Yeremiya 5:23 - Xitsonga (Bibele)

²³ Kambe tiko rero ri ni mbilu leyi kanetaka, leyi tiarisaka; va hundzukile, kutani va fambile.

BIBELE Mahungu Lamanene

²³ Kambe n'wina mi omile tinhloko, ma tiarisa, kutani mi ndzi fularherile, mi suka mi famba.

Yeremiya 5:23 Referans Kwoze

Yeremiya 6:28

I vahundzuki ni lava tiarisaka hinkwavo, va tshama va lumbeta; i koporo ni nhumbu; i vaonhi hinkwavo.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Pisalema 95:10

Ndzi phiriwa hi rixaka leri hi mune wa makume ya malembe, Ndzi ku: “I tiko leri mbilu ya rona yi lahlekeke, A va tivi tindlela ta mina,”

Duteronoma 21:18

“Kungakuloko munhu a ri ni n'wana la nga yingisiki, la tiarisaka, la nga yingisiki rito ra tata wa yena ni rito ra mana wa yena; ni loko ingi va n'wi layile, kambe a nga va yingisanga;

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

Hosiya 4:8

Vaprista va tiphamela hi xivi xa tiko ra mina, va navela ku homboloka ka rona.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Yeremiya 5:5

Ndzi ta ya eka vakulukumba, ndzi vulavula na vona, hikuva vona va tiva ndlela ya Yehovha, ni nawu wa Xikwembu xa vona. Kambe, na vona hinkwavo, va tshovile joko, va tshunxile mapindza.

Esaya 31:6

Hundzulekani eka yena loyi mi n'wi fularheleke swonghasi, n'wina, vana va Israele!

Esaya 1:5

Mi ta biwa ku yisa kwihi, loko mi andzisa ku tiarisa ka n'wina xana? Nhloko hinkwayo ya vabya, ni mbilu hinkwayo yi twa ku vaviseka.

Pisalema 78:8

Va nga tshuki va fana ni vatata wa vona, Rixaka ra ku tiarisa, ro dzumadzuma, Rixaka leri nga fambiki hi mbilu yo tiya, Leri moya wa rona, wu nga tshembiki Xikwembu.

Yeremiya 4:17

Va n'wi rhendzele kukotisa varindzi va nsimu, hikuva u tiarisile emahlweni ka mina,’ ” ku vula Yehovha.

Sofoniya 3:1

Wu ni khombo muti lowu tiarisaka, wu ni thyaka, muti lowu xanisaka.

Duteronoma 31:27

Hikuva ndza tiva ku kaneta ka wena ni ku nonon'hwa ka nhamu ya wena; ni namuntlha leswi ndza ha hanyaka exikarhi ka n'wina, ma ha kaneta Yehovha, kambe swi ta ku yini loko ndzi ta va ndzi file!