletela ndzilo, loko a sungula ku pfuva, mbila yi ko yi kukumuka.

Hosiya 4:2

Ka hlambanyiwa ka rhukaniwa, ka dlayiwa, ka yiviwa, ka oswiwa, ku pfukeriwa vanhu hi matimba, kambe ngati yi karhi ya halatiwa.

Ezekiele 22:11

Un'wana u endle manyala ni nsati wa loyi a akeke na yena, un'wana u nyamise n'wingi wa yena hi vuhomboloki bya yena, un'wana u wisa etinganeni makwavo wa xisati, a nga n'wana wa tata wa yena.

Yeremiya 13:27

Ndzi vonile vuoswi bya wena, ni ku navela ka wena lokukulu, ni vugangu bya wena lebyi tlurisaka, ni manyala ya wena etintshaveni, ni le switsungeni!

Yeremiya 9:2

Loko ngi ndzi ri ni xitsongana xa ku hambukela emananga, ingi ndzi tshika tiko ra mina, ndzi ya ekule na rona, hikuva i vaoswi hinkwavo, i huvo ya timbabva.

Yeremiya 3:19

Mina a ndzi ku: Ndzi nga ku vekisa ku yini exikarhi ka vana va mina? Kambe ndzi nga ku nyikisa ku yini tiko leri rhandzekaka, rifuwo lero saseka ra tinyimpi ta matiko xana? Kambe a ndzi ku: Mi ta ndzi vula “tatana,” mi nga ka mi nga ha ndzi tshiki.

Yeremiya 2:31

N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

Pisalema 50:18

Loko u vona muyivi, u rhandzana na yena, Kutani ku averiwa ka wena ku ni vaoswi.

Levhitika 20:10

“Kungakuloko wanuna a oswana ni wansati la tekiweke, u oswana ni nsati wa warikwavo, wanuna ni wansati lava oswaneke va ta dlawa.

Vaheveru 13:4

Ku tekana a ku ve loku tengeke ematlhelweni hinkwawo, ni masangu a ma pfumale vuoswi; hikuva Xikwembu xi ta avanyisa timbhisa ni vaoswi.

2 TIKRONIKA 13:9

Xana a mi hlongolanga vaprista va Yehovha, vana va Aroni ni Valevhi xana? Kutani mi tivekele vaprista kukotisa matiko man'wana. Mani na mani la taka ku hlawuleriwa, a ri ni nkunzi ni makhuna ya ntlhanu na mambirhi u vekiwa muprista wa lexi nga riki xikwembu.

Yeremiya 7:9

I ku yini xana? Ku yiva! Ni ku dlaya! Ni ku oswa, ni ku hlambanya hi mavunwa, ni ku hisela Baali mirhi ya risuna, ni ku famba eka swikwembu swin'wana leswi mi nga swi tiviki!

Yeremiya 16:11

U ta ku eka vona: ‘Hi leswi vatata wa n'wina va ndzi tshikeke, ku vula Yehovha, kutani va ya lava swikwembu swin'wana, va swi tirhela kambe va swi khinsamela; kambe, loko ndzi ri mina, va ndzi tshikile, kutani a va hlayisanga milawu ya mina.

Yeremiya 16:20

Xana munhu a nga tiendlela swikwembu xana? Kasi a hi swikwembu!”

Swirilo 3:42

“Hi dyohile hi va hi tiarisa; Kutani wena a ku vanga u tsetselela.

Ntirho 31:12

Kunene i ndzilo lowu hisaka ku fika etiheleni, A wu faneli ku heta rifuwo ra mina hinkwaro.

Yeremiya 3:8

Hambi ndzi tshikile Israele muhundzuki, hikwalaho ka mikhuva ya yena hinkwayo ya vuoswi, kutani ndzi n'wi nyikile papila ra ku n'wi tshika, hambiloko swi ri tano Yuda, makwavo la nga tshembekangiki, a nga chavanga; na yena a famba, a ya oswa.

Yeremiya 9:1

Loko ngi nhloko ya mina yi ri mati, ni mahlo ya mina ya ri miseledyana ya mihloti, vusiku ni nhlekanhi, a ndzi ta rilela vanhwanyana va tiko ra mina lava dlayiweke!