Yeremiya 5:3 - Xitsonga (Bibele)

³ Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

BIBELE Mahungu Lamanene

³ We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Yeremiya 5:3 Referans Kwoze

Yeremiya 7:28

U va byela, u ku: ‘Leri i tiko leri nga yingisiki rito ra Yehovha, Xikwembu xa rona leri nga amukeriki ku layiwa, ku lulama ku onhakile, ku susiwile emilon'wini ya vona.

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Sofoniya 3:7

A ndzi ku: ‘Loko a wu ndzi chava, u va u amukela ku tshinyiwa, ingi vutshamo bya wena byi nga ha susiwi eka wena hilaha ndzi leriseke hinkwaswo hakona ehenhla ka yena,’ kambe va pfukele ku onha swiendlo swa vona hinkwaswo.”

Esaya 9:13

Kambe tiko a ri tlhelelanga eka loyi a ri baka, a ri lavi Yehovha wa tinyimpi.

2 TIKRONIKA 16:9

Hikuva mahlo ya Yehovha ma fambafamba emisaveni hinkwayo ku tiyisa lava nga va yena hi timbilu hinkwato ta vona. U endlile hi vuhunguki emhakeni leyi, hikuva ku sungula sweswi, u ta va ni tinyimpi.”

Esaya 42:25

Hikwalaho u cheletile Israele hi ku pfurha ka vukari bya yena, ni ku leva ka mivango. Mivango yi pfurhile, yi n'wi rhendzele hinkwako, kambe a nga swi twanga, yi n'wi lovisile kutani a nga swi hlayisanga.

Vaheveru 12:9

Swi tsandza ni vatata wa hina va nyama, va hi layile kutani hi va chavile; xana ngopfungopfu hi nga ka hi nga tiveki ehansi ka loyi a nga Tata wa mimoya, kutani hi ta hanya xana?

Varhoma 2:2

Hikuva ha tiva leswaku ku avanyisa ka Xikwembu ku lulamile eka lava endlaka leswo tano.

Ezekiele 24:13

Ku biha ku kona ethyakeni ra wena, kasi ndzi ku hlantswile, hambiswiritano, a ku tenganga; a ku nga ha hlantswiwi thyaka ra wena ku fikela loko ndzi korwise vukari bya mina ha wena.

Yeremiya 32:19

U nkulukumba emakungwini, u ni matimba eku endleni; mahlo ya wena ma languta mikhuva hinkwayo ya vana va vanhu ku tlherisela eka un'wana ni un'wana hi mikhuva ya yena, mihandzu ya ku endla ka yena.

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Swivuriso 27:22

Hambi u kandza xihunguki entshurini, U kandza hi musi u pfanga ni mavele lama siriwaka, Vuhunguki bya xona byi nga ka byi nga n'wi sukeli.

Swivuriso 23:35

Hi kona u nga ta ku: “Va ndzi bile — a ndzi twanga ku vava; Va ndzi balesile — a ndzi twanga nchumu! Ndzi ta pfuka rini? Ndzi ta tlhela ndzi yi lava kambe!”

Swivuriso 22:12

Mahlo ya Yehovha ma hitekela vutivi, Kambe u herisa timhaka ta mbabva.

Swivuriso 21:29

Munhu wo biha u onya mombo, a nga ri na tingana, Kambe lowo lulama u tiyisa ndlela ya yena.

Pisalema 51:6

Kambe, u rhandza leswinene embilwini ya munhu, Ndzi dyondzise vutlhari exihundleni xa moya wa mina!

2 TIKRONIKA 28:22

Hambiloko a ri ekhombyeni, a engeta a dyohela Yehovha.

Levhitika 26:23

“ ‘Loko mi nga amukeri ku laya ka mina hi ku biwa loku, ni loko ma ha rhandza ku lwa na mina,

2 TIHOSI 1:13

Ahaziya a engeta a rhuma ndhuna ya vunharhu ya ntlhanu wa makume, yi ri ni vanhu va yona va ntlhanu wa makume. Ndhuna leya vunharhu, yi tlhandluka; kuteloko yi fikile yi khinsama hi matsolo ya yona emahlweni ka Eliya, yi n'wi khongela, yi ku eka yena: “Munhu wa Xikwembu! Wa nga tsetselela moya wa mina ni mimoya ya vanhu lava va ntlhanu wa makume, malandza ya wena!

