Yeremiya 5:28 - Xitsonga (Bibele)

²⁸ Va nonile va torile, na swona, va tlurisa hi ku biha loku nga vuriwiki; eku tengisiweni ka vaavanyisi, a va avanyiseri xisiwana, kambe va kateka; kutani a va hitekeri ku mangala ka xisiwana eku avanyiseni.

BIBELE Mahungu Lamanene

²⁸ naswona va phemeka hi ku nyuhela, va tlhela va vangama. Mintirho ya vona leyo biha yi tlula mpimo; loko va tsema timhaka a va landzeleli nawu. Swisiwana a va na mhaka na swona, tifanelo ta vapfumari a va ti sirheleli.

Yeremiya 5:28 Referans Kwoze

Zakariya 7:10

mi nga xanisi noni, ni xisiwana, ni wamatiko, ni mupfumari, kutani mi nga kungeleli makwenu khombo etimbilwini ta n'wina.”

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Pisalema 73:12

Vonani, lavo biha va tano Va tsakile hi masiku, va hlengeleta xuma.

Yeremiya 7:6

Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

1 Vakorinto 5:1

Ku twele hinkwako leswaku vuoswi byi kona exikarhi ka n'wina, byi nga vuoswi lebyi nga vuriwiki exikarhi ka matiko, va te, un'wana u ni nsati wa tata wa yena.

Amosi 4:1

“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Yeremiya 2:33

“U tlharihile swonghasi etindleleni ta wena ku lava leswi u swi rhandzaka hilaha u titoloveteke ni ku dlaya.

Pisalema 119:70

Timbilu ta vona ti nonile, a va ha twi; Kambe mina ndzi titsakisa hi nawu wa wena.

Pisalema 72:4

Yi ta avanyisa timhaka ta swisiwana swa tiko hi ku lulama, Yi ta ponisa vana va mupfumari, Kambe yi ta phyandlasa muxanisi.

Ntirho 12:6

Mitsonga ya vaonhi yi ni ku tsaka; Ku rhula i ka lava nga vuriki nchumu hi Xikwembu, Lava tamelaka xikwembu xa vona emavokweni ya vona.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Pisalema 73:4

Kunene a va na ku xaniseka, ku fika eku feni ka vona, Va hanya, miri wa vona wu kulukile,

Swivuriso 15:25

Yehovha u mbundzuxa yindlu ya lava tikurisaka, Kambe u tiyisa ndzilakana ya nsimu ya noni.