Yeremiya 5:26 - Xitsonga (Bibele)

²⁶ Hikuva lavo biha va kona eka tiko ra mina; va nyanimela kukotisa loko ku khunkhusela vaphasi va swinyanyana; va rhiya xirimbana, kutani va phasa vanhu.

BIBELE Mahungu Lamanene

²⁶ “Lavo homboloka va kona exikarhi ka vanhu va mina; un'wana ni un'wana ú le ku ongeni ku fana ni loyi a rhiyaka tinyanyana. Va le ku rhiyeni ka mintlhamu, va phasa vanhu ha yona.

Yeremiya 5:26 Referans Kwoze

Swivuriso 1:11

Loko va ku: “A hi fambeni swin'we! Hi ya etlelela, Hi rhiya lava nga riki na nandzu, hi halata ngati ya vona,

Yeremiya 18:22

Mukhosi a wu twakale etindlwini ta vona siku u tisaka mavandla hi xipuku ku ta lwa na vona; hikuva va cerile rindzi ra ku ndzi weta, kutani va ndzi rhiyile milenge hi ntlhamu.

Pisalema 64:5

Va titiyisa emhakeni ya vona leyo biha; Va endla makungu ku fihla mitlhamu, Va ku: “I mani la nga ta swi vona?”

Luka 5:10

Kutani Yesu a ku eka Simoni: “U nga chavi, ku sungula sweswi, u ta va muphasi wa vanhu lava hanyaka.”

Yeremiya 4:22

“Kunene tiko ra mina ri hungukile; a ri ndzi tivi; i vana va vuhunguki lava nga riki na ku anakanya; va tlharihile ku endla leswo biha; kambe a va tivi ku endla leswinene.”

Esaya 58:1

“Huwelela hi matimba, u nga feleri rito ra wena, ri tlakuse tanihi nanga ku tivisa tiko ra mina e vudyoho bya rona, ni yindlu ya Yakobo swivi swa yona!

Esaya 32:7

Loko a ri mudyeleri, matlhari ya yena i ya vumbabva; u endla makungu ku lovisa xisiwana hi ku vulavula swa mavunwa, hambi mhaka ya mupfumari yi lulamile.

Yeremiya 9:8

Tindzimi ta vona i miseve leyi dlayaka, va vulavula vunwa; hi milomu ya yena un'wana u byela warikwavo ku rhula, kambe exifuveni xa yena a n'wi rhiya hi xirimbana.

Yeremiya 18:20

Xana ku nga fuma ku biha ematshan'weni ya ku lulama, hilaha va nga celela vutomi bya mina rindzi xana? Tsundzuka leswaku a ndzi ri karhi ndzi yima emahlweni ka wena ku va vulavulela, leswaku ndzi hambukisa vukari bya wena eka vona!

Mikiya 6:10

Xana rifuwo lero biha ra ha ri kona endlwini ya la nga lulamangiki, ni ku pima loku hungutiweke, loku rhukaniweke?

Mikiya 7:2

Munhu lonene u lovile emisaveni, a ka ha ri na la lulameke exikarhi ka vanhu. Hinkwavo va bvutama ku halata ngati, un'wana ni un'wana u rhiyile makwavo hi ntlhamu.