Yeremiya 5:24 - Xitsonga (Bibele)

²⁴ Kambe a va tilayi etimbilwini ta vona, va ku: ‘Hi fanele ku chava Yehovha, Xikwembu xa hina, la hi nyikaka, mpfula yo rhanga ni ya hlovo enkarhini wa yona, la hi hlayiselaka mavhiki lama vekiweke ya ku tshovela.’

BIBELE Mahungu Lamanene

²⁴ A mi ehleketanga ku vula mi ku: ‘A hi chaveni HOSI Xikwembu xa hina, hikuva hi xona xi nisaka mpfula hi minkarhi ya yona, mpfula ya xirimo ni leyo tsema nguva, xi vekile ni masiku ya ku tshovela swa le masin'wini.’

Yeremiya 5:24 Referans Kwoze

Pisalema 147:8

U eneta tilo hi mapapa, u nisa mpfula emisaveni, U mirisa byanyi etintshaveni.

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Genesa 8:22

Hi masiku hinkwawo ya misava, ku byala ni ku tshovela, xirhami ni mumu, ximumu ni vuxika, nhlekanhi ni vusiku, swi nga ka swi nga pfumaleki.”

Timhaka 14:17

Hambiswiritano, a xi tipfumatanga vumbhoni, hi ku endlela vanhu swinene, ni ku hi nyika timpfula ta tilo ni tinguva ta ndzalo, xi hi andzisela ni swakudya, xi tata timbilu ta hina hi ku tsaka.”

Matewu 5:45

hileswaku mi hundzuka vana va Tata wa n'wina la nga ematilweni, hikuva u tsuvukisa dyambu ra yena ehenhla ka lavo biha ni lavo saseka, u nisa mpfula ehenhla ka lavo lulama ni lavo homboloka.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Nhlavutelo 11:6

Va ni matimba yo pfala tilo leswaku mpfula yi nga ha ni hi masiku lawa va profeteke ha wona; kambe va ni matimba ya ku hundzula mati ma va ngati, ni ya ku ba misava hi makhombo walawo, hi mikarhi hinkwayo leyi va rhandzaka ku endlisa sweswo.

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

Zakariya 10:1

Kombelani mpfula eka Yehovha hi nkarhi wa timpfula ta xirimo! Yehovha u ta humesa tihati; kutani u ta va nyika mpfula ya dzonga, a nyika un'wana ni un'wana leswi milaka ensin'wini ya yena.

Amosi 4:7

“Kambe, a ndzi mi tsonile mpfula, ka ha sele tin'hweti tinharhu mi nga si tshovela; ndzi nisela muti wun'wana, wun'wana ndzi nga wu niseri; nsimu yin'wana yi niseriwa, nsimu leyi nga niseriwangiki yi oma;

Hosiya 6:1

“Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

Yeremiya 50:5

Va ta vutisa ndlela ya Siyoni, va langutisa mimombo ya vona kona: ‘Tanani, mi namarhela Yehovha hi ntwanano lowu nga heriki, lowu nga riki na ku rivariwa!’

Yeremiya 5:22

Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

Esaya 64:7

A ku nga ri na munhu la khongelaka hi vito ra wena, la pfukaka a namarhela eka wena; hikuva u hi fihlele mombo wa wena, kutani u hi tshika hi fa eku dyoheni ka hina.

Ntirho 38:37

I mani la kumeke ntsengo wa mapapa hi vutlhari? I mani la chelaka makhuwana ya le tilweni,

1 TIHOSI 17:1

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

Duteronoma 28:12

Yehovha u ta ku pfulela tilo, byi nga vukosi bya yena lebyinene, ku nyika misava ya wena mpfula hi nkarhi wa yona, ni ku katekisa mitirho hinkwayo ya mavoko ya wena. Matiko layo tala ma ta lomba eka wena, kambe wena u nga ka u nga lombi eka vona.

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Ntirho 5:10

U chulula mpfula emisaveni, U chelela mati emasin'wini.

Pisalema 65:9

U endzela misava, u yi cheleta ngopfu, U yi nyika ndzalo leyikulu ngopfu; Xinambyana xa Xikwembu xi tala hi mati; U mirisa mavele loko u lunghisisa misava hi sweswo.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Yeremiya 3:3

Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

Ntirho 29:23

Va ndzi langutela kukotisa mpfula, Va ahlamisa milomu ya vona kukotisa loko va amukela mpfula ya munakan'we.

Yeremiya 10:13

Loko xi tlakusa rito, mati ma hlengeletana ematilweni; kambe xi humesa tihunguva emakun'wini ya misava hi ku hatima xi nisa mpfula, kutani xi humesa moya eku fumeni ka wona.