Yeremiya 5:22 - Xitsonga (Bibele)

²² Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

BIBELE Mahungu Lamanene

²² Mina HOSI ndzi ri, hikwalaho ka yini mi nga ndzi chavi, hikwalaho ka yini mi nga rhurhumeli emahlweni ka mina xana? Mati ya lwandle ndzi ma bele ndzilekana hi sava rinene, a ma nga wu tluli ni siku ni rin'we; hambiloko magandlati ma nga tlakuka, kumbe lwandle ri pfuma, ndzilekana wolowo wu nge tluriwi.

Yeremiya 5:22 Referans Kwoze

Pisalema 104:9

U vekele mati ndzilakana leswaku ma nga tshuki ma wu tlula, Ma nga vuyi ma funengeta misava.

Ntirho 26:10

Xi akerile empfhukeni wa mati xirhendzevutana, Ku fika laha ku vonakala ku avanaka kona ni munyama.

Swivuriso 8:29

Ni siku a lerisaka lwandle ndzilakana wa rona, Mati ya rona ma nga tluli ribuwu, Ni siku a anakanyaka masungulo ya misava,

Pisalema 119:120

Miri wa mina wu rhurhumela hi ku chava wena, Ndzi chava ku avanyisa ka wena.

Duteronoma 28:58

“Loko u nga tilanguteli ku landza marito hinkwawo ya nawu lowu, lama tsariweke ebukwini leyi, ni ku chava vito leri kwetsimaka ni leri chavisaka ra Yehovha, Xikwembu xa wena,

Nahume 1:4

U tshinya lwandle ri va ri phya; u phyisa milambu hinkwayo. Baxani wa vuna, na yena Karmele, na xona xiluva xa Lebanoni xa vuna.

Yeremiya 10:7

I mani la nga ku chaviki, wena hosi ya matiko? Hikuva u fanela hi ku chaviwa, hikuva exikarhi ka lava tlhariheke hinkwavo eka vamatiko, ni le xikarhi ka ku fuma hinkwako ka kona, a ku na la fanaka na wena.

Marka 4:39

Kutani a pfuka, a tshinya mheho, a ku eka lwandle: “Miyela, u ku ntsee!” Kutani mheho yi miyela, ni ku rhula lokukulu ku va kona.

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

Amosi 9:6

Wa aka tindlu ta yena leti tlakukeke etilweni, u veka tilo ri endla lwangu ehenhla ka misava, u vitana mati ya lwandle a ma halatela henhla ka misava; vito ra yena i Yehovha.

Pisalema 99:1

Yehovha wa fuma, matiko ma rhurhumela; U tshamile exikarhi ka tikerubu; misava ya tsekatseka.

Pisalema 33:7

A hlengeleta mati ya lwandle ma endla nhulu, A veka swidziva evuhlayiselweni.

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Luka 12:5

Kambe ndzi ta mi kombisa loyi mi faneleke ku n'wi chava: Chavani loyi, kutakuloko a dlele miri, a nga ni matimba ya ku susumetela munhu etiheleni. Ina, ndzi ri eka n'wina, yeloyi, n'wi chaveni.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Esaya 66:5

Yingisani rito ra Yehovha, n'wina lava chavaka rito ra yena! “Vamakwenu lava mi vengaka, lava mi tlherisaka hikwalaho ka vito ra mina, va ku: ‘Yehovha a a kombise ku twala ka yena leswaku hi ta vona ku tsaka ka n'wina!’ Kambe va ta khomiwa hi tingana.

Genesa 1:9

Kutani Xikwembu xi ku: “Mati lama nga ehansi ka tilo a ma hlengeletane exivandleni xi ri xin'we, ku va ku humelela laha ku omeke.” Kutani swi va tano.

Ntirho 38:8

“I mani la pfaleleke lwandle hi timbanti, Siku ri humaka hi matimba ekhwirini ra mana wa rona?

Pisalema 46:3

Hambi magandlati ya wona ma pfuma, ma endla boboma, Hambi tintshava ti rhurhumela hikwalaho ka ku tlakuka ka wona.

Esaya 64:2

ku fana ni ku pfurha ka ndzilo wa tihunyi leti omeke, hilaha ndzilo wu virisaka mati; valala va wena va ta tiva vito ra wena, matiko ma ta rhurhumela emahlweni ka wena.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Amosi 4:12

“Hikwalaho u ta vona leswi ndzi nga ta swi endla eka wena, Israele! Kutani leswi ndzi nga ta endla sweswo eka wena, kwalaho u tilunghisela ku hlangana ni Xikwembu xa wena Israele!”

1 TIHOSI 13:28

kutani a suka a famba, a ya kuma ntsumbu wu etlele endleleni, ni mbhongolo yi ri ni nghala swi yimile ekusuhi ni ntsumbu: Nghala yi nga dyanga ntsumbu, yi nga handzulanga mbhongolo.

Ntirho 37:24

Hikwalaho, vanhu va fanele ku chava Xikwembu; A xi languti la tshembaka vutlhari bya yena.”

Yeremiya 31:35

Hikuva, ku vula Yehovha, la vekeke dyambu leswaku ku va ku vonakala ninhlekanhi, la vekeke n'weti ni tinyeleti leswaku ti voninga vusiku, la pfuxaka lwandle kutani magandlati ya rona ma va ma pfuma: Yehovha wa mavandla, hi rona vito ra yena.

Yonasi 1:16

Kutani vavanuna volavo va khomiwa hi ku chava lokukulu ka Yehovha, va humesela Yehovha magandzelo, va tiboha eka yena hi ku hlambanya.