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Yeremiya 35:13

“Ku vula Yehovha wa mavandla, Xikwembu xa Israele: Yana u byela vanhu va Yuda, ni vaaki va Yerusalema, u ku: Xana mi nga ka mi nga amukeli dyondzo, mi ta yingisa rito ra mina xana? Ku vula Yehovha.

Ezekiele 2:4

I vana lava tiarisaka, lava nga ni timbilu leti nonon'hwaka; ndza ku rhuma eka vona, u ta va byela, u ku: ‘Hosi Yehovha u ri.’

Daniele 9:13

Kukotisa loko ku tsariwile enawini wa Muxe, swo biha leswi hinkwawo swi hi humelele sweswo. Kambe a hi olovisanga mombo wa Yehovha, Xikwembu xa hina, hi ku tshika swidyoho swa hina, ni ku tlharihela ntiyiso wa wena.

Amosi 4:6

“Kasi a ndzi mi rhumerile ndlala emitini ya n'wina hinkwayo, ni ku pfumaleka ka vuswa ematlhelweni hinkwawo; hambiloko swi ri tano, a mi tlhelelanga eka mina,” ku vula Yehovha.

Genesa 19:34

Kuteloko ri xa, lowa hosi a byela ndzisana a ku: “Waswivo, ndzi etlele tolo na tatana, a hi n'wi nwiseni kambe ni vusiku lebyi, u ya etlela na yena; sweswo hi ta hanyisa rixaka ra tata wa hina.”

1 TIHOSI 13:33

Endzhaku ka timhaka teto, Yerobuwamu a nga hundzukanga endleleni leyo biha ya yena. A engeta a veka vaprista va switsunga lava humaka exikarhi ka tiko hinkwaro; a hlawula loyi a swi rhandzaka, kutani a va muprista wa xitsunga.

Pisalema 51:8

Ndzi byele ku khana ni ku tsaka, Kutani marhambu lawa u ma tshoveke ma ta pfuka hi ku tsaka.

Pisalema 55:20

[Lowo biha] u tshambuluta voko, a khoma lava hanyeke hi ku rhula na yena, A onha xinakulobye xa yena.

Esaya 26:11

Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

Yeremiya 3:3

Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

Yeremiya 15:7

Ndzi ta va hlunguhla hi xihlungulo etinyangweni ta misava; ndzi dlaya lavantshwa va tiko ra mina, na rona ndza ri lovisa, hikuva a va tisori emikhuveni ya vona.

Yeremiya 17:23

Kambe a va yingisanga, a va rhiyanga tindleve kambe va ti nonon'hwisile tinhamu, leswaku va nga yingisi, ni leswaku va nga amukeri dyondzo.

Yeremiya 44:10

Ku fikela siku leri, a ku si va na loyi a titsongahateke, hambi, va ri lava chavaka, ni lava fambaka hi milawu ya mina, ni ku lerisa ka mina loku ndzi ku vekeke emahlweni ka n'wina ni le mahlweni ka vatata wa n'wina.

Amosi 4:8

va miti mimbirhi, kumbe minharhu va ya emutini wun'wana ku ya nwa mati kambe va nga kolwi; kambe, ni loko swi ri tano, a mi tlhelelanga eka mina,” ku vula Yehovha.

Amosi 4:9

“Ndzi bile mavele ya n'wina hi rivungu ni ku vuna; masimu ya n'wina layo tala ya mirhi ni ya vhinya, ni mikuwa ya n'wina, ni mitlhwari swi dyiwa hi tinjiya; hambiswiritano a mi tlhelelanga eka mina,” ku vula Yehovha.

Amosi 4:10

“Ndzi mi rhumele ntungu lowu fanaka ni wa le Egipta, ndzi dlayile majaha ya n'wina hi tlhari, tihanci ta n'wina ti phangiwa, ku nun'hwa loku humaka emixaxeni ya n'wina ndzi ku fikisile etinhompfini ta n'wina; hambiswiritano, a mi tlhelelanga eka mina,” ku vula Yehovha.

Amosi 4:11

“Ndzi mi humesele makhombo exikarhi ka n'wina kukota siku Xikwembu xi onhaka Sodoma na Gomora, kutani mi ponile ku kota xisa lexi humesiweke endzilweni; hambiswiritano, a mi tlhelelanga eka mina,” ku vula Yehovha.